محمد قسيم فهيم

محمد قسيم فهيم په ۱۹۵۷ ز کال کې په پنجشېر کې زېږېدلی او د دې ولسوالۍ د عبدالمتين زوی و چې تر دې مهاله يې عمر ۵۳ کاله و. وېل کېږي چې فهیم قسیم د پخواني کمونستي رژيم د(خلق او پرچم) په څانگه کې د خاد استخباراتي غړی هم پاتې شوی چې وروسته د کمونيستي حکومت د ړنگېدو څخه ېې د جميعت او بيا ېې د شورای نظار سره کار پیل کړ. نوموړی د بون د تړون له مخې د موقت حکومت د دفاع وزير وټاکل شو چې بيا له ۲۰۰۲ ز. تر ۲۰۰۴ ز. پورې د ولسمشر حامد کرزي لومړی مرستيال و. نوموړی د جهاد په مرحله کې او بيا وروسته د کورنۍ جگړې په مهال د شورای نظار قوماندان و چې په کورنۍ جگړه کې د رول له امله په جنگي جنايتونو هم تورن و.

محمد قسيم فهيم
د افغان ولسمشر مرستيال
د واکمنۍ دوران د نومبر په ۱۹ د ۲۰۰۹ – ۹مارچ ۲۰۱۴
ولسمشر	حامد کرزی
احمد ضيا مسعود یونس قانونی
د دفاع وزیر
د واکمنۍ دوران سپتمبر۲۰۰۱ – ډسمبر ۲۰۰۴
ولسمشر	برهان الدين رباني حامد کرزی
احمد شاه مسعود عبدالرحيم وردگ
د شخص مالومات
اصلي نوم	محمد فهیم
پيدايښت	1957 پنجشېر , افغانستان
مړینه	۹ مارچ ۲۰۱۴ (۵۶ کال کلن) کابل, افغانستان
د مړینې لامل	د زړه حمله (ناروغي)
تابعیت	افغانستان
پټنوم	مارشال فهیم
مذهب	سنی اسلام
ګوند	جمعیت اسلامي (افغانستان)
اولاد	۱۲
عملي ژوند
کار/مسلک
پوځي خدمت
وفاداري	افغانستان
برخه	افغان ملي پوځ
مقام	مارشال
مشرتوب	شمالي اتحاد د بهرنیو چارو د امنیت اداره
جګړه/جګړې	د افغانستان او روس جګړه د افغانستان داخلی جګړه (۱۹۹۶–۲۰۰۱) د طالبانو په وړاندې جګړه

قسيم فهيم د طالبانو خلاف د احمدشاه مسعود سره اوږه په اوږه جگړه وکړه او په افغانستان يې د امريکا د بريد په مهال د امريکايانو سره ملگری شو چې په موقت حکومت کې د دفاع وزير وټاکل شو. قسيم فهيم د حامدکرزي په لومړۍ دوره کې په اپوزيسيون خو په دويمه دوره کې بيا لومړی مرستيال شو چې د مرگ تر لحظې په همدې دننه بوخت و.

نوموړي او کورنۍ یې د امريکايانو له بري وروسته اقتصادي امپراتورۍ جوړولو ته مخه کړه. د طالبانو خلاف له امريکا څخه په لسگونه مليونه ډالر یې او نورې مجهول المصدر پيسې یې په کار واچولې، او په حيرانونکي توگه دی او ملگري يې د سلگونو مليونونو ډالرو څښتنان شول.

د نوموړي ورور په دې تورن دی چې په کابل بانک کې شريک دی او له خپل بانک څخه یې د عوامو سل مليونه ډالر قرض اخيستي دي چې له قوانينو سرغړونه او څرگند فساد دی.