سوشانت سينګ راجپوت

سوشانت سينګ راجپوت (په انګليسي:Sushant Singh Rajput) ، (زېږون: ۲۱ جنوري ۱۹۸۶(۱۹۸۶-02-۲۱) کې مړينه ۱۴ جون۲۰۲۰ ) (ونه 183 سانتي متره ) د هندي سيمکت او تلویزیون يو نوميالی هيرو او لوبغاړی و. هغه خپل کیریر د تلوېزیوني سریالونو هولي ریلیشنشيپ لړۍ او په دوه نڅا خپرونو (2009 څخه تر 2011) کې برخه اخیستو سره پیل کړ. او د کای پوچي فلم په ترسره کولو سره يې خپل د سينما سفر پيل کړ، په دې ټولنيز فلم کې د هغه رول او اداکاري د مينه والو له خوا ستايل شوی دی.

سوشانت سينګ راجپوت

सुशांत सिंह राजपूत (هندي)

اړوند

زېږونځای	پټنا
ښاروندتوب	هند
زېږون نېټه	۲۱ جنوري ۱۹۸۶
مړينې نېټه	۱۴ جون ۲۰۲۰
مړينې ځای	Bandra (en)
مړينې لامل	asphyxia (en)
زدکړنځی	Delhi Technological University (en) — St. Karen's High School, Patna (en)
ژبې	هندي — انګرېزي ژبه
دنده	ماډل — تلویزیون ستوري — فلم لوبګر — نڅاګر

ټوليز مالومات

عمومي مالومات	انسان
دین	سکهيزم

اړين مالومات

مهمې پېښې	۱۴ جون ۲۰۲۰ : death of Sushant Singh Rajput (en)

جوړښت

جایزې	Apsara Award for Best Male Debut (en) (۲۰۱۴) , لپاره د «Kai Po Che! (en) »

نوموړی د ۲۰۲۰ کال د جون په ۱۴ مه سهار په خپل کور کې مړ وموندل شو.

ژوندلیک

سوشانت سینګ راجپوت د هند د بيهار ایالت په پټنا ښار کې زېږېدلی و. د هغه پلرنی کلی د پورنیا په سیمه کې دی.

د هغه یوه خور، متو سینګ، یو مسلکي کرکټره ده. په ۲۰۰۲ کې د دوی د مور مړینې د سوشانت کور ویجاړ کړ او دوی په هماغه کال له پټنا څخه ډیلي ته لاړل. هغه د هندي پوهنتونونو د داخلې په ازموینه کې اووم مقام خپل کړ او د ډیلي تخنیکي پوهنتون کې یې میخانیکي انجینري ولوسته، هغه د هند د ملي فزیک المپیاډ ګټونکی هم و. په هرصورت، هغې د کالج له څلورو کلونو څخه یوازې درې کاله يې زده کړې وکړې او له هغې وروسته يې د خپلې خوښې مسلک نڅا او اداکارۍ ته مخه کړه، دی په دې پرېکړه کې له شاه رخ خان ډېر اغېزمن و.

په ۹ کلونو کې، راجپوت وتوانید چې څو بریالي فلمونه ترسره کړي او په ټولنه کې خپل ګڼ شمېر مينه وال پيدا کړي، په ۲۰۱۶ کې، راجپوت د ډوني دې انټولډ سټوري ، سپورتي فلم چې د مهندرا دهوني ژوندليک باندې راڅرخي، اداکاري وکړه.

مړينه

سوشانت سینګ د یکشنبې په ورځ د ۲۰۲۰ کال د جون په ۱۴ مه په ممبۍ کې په خپل کور کې ځان وواژه . د پوليسو په لومړنيو راپورونو کې ويل شوي چې هغه له تېرو شپږو مياشتو راهيسې په خپګان اخته و او تر رواني درملنې لاندې و.

د سوشانت سینګ د مړینې وروستی راپور د چهارشنبې په ورځ ،۲۴ جون ۲۰۲۰ پولیسو ته وسپارل شو. دا راپور د ۵ ډاکټرانو یوې ډلې لخوا لاسلیک شو. انډیا ټوډی په یوه راپور کې اعلان وکړ چې د مړینې لامل د ساه بندۍ له امله د ساه بندېدو له امله وه او هیڅ ځان وژنه نه ده شوې. د عدلي طب په لومړني راپور کې لومړی ۳ ډاکټرانو د سوشانت ځان وژنه تایید کړه او بیا په وروستي راپور کې ۵ ډاکټرانو لاسلیکونه وکړل او نظر یې تایید کړ. د ډاکټرانو نظر په واضح ډول تاییدوي چې سوشانت نه دی وژل شوی، د سوشانت په بدن کې د شخړې یا سطحي ټپ نښې نه دي لیدل شوي، پر هغه هيڅ د ګوتو نښه نه وه او دا قضیه یوازې ځان وژنه ګڼل کیږي. د ممبيي پولیسو د سوشانت د کورنۍ، ملګرو او نږدې ملګرو په ګډون د ۲۳ کسانو په اړه پلټنې وکړې. پوليس وايي سي سي ټي وي کامرې روانې دي او کار کوي. همدارنګه، پولیسو د بدن داخلي ارګانونه ساتلي ترڅو ډاډ ترلاسه کړي چې زهر خو به ورکړل شوي نه وي، او د هند د عدلي طب څانګې ته یې لیکلي ترڅو د ازموینې پروسې ګړندۍ کړي.

له بلې خوا، د ممبيي پولیس په پام کې لري چې د اداکار "د ړنګ شوي ټویټونو" په اړه له ټويټر انډيا نه مرسته وغواړي، ترڅو هغه ټويټونه بېرته زېرمه کړي، چې د هغه له مړینې څو ورځې وړاندې ړنګ شوي. داسې راپورونه شته چې وايي چې سوشانت له خپل مرګ څخه څو ورځې وړاندې خپل ځینې ټویټونه ړنګ کړل. وروستی ټویټ چې لیدل کیدی شي د دسمبر په ۲۷مه نېټه ۲۰۱۹ کال شوی دی.

غبرګونونه

د سوشانت له مړینې وروسته، امریکایی ریسلر او اداکار جان سینا په خپل انسټاګرام پاڼه کې د هغه یو عکس خپور کړ.

فیلمونه

کلید

هغه فلمونه چې تراوسه خپاره شوي نه دي

کال	سرليک	کردار	لارښود	يادښت
2013	کای پوچا	ايشان بټ	ابېشېک کپور	د غوره لومړي اداکار لپاره د سکرین جایزه نومول شوی - د غوره لومړي اداکار لپاره د فلم فیر جایزه نومول شوی - د غوره لومړي اداکار لپاره د زی جایزه
	شده ديسي رومانس	رګورام	منيش شاه
2014	پي کی	سرفراز یوسف	راجکمار هيراني
2015	ډيټيکټيو بومکيش بخشي	جاسوس بومکيس بخشي	ديباکر بينرجي
2016	ایم ایس دھونی: دې انتولډ سټوري'	مهيندرا سينګ ډوني	نيرج پانډې	د غوره اداکار لپاره د سکرین جایزه (منتقدین) نومول شوی – د غوره اداکار لپاره د فلم فیر جایزه نومول شوی - د غوره اداکار لپاره د سټارډسټ جایزه نومول شوی - د غوره اداکار لپاره د زی سینی جایزه - نارینه
2017	رابطه	جيلان/شيو کاکړ	دنيش وجن
2018	ويلکم تو نيويارک	خپله	چکري ټوليټي	مېلمه په بڼه
	کيدارنات	منصور خان	ابېشېک کپور
2019	سون چړيا	لکن لکن سينګ	ابېشېک چوبې
	چهچوري	انيرود اني پاټک	تېتيش تيواري
	ډاريو	ثمر	ترون منسوخاني
	دل بېچارہ	ميني	مکيش چابرا	فلم بندي

بهرنۍ لینک

• سوشانت سينګ راجپوت په انټرنېټ موويز ډېټابېس کی