فلسطين اسلامي جهاد
فلسطين اسلامي غورځنګ (عربي: حرکة الجهاد الإسلامی فی فلسطین) د فلسطین یو سیاسي او نظامي سازمان دی چې د سید روح الله خمیني د افکارو پر بنسټ جوړ شوی دی. د دې سازمان هدف د وسله والې مبارزې له لارې د اسراییلو له منځه وړل او د فلسطین په نوم د اسلامي دولت په نوم یو هېواد جوړول دي. دا سازمان د اروپايي ټولنې ، [۱] برېتانیا ، جاپان ، امریکا ، کاناډا او یو شمېر نورو هېوادونو او نړیوالو سازمانونو له خوا د ترهګرو په ډله کې شمېرل شوی دی.
| عمومي مالومات |
|---|
| مهمې پېښې |
|---|
| بنسټګر |
|---|
| وېبپاڼه |
|---|
اسلامي جهاد د فلسطین یو له مشهورو پوځي ډلو څخه دی او نوم یې اکثرا د اسراییل او فلسطین په نظامي جګړو کې اورېدل کیږي. په هرصورت، دا یو نسبتا کوچنی او محدود سازمان ګڼل کیږي. [۲]
فلسطين اسلامي جهاد غورځنګ د خپل ژوند په اوږدو کې له اسرائیلو سره له جوړجاړي ډډه وکړه، چې له همدې امله لوېدیځوال دا د فلسطین له سخت دریځو ډلو څخه ګڼي. دا سازمان د فلسطین اداره په رسمیت نه پېژني او د هغه منحل کېدل غواړي. [۳]
زیاد نخاله د دې غورځنګ اوسنی عمومي منشي دی چې له رمضان عبدالله صالح وروسته دغه مقام ته وټاکل شو. [۴]
تاریخ
سمولد فلسطین اسلامي جهاد د ۱۹۸۰ لسیزې په وروستیو کې په مصر کې د درېوو فلسطیني محصلینو لخوا؛ فتحي شقاقي ، عبدالعزیز عوده او بشیر موسی د مصر د اسلامي جهاد د یوې برخې په توګه جوړ شول. که څه هم دوی سنيان وو، دوی د ایران د اسلامي انقلاب لخوا خورا اغېزمن شوي، کوم چې د یو دیوکراټیک حکومت د جوړولو لامل شو. [۲] څه موده وروسته په فلسطين کې د اسلامي جهاد فعاليتونه په مصر کې له اسلامي جهاد څخه په خپلواکه توګه پيل شول او د ۲۰۰۰ کال په جون کې په مصر کې اسلامي جهاد له القاعدې سره په اتحاد کې د القاعدې الجهاد په نوم يو سازمان جوړ کړ. [۵]
پوځي فعالیتونه
سمولاسلامي جهاد وسله واله مبارزه د اسراييلو د بشپړې تباهۍ، په فلسطين کې د اسلامي دولت د جوړېدو او په ټولنه کې د اسلامي احکامو د پلي کولو لپاره يوه سياسي تګلاره ګڼي.
د اسلامي جهاد عملیات چریکي جنګونو ته ورته دي او ځان په ځانګړو نظامي او سیمه يیزو اهدافو پورې نه محدودوي. د دې سازمان تنظیمي جوړښت هم د چریکي جګړې د جوړښت په څېر له ۴ يا پنځه تنو يو ډلګی لري. [۶]
د دغه سازمان پوځي څانګه د قدس کنډک په نوم یادیږي. دوی د اسراییلو په وړاندې د ډېری بریدونو مسولیت په غاړه لري، له هغې جملې د ځانمرګو بريدونو او په اسراییلي ښارونو کې د قدس راکټونو ډزې چې ډېر وګړي یې وژلي او د ۲۰۰۸ په دېسمبر کې په غزې باندې د اسراییلو د برید اصلي لامل و. ځکه چې دا راکټونه په عمده توګه د غزې له تړانګې څخه توغول شوي چې د ۲۰۰۷ کال د جون په میاشت کې د غزې تر جګړې وروسته د حماس بشپړ کنټرول کې دی.
د اسرائیلي پوځ سره نښتې
سمول
د الاقصی انتفاضې له پیل وروسته د اسلامي جهاد تر ټولو مهم عملیات:
- د ۲۰۰۲ کال په جون میاشت کې پر یوه اسرائیلي بس برید چې ۱۷ کسان یې ووژل.
- د ۲۰۰۲ کال په نومبر میاشت کې په هیبرون کې پر يهود مېشتو سيمو او پوځیانو یو ناڅاپي برید چې ۱۴ کسان یې ووژل.
- د ۲۰۰۹ کال د اپریل په دوهمه د بیت عین په یهود میشته سيمه کې د یوه ۱۳ کلن تنکي ځوان وژل او د یوه ۷ کلن اسراییلي ماشوم ټپي کیدل. [۷] [۸] [۹]
- د ۲۰۱۲ کال په مارچ میاشت کې اسلامي جهاد د اسرائیلو په جنوب کې پراخ راکټي بریدونه تنظیم کړل او په څو ورځو کې یې تر ۱۲۰ زیات راکټونه پر اسرائیلو وویشتل چې یوازې یو کس یې ټپي کړ. [۱۰]
- د ۲۰۱۹ کال په مارچ میاشت کې د اسرائیلو پوځ اعلان وکړ چې د غزې له تړانګې څخه د ماښام په ساعتونو کې دوه راکټونه توغول شوي چې د فلسطین د اسلامي جهاد تنظیم د دغو راکټي بریدونو مسولیت په غاړه درلود. [۱۱]
- د غزې په تړانګه د اسرائيلو په توغندويي حملې کښې د فلسطين د اسلامي جهاد ډلې پوځي قومندان بها ابوالعطا او په دمشق کښې د لبنان سفارت ته نزدې د اسرائيلو په هوايي حمله کښې د دغې ډلې يو لوړپوړی غړی اکرم اجوري هم ووژل شو د اسلامي جهاد د قدس لوا د قوماندان اکرم الاجوري د وژلو هدف و، خو په دغه برید کې د اکرم اجوري پر ځای د هغه زوی معاذ ووژل شو. [۱۲]
باورونه او پالیسۍ
سمول
د فلسطیني ډلو په منځ کې اسلامي جهاد حماس ته تر ټولو نږدې دی. دوی دواړه اسلامپاله دي، دواړه د اسرائیلو وجود نه پېژني او د له منځه وړلو لپاره یې جګړه کوي. دوی د اسرائیلو پر ضد ګډ پوځي عملیات کړي دي. دواړه په مصر کې د اخوان المسلمین غورځنګ پر مهال رامنځ ته شوي او دواړه د ایران له مالي او سیاسي ملاتړه برخمن دي. [۲] په هرصورت، د حماس برعکس، دوی تر اوسه د فلسطیني ادارې په ټاکنو کې برخه نه ده اخیستې. او دوی ډیر سیاسي او ټولنیز فعالیتونه نلري.
اسلامي جهاد د اوسلو د تړون سخت مخالف دی او د سولې د خبرو د شنډولو لپاره یې په نتنیا او تل ابیب کې د ۱۹۹۵ کال په جنورۍ او مارچ کې په دوو ځانمرګو بریدونو کې په ترتیب سره ۱۹ او ۱۳ کسان ووژل. [۲]
د اسراییلو حکومت دا ډله په مستقیمه توګه د ایران د اسلامي جمهوریت تر څارنې لاندې ګڼي. په ۲۰۱۰ کال کې د اسرایلو پوځ د مدیترانې په اوبو کې د ویکټوریا کښتۍ ودروله او ادعا یې وکړه چې لسګونه ټنه پوځي کارګو چې په کې له ځمکې څخه سمندري راکټونه هم شامل دي، د قدس ځواک له خوا په غزه کې د اسلامي جهاد ځواکونو ته لیږدول کیږي. د ۲۰۱۲ کال د مارچ په میاشت کې د اسرائیلو لومړي وزیر بنیامین نتنیاهو د اسلامي جهاد «په بشپړ ډول د ایراني سازمان» په توګه بیان کړ او ویې ویل چې «د ایران اسلامي جمهوریت د دې سازمان مالک او بنسټ ایښودونکی دی...او له ایران څخه روزنه او لوژیستیکي مرستې او وسلې تر لاسه کوي.» [۱۰]
سرچینې
سمول- ↑ http://eur-lex.europa.eu/LexUriServ/site/en/oj/2005/l_340/l_34020051223en00640066.pdf
- ↑ ۲٫۰ ۲٫۱ ۲٫۲ ۲٫۳ Who are Islamic Jihad, BBC News
- ↑ جهاد اسلامی فلسطین خواستار انحلال تشکیلات خودگردان و تشکیل دولت مقاومت شد، خبرگزاری قدس، ۲۷ دی ۸۷
- ↑
{{cite web}}: Empty citation (help)CS1 errors: unsupported parameter (link) - ↑ "The Man Behind Bin Laden".
{{cite web}}: Missing or empty|url=(help)CS1 errors: archive-url (link) CS1 errors: unsupported parameter (link) - ↑
{{cite web}}: Empty citation (help)CS1 errors: unsupported parameter (link) - ↑ یک فلسطینی یک پسر بچه اسرائیلی را با تبر کشت Error in webarchive template: Check
|url=value. Empty. (رادیو فردا) - ↑ Teen killed in West Bank terror attack (Yedioth Ahronoth)
- ↑ قتل نوجوان ۱۳ ساله اسرائیلی، حلقه دیگری از ترور فلسطینی (وزارت امور خارجه اسرائیل)
- ↑ ۱۰٫۰ ۱۰٫۱ نتانیاهو: ایران فلسطینیها را به پرتاب راکت به اسرائیل تشویق میکند رادیو فردا، ۲۴ اسفند ۱۳۹۰
- ↑
{{cite web}}: Empty citation (help)CS1 errors: unsupported parameter (link) - ↑
{{cite web}}: Empty citation (help)CS1 errors: archive-url (link) CS1 errors: dates (link) CS1 errors: unsupported parameter (link) - ↑
{{cite web}}: Empty citation (help)CS1 errors: unsupported parameter (link)