سلطان بن سلمان بن عبد العزيز ال سعود

سلطان بن سلمان بن عبد العزيز ال سعود (انگلیسي: Sultan Bin Salman Bin Abdulaziz Al Saud) – (زوکړه: ۲۷ جون ۱۹۵۶) د سعودي عربستان د هوايي ځواکونو یو پخوانی الوتگر (پیلوټ) دی چې په امریکايي تشیال ماکو (Space Shuttle) ایس‌ټي‌ایس-۵۱-جي ماموریت کې یې د باروال کارپوه (payload specialist) په توگه برخه واخیسته. نوموړی د ال سعود د شاهي کورنۍ غړی دی؛ او لومړنی مسلمان، لومړنی عرب او د شاهي کورنۍ لومړنی کس دی چې تشیال ته تللی دی.

سلطان بن سلمان بن عبد العزيز ال سعود
د سلطان بن سلمان بن عبد العزيز ال سعود انځور د سلطان بن سلمان بن عبد العزيز ال سعود انځور
د شخص مالومات
پيدايښت	۲۷ جون ۱۹۵۶ Riyadh, Saudi Arabia
هېواد غړيتوب	سعودي عربستان
پلار	سلمان ابن عبدالعزیز آل سعود
خور/ورور	محمد بن سلمان آل سعود
کورنۍ	سعودي کورنۍ (آل سعود)
عملي ژوند
کار/مسلک	Fighter pilot
مورنۍ ژبه	عربي ژبه
کاروونکي ژبه	عربي ژبه
پوځي خدمت
مقام	Colonel, Royal Saudi Air Force

مخکینی ژوند

سلطان بن سلمان ال سعود د ۱۹۵۶ د جون پر ۲۷مه د سعودي عربستان په پلازمېنه ریاض کې زېږېدلی او د سعودي عربستان د پاچا سلمان بن عبد العزیز ال سعود دوهم زوی دی. مور یې سلطانه بنت ترکي بن احمد السدیري نومېده چې د ۲۰۱۱ په جولايي کې مړه شوه. سلطانه د ترکي بن احمد السدیري، چې د عصیر پخوانی والي وو او د عربستان د پاچا سلمان بن عبد العزیز تره (کاکا) هم کېږي، لور وه. شهزاده سلطان د فهد، احمد، عبد العزیز او فیصل سکه ورور دی.

زده‌کړې

شهزاده سلطان خپلې لومړنۍ او منځنۍ زده‌کړې په ریاض کې بشپړې کړې دي. د امریکا له ډنور پوهنتون (University of Denver) څخه یې په ډله‌ییزو اړیکو (mass communication) کې لوړې زده‌کړې ترسره کړې؛ او په ۱۹۹۹ کې یې له سیراکیوز پوهنتون (Syracuse University) څخه په ټولنیزو او سیاسي پوهنو کې ماسټري ترلاسه کړه.

پخوانۍ تجربه

شهزاده سلطان بن سلمان خپل کارژوند په ۱۹۸۲ کې د سعودي عربستان د اطلاعاتو وزارت د نړیوالو اړیکو په څانگې کې د څېړونکي په توگه پیل کړ. دې دندې یې تر ۱۹۸۴ پورې دوام وکړ. د سعودي د اتلانو د هغې ډلې د رسنیزې کمیټې مرستیال مشر وو چې د امریکا په لاس انجلس کې یې د ۱۹۸۴ په دوبني اولمپيک کې گډون کاوه.

نور ولولئ

• د ستورمزلو لړليک
• د مسلمانو ستورمزلو لړليک