 | دې مخ کې د پښتو ويکيپېډيا کړنلار او لارښوونې بيان شوي، په کومو چې د ويکيپېډياګرانو اجماع ده، په همدې ډول دا د ټولو کارنانو لپاره لازمي معيار دی. تاسو په دې پاڼه کې سمون کولی شئ، خو پام مو وي چې ستاسو سمون د نورو د اجماع خلاف نه وي. |
ويکيپېډيا ړنګولو تګلار' له ويکيپېډيا څخه د ځينو مخونو، کينډيو، وېشنيزو، کارنمخونو او نورو مخونو د ړنګولو معيارونه راښيي چې د ويکيپېډيا له اصولو سره په ټکر کې وي، دا چې دا اصول څه دي، کومې ليکنې د ړنګېدو وړ دي، چې بايد ړنګې شي او څه ډول بايد ړنګې شي، په دې تګلار کې ښودل کيږي.
کله چې په ويکيپېډيا کې يو مخ ړنګيږي، نو د هغه مخ پېښليک هم د عامه ليد څخه ړنګيږي، له ورانکارۍ پرته چې ټول کارنان يې ړنګولی شي، د نورو مخونو ړنګول يوازې د پازوالانو واک کې وي، په همدې توګه د يوې ړنګې شوې ليکنې په کتو که پازوال يې لازمه وګڼي، هغه مخ بېرته خپرولی هم شي. په ويکيپېډيا کې د دې ټولو کړنو يو پېښليک د ړنگولو يادښت کې موجود وي.
لاندې د ړنګولو ځينې حالتونه بيان شوي دي، خو البته يوازې دا حالتونه نه دي چې له مخې يې يوه ليکنه ړنګېدای شي(پام مو وي که په يوه ليکنه يا مخ کې د يوې برخې په ړنګولو سره ليکنه ګټوره کېدای شي، نو د ټولې ليکنې د ړنګولو څخه د هغې برخې ړنګول او مخ په خپل حال پرېښودل غوره دي).
- د مخ په موجوده موادو کې بايد لږ ترلږه د ويکيپېډيا:چټک ړنګېدو معيارونو څخه يو معيار موجود وي.
- د خپراوي له حقه سرغړونه يا داسې مواد شامل وي چې د ويکيپېډيا د ناخپلواکه منځپانګې معيارونو څخه سرغړونه کړې وي.
- ورانکاري او شخړه لېږدول،او هغه مخونه او ليکنې چې نورو ته پکې توهين او د موضوع د توهين او بې مانا منځپانګې لرونکې وي.
- خبرتياوې او د ناسمو منځپانګو خپرول.
- منځپانګې بېلابېلو ځايونو ته لېږدول (ترڅو چې اخږل او لېږدول مناسب نه وي).
- داسې ليکنې چې په شخصي څېړنې او تحقيق باندې متکي وي يا په هغې کې داسې خرافات بيان شوي وي چې د پوهنغونډ له شان سره مناسب نه وي (خو که ليکنې د ټولنې له مشهورو عرفونو څخه سرچينه اخيستي وي، يا له دودونو سره تړلې وي، نو ليکنه به ړنګه نه شي).
- په ليکنه کې باوري سرچينې نه وي او ليکوال کارن ته د يادولو په صورت کې هم هغه د باوري سرچينو په وړاندې کولو کې تصديق وړتيا کې ناکام پاتې شي.
- داسې ليکنې چې د بياکتنې معيارونو باندې برابرې نه اوسي.
- هغه ليکنې چې په هغې کې د ويکيپېډيا تګلارې د ژونديو ژوندليکونو معيارونو څخه سرغړونه شوې وي.
- بې ګټې کينډۍ
- بې ترتيبه او نه پوهېدو وړ وېشنيزې
- نه کارېدونکي او غير وړيا انځورونه چې د ويکيپېډيا تګلارې سره سم نه وي.
- نومځي ناسم کارول، ياڼې ليکنه، کينډۍ، منصوبه او کارن په يو نومځي کې داسې منځپانګې شاملوي چې د هغې نومځي سره هيڅ اړيکه نه لري او هيڅ اړخ ورسره نه لري.
- هر هغه منځپانګه چې د پوهنغونډ د شان سره مناسبه نه وي.
کينډۍ:پازوال لارښود
