پرېشان خټك
پريشان خټک (١٩٣٠ زېږدي کال، پښتونخوا، غونډې مير خانخيل کلی - د ۲۰۰۹ ز کال، د اپرېل ۱۶، پېښور)، د افغانستان يو پښتو ژبی شاعر، ليکوال او څېړونکی وو.
مخينه سمول
پروفيسر پريشان خټک پر ۱۹۳۰ ز کال د پښتونخوا په غونډې ميره خانخيل کرک سيمه کې زيږيدلى وو. د هغه آر نوم غمی جان وو، خو لنډنوم يې پرېشان وو. یانې دا چې بشپړ نوم يې غمی جان پریشان خټک وو. هغه د يو ښه شاعر تر څنگ يو ځيرک څېړونکی هم وو او د پښتو کلاسيک ادب پر شاعرانو، په ځانگړي ډول خوشحال خان خټک يې په زړه پورې څېړنې کړې وې او د هغه کلام يې هم په نورو ژبو ژباړلى وو. همدارنگه هغه د پښتونخوا د ډېرو پوهنتونونو سروال (ريس)، د پاکستان د ادبياتو د اکاډمۍ سروال، د گومل پوهنتون وائس چانسلر او په گڼو نورو څوکيو دنده ترسره کړې ده.
ښاغلي خټک د پېښور د پښتو اکادمۍ د سروال (رئيس) په توگه په سوونو کتابونو علمي او څېړنيزې سريزې کښلې دي.
د شعر بېلگې سمول
مړينه سمول
غمی جان پریشان خټک د ۱۳۸۸ ل ل کال د وري پر ۲۶ په پېښور کې د زړه د ناروغي له کبله له دې فاني نړۍ سترگې پټې کړې. اروا يې ښاده او جنت يې ځای.
چاپ شوي نښيرونه يې سمول
۱- تڼاکې (شعري ټولگه).
۲- دوه ملالې سترگې (شعري ټولگه).
۳- بنیادي پښتو او د کار کسب ټکی. (له جهان زیب نیاز، محمد نواز طایر او روح الامین سره په گډه).
اخځليک سمول
۱- https://larawbar.net/10114.html#.X3BRfdSF5kg[مړه لينکونه]
۲- https://www.voadeewanews.com/a/a-63-2009-04-16-voa4-94330224/1415107.html
۳- https://m.facebook.com/adabipanra/posts/786744154819702:0
۴- http://afghandata.org:8080/xmlui/handle/azu/14937 Archived 2015-11-08 at the Wayback Machine.