ويکيپېډيا:ورانکاري

اخلاقي لارښوونې نزاکت ښه پيل اجماع شخړو حل سمونيزه خبرتيا سمون تګلار ځورونه شخصي بريد بند منځپانګې څښتنولي ګڼ ګڼون بنديز کارننوم تګلار ورانکاري د ويکيپېډيا په منځپانګه کې په ناسمه توګه د يو څه زياتول، ړنګول يا په هغې کې داسې يو سمون کول چې له کبله يې د ويکيپېډيا بشپړتيا له منځه لاړه شي، ورانکاري بلل کيږي. يا د بېلګې په توکه که ووايو چې د ويکيپېډيا په مخونو کې د ليکنې سره د نه تړاو لرونکو انځورونو، بربنډو انځورونو يا خندا وړ ليکنو ځايول يا په غير منطقي توګه د تګلارې مخالف له ځينو ليکنو څخه يو څه ړګول او يا په ځينو مخونو کې په واضح ډول د بې کاره او غير ضروري موادو ځای پرځای کولو ته د ويکيپېډيا ورانکاري وايي. يانې ورانکاري هر هغه عمل دی چې د ويکيپېډيا ليکنې او مخونه خرابوي يا يې بې باوره کوي يا دا چې د ويکيپېډيا مالومات ګډوډ کوي. ورانکاري منع ده د کارنانو د هڅونې په پار بايد وارنکاری کارن د هغې د ورانکارۍ په اړه خبر کړای شي، د څو پرله پسې ورانکاريو يا د نه منع کېدو په صورت کې ويکيپېډيا:پازوالان کولی شي چې په هغې د څه مودې لپاره بنديز ولګوي. د ورانکارۍ مخنيوی څنګه وکړو کوښښ وکړئ چې وروستي بدلونونه پاڼه او په ځانګړې توګه نوي مخونه وڅارئ!. د ورانکارۍ ليدلو پرمهال بايد څه وکړو؟ که تاسو په کومه ليکنه يا مخ کې ورانکاري ووينئ، نو هغه ورانکارې برخه يې لرې کړئ، يا ټوله ليکنه سمه کړئ. خو که کوم مخ داسې وي چې د هغې د ليکنې موخه، ناسم مواد يا په څرګند ډول ورانکاري وي، نو تاسو کولی شئ چې د هغې ليکنې ړنګېدو غوښتنه وکړئ، د غوښتنې تګلار دا ه چې د يادې ليکنې په سر کې دا کينډۍ ولګوئ {{ړنگول|ړنګولو سبب وليکئ|تاريخ}}. که ورانکاري يو ګڼوڼ لرونکي کارن کړې وي، نو د هغې د خبرو اترو پرمخ پيغام پرېږدئ او د ژر سمون په اړه اقدام وکړئ. نويو کارنانو ته لارښوود سمون ورانکاري ده، يا تېروتنه بايد وکتل شي چې کارن دا ډول بدلونونه د سمون په نيت ترسره کړي يا د ورانکارۍ په نيت، يانې د کارن موخه په ليکنه کې د بدلون څخه د ليکنې ورانول و، يا سمول۔ بېرته ګرځول د مخ نېټه وګورئ او د ورانکارۍ دمخه تاريخ ليکنه بېرته راوګرځوئ. خبرداری کارن ته خبرداری ورکړئ، ترڅو بياځلي دا ډول تېروتنه او ورانکاري ونه کړي. د وران شوي مخ څارنه وکړئ! دا مخ تر هغې وڅارئ، ترڅو ډاډه شئ، چې نور په ياد مخ کې کوم څوک ورانکاري نه ترسره کوي. پازوال خبرول د پرله پسې ورانکارۍ په صورت کې پازوال ته خبر ورکړئ، چې په ياد کارن بنديز ولګوي، يا په اړه لازم اقدام وکړي. نور وګورئ ويکيپېډيا:فعاله پازوالان