د قطر اقتصاد
د قطر اقتصاد د سړي سر GDP له مخې په نړۍ کې یو له بډایه هیوادونو څخه دی، په عمومي توګه د نړۍ د 2015 او 2016 لپاره د نړۍ په درجه بندۍ کې د لسو بډایه هېوادونو په کتار کې ځای لري چې د نړیوال بانک ، ملګرو ملتونو ، او نړیوال وجهي صندوق لخوا راټول شوي. IMF).
| عمومي مالومات | |
|---|---|
| ځانګړې وېشنيزه | |
| ځای | |
| هېواد |
د دغه هېواد اقتصاد د خپلو ګاونډیو هېوادونو،لکه سعودي عربستان او متحده عربي اماراتو له خوا له بندیزونو سره سره وده کړې ده.
پټرولیم او طبیعي ګاز د قطر د اقتصاد بنسټیز توکي دي او د دولت د ټول عاید 70٪ څخه ډېر، د ناخالص کورني تولید 60٪ څخه ډېر، او د صادراتو عاید نږدې 85٪ جوړوي.
قطر په نړۍ کې د طبیعي ګاز درېمه لويه ثابته ذخیره لري او د طبیعي ګاز دوهم لوی صادرونکی هېواد دی .
د انرژۍ سکتور
سمولد پټرولو پر بنسټ د صنعت له راڅرګندېدو دمخه، قطر یو غریب او بې وزله هېواد و.
د تېلو او ګازو د ساحو موندنې په ۱۹۳۹ کال کې پیل شو په 1973 کې، د تېلو تولید او عواید په نه منونکي توګه زیات شول،
قطر د نړۍ د بې وزلو هېوادونو له کتار څخه ووت او په نړۍ کې یې د سړي سر عاید ترټولو لوړ رديف خپل کړ.
د قطر اقتصاد له ۱۹۸۲ څخه تر ۱۹۸۹ کلونو پورې په خرابېدو وو. اوپیک ( د نفتو صادرونکو هېوادونو سازمان )له لوري د خامو تېلو په تولید کې ځينې بنديزونه،او په نړيوالو بازارونو کې د تېلو بيو ته د نه پاملرنې له کبله د تېلو په عوايدو کې کمښت راغی. په بدل کې بايد د قطر حکومت د لګښتونو پلانونه د ټیټ عاید سره سمون لپاره کم کړي وای. په پایله کې د ځایي سوداګرۍ د بحران له امله ډېری شرکتونو د بهرني کارمندانو د په ګوښه کولولاس پورې کړ. په 1990 لسیزه کې د اقتصاد د ښه کېدو سره، په قطر کې د بهرنیانو نفوس، په ځانګړې توګه د مصر او سویلي آسیا څخه، بیا وده کړې.
د نفتو تولید به ډېر وخت په ورځ کې د 500,000 بیرلو (80,000 m³) په لوړه کچه کې پاتې نشي، ځکه چې د 2023 پورې د نفتو ساحې د ډېرېدو اټکل کیږي. په هرصورت، د طبیعي ګاز لويې زېرمې د قطر شمال ختیځ ساحل کې موقعیت لري. دا د سمندري ګازو سيمې هم شايد د پام وړ تېل او کنډنسیټ زیرمې ولري. د مثال په توګه، د قطر انرژي دولتي شرکت په 1960 لسیزه کې د تېلو دوه سمندري ساحې وموندلې. په هغه وخت کې تولید خورا ګران و. په هرصورت، د ټېکنالوژیک پرمختګ د 30 کلونو وروسته د تولید سبب شو.
د ګاز زېرمې په ځانګړو تصفیه خانو کې د معمول تېلو محصولاتو ته تصفیه کیدی شي. لګښتونه به يې یو څه لوړ وي مګر دا د شرکتونو لپاره نن ورځ عادي خبره ده چې د ګاز کانډینیسټ هم وکاروي. د PS-2 او PS-3 بلاکونو لپاره په 2008 کې د تیلو سمندري تولید شاوخوا 31.1 ملیون بیرل (84,995 b/d) و. د ګډو شرکتونو تاسیسات (PS-1, ALK, K & A): په 2008 کې د دې دریو ګډو تولیدي تاسیساتو څخه د تېلو ګډ تولید 57.4 ملیون بیرل (156,873 b/d) و. د ګازو ساحو په څېر دلته ډېر ساحل بلاکونه شتون لري چې سپړنې ته اړتیا لري او کولی شي د تېلو تولید زیات کړي. نو د 500,000 bpd لوړوالی او په 2023 کې کمښت ځنډول کیږي. د تیلو د لوړو بیو سره دا تمه کیږي چې د تیلو او / یا طبیعي ګاز ساحو د ساحل سپړنه به دوام ومومي. د 2016 په جون کې د تېلو تولید په ورځ کې شاوخوا 670,000 بیرل ښکاري، د 2016 فبروري په پرتله یو څه کم دی چې په ورځ کې 692,000 بیرل تولید شوی. که د قطر د ټولو مایعاتو په اړه ووايو نو په ورځ کې یو ملیون بیرل څخه ډېر دي.
د قطر د ګازو ثابتې ذخیرې په نړۍ کې درېمه درجه ستر ګاز دي چې له 7000 څخه ډېر دی km³ (250 ټریلیون مکعب فوټ). د قطر اقتصاد په 1991 کې د شمالي ساحوي ګاز پراختیا چې د 1.5 ملیارد ډالرو ارزښت يې درلود د لومړي پړاو په بشپړیدو سره وده وکړه. په 1996 کې، د قطرګاز پروژې جاپان ته د مایع طبیعي ګاز (LNG) صادرول پیل کړل. د شمال ساحوي ګاز پراختیا نور پړاوونه د ملیاردونو ډالرو په لګښت د پلان جوړونې او پراختیا په مختلفو مرحلو کې دي.