عبدالغفور لېوال

عبدالغفور لېوال

عبدالغفور لېوال د ۱۳۵۲ لمريز د كب د مياشتې په شلمه نېټه د کابل ولايت د موسهي په ولسوالۍ كې زيږيدلى. په خټه صاحب زاده حسين خېل ، او دعلي محمد خان زوى دى .

نيوليک

زده کړېسمول

لومړی زده کړي يې د كابل د اعتبار خان په عالي لېسه او لوړې زده كړې يې د كابل پوهنتون د ژبو اوادبياتو په پښتو څانگه كې تر سره كړي دي، اوس دلا لوړو زدكړولپاره په امريكې كې دى.

دندېسمول

  1. د ( هنداره ) خپرونې خبريال او دچلوونكې ډلې غړى.۱۳۷۴ل
  2. د كابل پوهنتون دفرهنگي شورا مرستيال۱۳۷۶-۱۳۷۴ل
  3. د افغانستان د مرستو دمركز دبشري حقونو دڅانگې غړى۱۳۷۷-۱۳۸۰ل
  4. په كابل كې د( جگړې او سولې دراپورجوړونې دانستيتيوت ) لومړنى كتونكى(اډيتور) او مسوول۱۳۸۰ل
  5. په كابل كې دآزادۍ راډيو دپښتو څانگې كتونكى او خبريال۱۳۸۱ل
  6. د افغانستان داساسي قانون دكميسيون دمطبوعاتي څانگې مشر او ددارالانشا وياند۱۳۸۱-۸۲ل

نوموړى په هېواد كې دبېړنۍ لو يې جرگې لپاره دهېواد دليكوالو،شاعرانو او ژورنا ليستانو منتخب استازى و او داساسي قانون دلويې جرگې پر مهال يې ددغې جرگې دمطبوعاتي چارو دسمون مسوليت پرغاړه درلود. دى په افغانستان كې دقلم دنړيوالې ټولنې دنهه كسيزې استازې جرگه گۍ غړى دى . همداراز يې د۱۳۸۲ كال دهنرمندانو دنړيوالې ورځې په وياړ دهېوادد ممتازو هنرمندانو په ډله كې دپښتو دښه شاعر رسمي ستاينليك گټلى دى.

ښاغلی لېوال د ۱۳۸۲ لمريز کال راهيسي د امريكې دمتحده ايالاتو په پلا زمېنه وا شنگټن ښار كې د لوړو زدكړو لپاره اوسيږي .

چاپ شوي اثارسمول

  1. مخه ښه او دوه منظومې ۱۳۷۶ ل- پېښور
  2. ژړا ، اور ، مينه دشعرونو ټولگه ۱۳۷۷ل-پېښور
  3. هوسۍ منظومه ۱۳۷۸ل – پېښور
  4. ارشاك او اوشاس منظومه ۱۳۸۰ل- پېښور
  5. دوريښمو تول دپښتو شعر داوسمهالي بهير كره كتنه۱۳۸۱ل كابل
  6. دماشومانو لپاره كيسې او بوختياوې دماشومانو دادبياتو په هكله ۱۳۸۱ل- كابل
  7. كله چې ته خپه شې دشعرونو مجموعه۱۳۸۲ل- كابل
  8. دنيلوفرو كيسې راټولونه (دافغان ښځو په هكله دبيلابيلو ليكوالو كيسې ( ١٣٨١ ل ) پېښور

له ۱۲۰ څخه ډيرې علمي – مسلكي مقالې دهېواد په مجلو او خپرونو كې .

د ښاغلي لېوال يو شمېر کتابونه د چاپ لاري څاري .

باندنۍ تړنېسمول