عبدالمجيد ثاني
عبدالمجيد ثاني ( ترکي :Abdülmecit )(زېږېدنه: می 29 مه، 1868 - مړینه: د اګست 23 مه، 1944 ) د عثماني امپراتورۍ او د نړۍ په ګوټ ګوټ کې د مسلمانانو وروستی خليفه و، چې د عثماني سلطنت له پای ته رسېدو وروسته د سلطنتي کورنۍ د مشر په توګه وټاکل شو. د ۱۹۲۴ کال د مارچ په دریمه د ترکیې د جمهوریت له خوا د خلافت د ختمېدو په اعلان سره د هغه د خلافت مقام هم ختم شو. هغه د ۱۹۲۲ کال د نومبر له ۱۹ څخه د ۱۹۲۴ کال د مارچ تر ۳ مې پورې د مسلمانانو خلیفه و.
| عبدالمجيد ثاني | |
|---|---|
 | |
| د شخص مالومات | |
| پيدايښت | |
| مړینه | پاريس |
| د مړینې لامل | د زړه حمله (ناروغي) |
| تابعیت |  تورکيه
|
| کورنۍ | د عثمانیانو لړۍ |
| عملي ژوند | |
| کار/مسلک | |
| مورنۍ ژبه | تورکي ژبه |
| کاروونکي ژبه | تورکي ژبه |
سمول  |
|
.svg){kind=small}
د ۱۹۲۲ کال د نومبر په لومړۍ نېټه وروستی عثماني سلطان محمد شپږم له واکه وشړل شو او د نومبر په ۱۹مه په انقره کې د ترکیې ملي شورا هغه نوی خلیفه وټاکه. وروسته د ۱۹۲۴ کال د مارچ په میاشت کې د خلافت له ړنګیدو وروسته د خپل مخکني مشر په څېر له خپلې کورنۍ سره جلاوطن شو.
د هغه یوازېنۍ لور، شهزادګۍ خدیجه خیریه عایشه د حیدر آباد د وروستي نظام شاهوار نواب میر عثمان علي خان زوی اعظم جاه ته په نکاح شوې وه.
عبدالمجید ثاني د ۱۹۴۴ کال د اګست په ۲۳ مه د فرانسې په پاریس کې په خپل کور کې مړ شو. هغه د سعودي عربستان په مدینه منوره کې خاورو ته وسپارل شو.
- ↑ ۱٫۰ ۱٫۱ Brockhaus Enzyklopädie online ID: https://brockhaus.de/ecs/enzy/article/abd-ul-medjid-abd-ul-medjid-ii — subject named as: Abd ül-Medjid (Abd ül-Medjid II.)