ګريګوري راسپوتين
ګریګوري ییفیموویچ راسپوتین ( روسي: Григо́рий Ефи́мович Распу́тин ) (پیدایښت 1869_ مړینه 1916) یو روسئ افسانوي راهب او نوموتی شخصیت وو. نوموړی په تاریخ کي د روسیې د وروستي امپراتور نیکولاس II له کورنۍ سره د ملګرتیا په پار خورا مشهوره بلل کیږي، چي له همدې لاري یې د روسیې امپراتورۍ په وروستیو کلونو کي د پام وړ نفوذ ترلاسه کړ.
| زېږونځای | |
|---|---|
| ښاروندتوب | |
| زېږون نېټه |
۹ جنوري ۱۸۶۹ (Julian) |
| مړينې نېټه | |
| مړينې لامل | |
| مړينې ځای | |
| مړينې لامل | |
| ژبې | |
| دنده |
| عمومي مالومات | |
|---|---|
| دین |
راسپوتین د سایبیریا د پوکروسکوی په کلي کي د بزګرانو په یوه کورنۍ کي زېږېدلی وو، چي د توبولسک ولایت په تیومینسکي اویزد سیمه کي موقعیت لري. هغه په 1897 کي یوې خانقاه ته له سفر کولو وروسته د مذهبي تبادلې تجربه ترلاسه او د یوه راهب یا سټرانیک (زیارت کونکي) په توګه وپېژندل سو، په داسي حال کي چي نوموړي د روسیې په ارتودوکس کلیسا کي هیڅ رسمي مقام هم نه درلود. په 1903 یا د 1904-1905 په ژمي کي راسپوتین سینټ پیټرزبورګ ته سفر وکړ او د یو شمیر مذهبي او ټولنیزو مشرانو په ځان ته راکښلو یې د روسیې په ټولنه کي مشهوره څېره خپله کړه. ورپسې یې په 1905 کي د امپراتور نیکولاس او د هغه له مېرمن الکساندر فیودورونا سره ولیدل.
د 1906 په وروستیو کي راسپوتین د نیکولاس او د الکساندرا یوازینی زوی الیکسي نیکولاویچ چي د هیموفیلیا په رنځ اخته وو، درملنه پیل او په بریالیتوب سرته ورسول. دده یادي کړني تر ۱۹۱۵ کال پوري نوموړی لوړ واک ته ورساوه او په لومړۍ نړیواله جګړه کي کله چي روسي واکمن د روسیې د امپراطوري پوځ د څارني لپاره سینټ پیټرزبورګ ته ولاړی راسپوتین یې په نشتوالي کي خپل نفوذ د ملکې په مرسته نور هم پیاوړی کړ. د راسپوتین ددې کارنامې له امله په ختیځه جبهه کي د روسیې پوځ شرموونکې ماته وخوړه، او په 1916 کال کي د محافظه کاره روسانو یوې ډلي نوموړی په بد مرګ سره وواژه.
یو شمېر تاریخپوهان یادونه کوي چي د راسپوتین بدنام او ناوړه شهرت د زار د حکومت په بدنامولو کي لویه مرسته وکړه، او له همدې کبله په روسیه کي د رومانوف کورنۍ په بشپړه توګه سقوط او کمونسټان واک ته ورسېدل. د راسپوتین د ژوند او نفوذ حسابونه تر ډېره پوري د اوریدونکو او افواهاتو پر بنسټ ولاړ دي، او دئ یې په فحاش، راهب، نه پېژندل کېدونکي شخصیت او بېلابیلو نومونو باندي یاد کړی دی.
- ↑ ذکر کېدنه: SNAC. SNAC ARK ID: w6p280pq. Subject named as: Grigori Rasputin. Retrieved: ۹ اکتوبر ۲۰۱۷. اثر ژبه: انګرېزي ژبه.
- ↑ ذکر کېدنه: Find a Grave. Find a Grave memorial ID: 7304586. Subject named as: Grigori Efimovich Rasputin. Retrieved: ۹ اکتوبر ۲۰۱۷. اثر ژبه: انګرېزي ژبه.
- ↑ ذکر کېدنه: Brockhaus Enzyklopädie. Brockhaus Enzyklopädie online ID: rasputin-grigori-jefimowitsch. Subject named as: Grigori Jefimowitsch Rasputin. Retrieved: ۹ اکتوبر ۲۰۱۷. اثر ژبه: جرمني ژبه.
- ↑ ذکر کېدنه: انټرنېټ ادارې دوتنه. Retrieved: ۳۰ ډيسمبر ۲۰۱۴. اثر ژبه: جرمني ژبه. ليکوال: جرمن ملي کتابتون.
- ↑ ۵٫۰ ۵٫۱ ذکر کېدنه: BnF authorities. Bibliothèque nationale de France ID: 11952127p. Retrieved: ۱۰ اکتوبر ۲۰۱۵. ليکوال: Bibliothèque nationale de France. اثر ژبه: فرانسوي ژبه.
- ↑ CONOR.SI ID: 194699107. ذکر کېدنه: CONOR.SI.
- ↑ ذکر کېدنه: Czech National Authority Database. NL CR AUT ID: jn20000720242. Retrieved: ۲۰ سپټمبر ۲۰۲۳.