ربات
رباط یا په عربي ژبه کې الرباط د مراکش هېواد پلازمېنه او د دې هېواد تر ټولو ستر اوم ښار دی چې د اټکل له مخې په ۲۰۱۴ ز کال کې ۵۸۰۰۰۰ ښاري وګړو پکې ژوند کاوه چې د شاوخوا سیمو د وګړو په ګډون دا شمېر ۱.۲ میلیون وګړو ته رسېده. دا ښار همداشان د رباط سالي کینیترا د اداري سیمې ښاري مرکز دی. رباط د اتلانتیک سمندر پر غاړه د بو ریګریګ سیند په خوله کې پروت ښار دی.[۶][۷][۸][۹]
| رباط | |
|---|---|
 د پنظم محمد قبر
| |
| Rabat city | |
 د مراکش په نقشه کې د رباط موقیعت
| |
| Lua error in Module:Mapframe at line 385: attempt to perform arithmetic on local 'lat_d' (a nil value). | |
| کورډېناټونه: ۳۴°۰۲′ شمال ۶°۵۰′ لویدیځ / 34.033°شمال 6.833°لويديځ | |
| بنسټ ایښودنه | ۱۱۴۶ |
| بنسټګر | موحدون |
| اداري وېش | |
| هیواد |  Morocco
|
| د مراکش ولایتونه | 22px رباط سلا زمور زعیر |
| پلازمینه د: | مراکش (۱۹۵۶–)
|
| حکومت | |
| • شهردار | فتحالله و العلو |
| • پادشاه | شپږم محمد (مراکش) |
| • ښاروال | Hassan Amrani |
| پراخوالی | |
| • شهر | ۱۱۷ کلوميټر٢ (۴۵ میله مربع) |
| لوړوالی | ۷۵ ميټره (۲۴۶ فوټ) |
| نفوس شمېرنه (۲۰۱۲) | |
| • شهر | ۶۲۰٬۹۹۶ |
| • ترتيب | ۳ ام |
| • د نفوسو کثافت | ۵٬۳۰۰/کلوميټر٢ (۱۴٬۰۰۰/ميله مربع) |
| • ستره ښاري سيمه | ۲٬۱۲۰٬۱۹۲ |
| د گڼه گوڼې نوم | Rabatí |
| وروستي مالومات | |
| وخت زون | WET (ه.ن.و۰+) |
| • د اوړي وخت | WEST (ت.ع.م ۱+) |
| رسمي ژبه | عربي ژبه |
| کدپستی | ۱۰۰۰۰ |
| سيمه ييز د زنګ کوډ | 537 |
| جيو کوډ | 2538475[۱] |
| خورلڼې ښارونه | |
| رسمي وېبپاڼه | www.rabat.ma/portal/ |
 |
|
سمول  |
|
رباط په ۱۲مه پېړۍ کې د الموحدونو د سترواکۍ له خوا جوړ شو. دې ښار په چټکه توګه سره وده وکړه، خو د الموحدونو د سترواکۍ په نړیدو سره د یوه څه مودې لپاره له زوال سره مخ شو. په ۱۷مه پېړۍ کې، رباط د بربري سمندري غلو لپاره په یوه پټنځای بدل شو. فرانسویانو په ۱۹۱۲ ز کال کې مراکش تر خپل قیمومیت لاندې راوست او رباط یې د هغه اداري مرکز وګرځاوه. مراکش په ۱۹۵۵ ز کال کې خپله خپلواکي واخیسته او رباط یې خپله پلازمېنه وګرځوله.
رباط، تماره او سلا د څه باندې ۱.۸ میلیون وګړو یو شهرک جوړوي. د خټو او چیکړو د ستونزو له امله د رباط نقش د یوه بندري ښار په توګه را کم شوی دی. خو بیا هم، رباط او سلا د نساجي مهم صنایع، د خوراکي توکو تولید او ودانیز صنعت لري. سربېره پر دې، ګرځندوی او په رباط کې د ټولو بهرنیو سفارتونو شتون د دې لامل ګرځیدلی چې رباط د هېواد یو مهم مرکز پاتې شي. د هغې سروې له مخې چې د CNN له خوا په ۲۰۱۳ ز کال کې تر سره شوه، د مراکش پلازمېنه رباط «په ۲۰۱۳ ز کال کې د غوره سفر کوونکو مسیرونو» په توګه ټاکل شوې وه. دا ښار د مراکش د امپریالیستي څلورو ښارونو نه یو دی او د رباط مدینه بیا د نړۍ د میراث لرونکې سیمې په توګه هم ثبت شوې ده. رباط ته د ONCF سیستم له لارې په ټرین سره سفر کېدای شي او همداشان د الوتکو په مټ د رباط – سلا هوايي ډګر له لارې. [۱۰]
ایتمولوژي
د رباط نوم د عربې کلیمې الرباط نه را اخیستل شوی دی چې معنی یې رباط ده یعنې اسلامي مرکز یا مورچه. دا نوم د رباط الفتح لنډیز دی چې د فتحې د مورچې یا د کامیابۍ د مورچې معنی ورکوی- دا هغه نوم دی چې الموحدونو په ۱۱۷۰ ز کال کې د یوې سمندرې پایګاه په توګه د دې ښار د جوړولو پر مهال ورکړ.[۱۱][۱۲]
لرغونې سلا
له میلاد نه وړاندې په لومړۍ زریزه کې، فنیقیانو د اوسني مراکش د اطلس سمندر پر غاړو باندې ګڼې سوداګریزې مستعمرې جوړې کړي، خو په دغه سیمه کې د سلا یا شلات په نوم د فنیقي هستوګنځي د شتون په اړه لرغون پیژندونکې ځینې بحثونه لري. له میلاد نه وړاندې په لومړۍ پېړۍ کې، سیمه ییزو اوسېدونکو لا په نیو-پونیکي ژبه باندې لیکل کول، خو دا سیمه د روم تر اغېز لاندې راغله. تر څو چې دا هېواد له میلاد نه وړاندې په لومړۍ پېړۍ کې په رسمي بڼه د روم له خوا ضمیمه شو، د لرغونې موریتاني سلطنت تر کنټرول لاندې و. هغه سیمه چې د چیله په نوم مشهوره وه او د ننني ښار په سویلي سیمه کې واقع وه، رومیانو د سلا په نوم یوه مستعمره جوړه کړه. په دې ښار کې کېندنو ښودلې چې له رومي جوړښتونو نه وړاندې دلته موریتاني جوړښتونه موجود و. له لیکسوس سره یو ځای، د سلا مستعمره یوه له هغو دوو سمندري ځایونو څخه و چې د رومیانو تر کنټرول لاندې و. د سلا بندر (چې اوس له منځه تللی) د رومیانو د سوداګریزو کښتیو له خوا له Anfa او Insula Purpuraria سره د سویل لویدیځو لارو لپاره کاریده.[۱۳][۱۴][۱۵][۱۶][۱۷]
لرغونې توکي چې ویزیګوتي او بیزانسي منشا لري په دغه سمه کې موندل شوي دي، د سلا او رومي اروپا تر منځ د سوداګریزو او سیاسي اړیکو تداوم تر هغه مهاله ښیي چې په اومه پېړۍ کې د افریقا په شمال کې د بیزانس سترواکي ټینګه شوه. خو بیا هم، سلا په پنځمه پېړۍ کې یو ډول متروک شو او کله چې په ۷مه پېړۍ کې مسلمان اعراب دلته راغلل او په سیمه کې یې اسلامي نفوذ رامنځته کړ، دا ښار زیاتره ویران و. [۱۸][۱۹]
سرچينې
- ↑ پیوستون : 2538475 — منښتلیک: Creative Commons Attribution 3.0 Unported
- ↑ http://www.bethlehem-city.org/Twining.php
- ↑ http://www.munimadrid.es/portal/site/munimadrid/menuitem.dbd5147a4ba1b0aa7d245f019fc08a0c/?vgnextoid=4e84399a03003110VgnVCM2000000c205a0aRCRD&vgnextchannel=4e98823d3a37a010VgnVCM100000d90ca8c0RCRD&vgnextfmt=especial1&idContenido=1da69a4192b5b010VgnVCM100000d90ca8c0RCRD
- ↑ http://www.commune-tunis.gov.tn/fr/mairie_cooperation1.htm
- ↑ https://www4.honolulu.gov/docushare/dsweb/Get/Document-48917/1htbcq23.pdf
- ↑ "Rabat". انګليسي ژبې امريکايي ميراث قاموس (پنځم ed.). هارپېرکولينز. نه اخيستل شوی 7 May 2019.
- ↑ "Rabat". Collins English Dictionary. HarperCollins. نه اخيستل شوی 7 May 2019.
- ↑ "Décret fixant le nom des régions" (PDF). Portail National des Collectivités Territoriales (په فرانسوي). Archived from the original (PDF) on 2015-05-18. نه اخيستل شوی 2015-07-11.
- ↑ "Rabat" Archived 2019-05-07 at the Wayback Machine. (US) and کينډۍ:Cite Oxford Dictionaries
- ↑ "Top travel destinations for 2013 - CNN.com". Edition.cnn.com. 2013-01-02. نه اخيستل شوی 2013-03-12.
- ↑ تاريخ رباط الفتح - عبد الله السويسي (په عربي).
- ↑ "دعوة الحق - رباط الفتح". www.habous.gov.ma. نه اخيستل شوی 2021-04-06.
- ↑ Janet L. Abu-Lughod (2014). Rabat: Urban Apartheid in Morocco. Princeton University Press. pp. 35, 37–38 (note 2). ISBN 978-1-4008-5303-8.
- ↑ Martín, Alfredo Mederos (2019). "North Africa: from the Atlantic to Algeria". In Doak, Brian R.; López-Ruiz, Carolina (eds.). The Oxford Handbook of the Phoenician and Punic Mediterranean (په انګليسي). Oxford University Press. p. 630. ISBN 978-0-19-049934-1.
- ↑ Anna Gallina Zevi; Rita Turchetti (2004). Méditerranée occidentale antique: les échanges. Atti del seminario (Marsiglia, 14–15 maggio 2004). Ediz. francese, italiana e spagnola. Rubbettino Editore. p. 224. ISBN 978-88-498-1116-2.
- ↑ Mugnai, Niccolò (2016). Architectural Decoration and Urban History in Mauretania Tingitana (Morocco) (PhD thesis) (په انګليسي). School of Archaeology and Ancient History, University of Leicester. pp. 156–183.
- ↑ "Le province romane d'Africa in "Il Mondo dell'Archeologia"". www.treccani.it (په اېټاليايي). نه اخيستل شوی 2018-02-24.
- ↑ Boube, J. "Éléments de ceinturon wisigothiques et byzantins trouvés au Maroc".Bulletin d'archéologie marocaine, volume=XV, 1983–84.pages=281–297
- ↑ Salmon, Xavier (2021). Fès mérinide: Une capitale pour les arts, 1276-1465. Lienart. pp. 268–271. ISBN 9782359063356.