خليفه بن زايد آل نهيان
خليفه بن زايد آل نهيان ( عربي:خليفة بن زايد بن سلطان آل نهيان زېږون: 7 سپتمبر 1948 )، چې عموما د شيخ نهيان يا شيخ خليفه په نوم ياديږي، د متحده عربي اماراتو ولسمشر او د ابوظبۍ امير دی. زېږون سمولهغه د ۱۹۴۸ کال د سپټمبر په ۷ مه نېټه د العین په تاریخي الوجي کلا کې چې له ابوظبۍ څخه یو نیم ساعت لېرې دی، زېږېدلی دی. پلار یې زید بن سلطان آل نهیان او مور یې حسا بنت محمد بن خلیفه آل نهیان وه. زده کړه سمولد انګلستان په شاهي پوځي اکاډمۍ سنډورسټ کې يې زده کړې وکړې او پوځي زده کړې یې ترلاسه کړې. عملي ژوند سمولپه ۱۹۶۶ کال کې کله چې شیخ زاید د ابوظبۍ واکمن شو، شیخ خلیفه په ختیځو سیمو کې د هغه استازی وټاکل شو. هغه مهال شیخ خلیفه یوازې ۱۸ کلن و. درې کاله وروسته کله چې شیخ خلیفه ولیعهد (ځايناستی ) وټاکل شو، په هغه وخت کې یې د برېتانیا د سنډورسټ پوځي اکاډمۍ څخه پوځي زده کړې هم ترلاسه کړې وې. د ولیعهد په توګه له ټاکل کېدو سره سم وروسته، هغه د ابوظبۍ د دفاع وزارت مشر وټاکل شو. په ۱۹۷۱ کال کې د متحده عربي اماراتو له جوړېدو وروسته شیخ خلیفه د ابوظبۍ لومړی وزیر شو. په دې موده کې يې په ډېرو نورو پوستونو هم کار کړی دی. هغه د ابوظبۍ د کابینې مشر، د دفاع وزیر او د مالیې وزیر هم وو. په 1973 کې، هغه د متحده عربي اماراتو د لومړي وزیر د مرستیال په توګه وټاکل شو. په 1976 کې، هغه د متحده عربي اماراتو د پوځ مرستیال او په 1980 لسیزه کې، هغه د ابوظبي د پټرولیم عالي شورا (د پټرولیم لپاره المجلس العلاء) د مشر په توګه وټاکل شو. دا مقام د هغه تر مرګ پورې د هغه سره پاتې شو. صدارت او امارت سمولشیخ خلیفه د متحده عربي اماراتو دوهم ولسمشر او د ابوظبۍ د امارت ۱۶م واکمن و. هغه د شیخ زاید مشر زوی و. د خپل پلار ، زاید بن سلطان آل نهیان له مړینې وروسته، هغه د 2004 کال د نومبر په 3 ، هغه دا دواړه پوستونه ترلاسه کړل، که څه هم هغه د خپل پلار د ناروغۍ له امله د څه مودې لپاره تقریبا د ټولو اداري چارو مسولیت په غاړه اخیستی و او شیخ خلیفه ولسمشر شو. د فدرالي حکومت او ابوظبي دواړو بیا تنظیم کړل. نورې دندې سمولهغه د 2004 څخه تر 2022 پورې د UAC د وسله والو ځواکونو لوی قوماندان، په 1980 لسیزو کې د ستر پټرولیم شورا رییس، او د ابوظبي پرمختیایي فنډ مشر هم و. برج خلیفه سمولد ۲۰۱۰ کال د جنورۍ په څلورمه نېټه په دوبۍ کې د برج خلیفه د پرانېستې په مناسبت د هغه نوم په نړیوالو رسنیو کې هغه وخت راپورته شو چې د دوبۍ امیر د برج دوبۍ نوم د برج خلیفه له پرانیستې مخکې په خپل ویاړ په برج خلیفه بدل کړ. د ځینو سرچینو په وینا، د دې لامل د ابوظبۍ له خوا دوبۍ ته ورکړل شوې مرستې دي. د فالج حمله سمولد 2014 کال د جنورۍ په 24، شیخ خلیفه د مغزي سکتې سره مخ شو چې د هغه روغتیا یې په جدي ډول اغېزمنه کړه. د بي بي سي د یوه راپور له مخې، د شیخ خلیفه ناسکه ورور شیخ محمد بن زاید آل نهیان هغه مهال ویلي و، چې شیخ خلیفه بن زاید آل نهیان له یوه سختې ناروغۍ څخه تېر شوی، خو پر دې بریالی شوی دی. مرګ سمولنوموړی د ۲۰۲۲ کال د مې په ۱۳مه [۱] یوې اوږدې ناروغۍ وروسته مړ شو. . سرچينې سمول | ||||||||||||||||||||||||||||||||||||||||||||||
