حجاز
حجاز ( عربی (عربي: ٱلْحِجَاز) ) هغه سیمه ده چي د اوسني عربستان مکه، مدینه، جده، تبوک، طایف ینبوع او شاوخوا سیمي په ځان کي رانغاړي. یاده سیمه همدرانګه په عربستان کي د "لویدیځ ولایت" په نوم هم پیژندل کیږي، [۱]چي په لویدیځ کي د سره سمندر ، په شمال کي د اردن ، په ختیځ کي د نجد ، او په سوېل کي د عسیر سیمې سره پوله لري. د دې سیمي ترټولو لوی ښار جده دی، کوم چي په سعودي عربستان کې دوهم لوی ښار ګڼل کیږي، ورپسې مکه او مدینه په ترتیب سره د هیواد څلورم او پنځم لوی ښارونه دي.
| حجاز | |
|---|---|
| الحجاز حجاز |
|
 د حجاز انځور
| |
 |
|
| کورډېناټونه: ۲۳°۳۰′۱۳″شمال ۴۰°۵۱′۳۵″ختیځ / 23.5036°شمال 40.8597°ختيځ | |
| اداري وېش | |
| Country |  سعودي عربستان
|
| Regions | Al-Bahah, Mecca, Medina, Tabuk |
| پراخوالی | |
| وروستي مالومات | |
سمول  |
|
لکه څنګه چي د مکې او مدینې ښارونو موقعیت، په ترتیب سره په اسلام کې لومړی او دویم مقدس ځایونه دي په همدې ډول حجاز هم د عربو اسلامي، تاریخي او سیاسي سیمو څخه بلل سوی دی. حجاز په سعودي عربستان کي تر ټولو زیات نفوس لري، او عربي ژبه د سعودي عربستان د نورو ځایونو په څېر دلته حجازي عربي ده. د توکم له پلوه ځیني حجازیان د بېلابیلو اصلونو څخه دي، که څه هم لوی اکثریت یې د عربي نژاد دي. [۲]
د اسلامي تاریخ له مخي دا سیمه د اسلام د پیغمبر محمدﷺ د زیږون ځای دی، کوم چي په مکه کي زیږیدلی وو. [۳] [۴] حجاز د مسلمانانو د لومړنیو فتوحاتو له لاري د هغوی د امپراتورۍ برخه گنل کېده، چي لمړی د راشده خلافت ، ورپسې اموي خلافت ، او په پای کې عباسي خلافت ددغه سیمي واکمنان وه. عثماني امپراتورۍ پر دې سیمه یو جزوي کنټرول درلود او د هغوی له پرځېدو وروسته حجاز د یوه خپلواکه سلطنت په توګه په 1925 کال کي رامنځ ته سو. د 1932 په سپتمبر کي د حجاز او نجد سلطنت د الحسا او قطیف د سعودي واکمنۍ سره یوځای او د سعودي عربستان متحد سلطنت یې رامینځته کړ.