نکريزې (بوټی)

نکريزې ( ساینسي نوم : Lawsonia inermis ) د ( Lawsonia ) نسل یو له ارزښتناکو بوټو څخه دی چې د رنګ کولو صنعت کې خورا ډېر کارول کيږي. دا يو ډول بوټی دی چې د شمالي افریقا، سوېلي او لوېدیزې آسیا او شمالي آسټرالیا سخه سرچينه اخلي.

نکريزې

ټوليز مالومات

عمومي مالومات	ټاکسون
د تاکسون حدود	Fujian (en) Guangdong (en)
کارول	درمل بوټي dye plant (en)

د نکريزو نوم د هغه رنګ لپاره هم کارول کیږي چې د دې بوټي څخه جوړ شوي چې نکيزو کولو ، د بدن نښه کولو او لنډمهاله نخچونو ، او د نکريزو شپې مراسمو لپاره کارول کیږي.

نکريزې په لرغوني مصر ، د شمالي افریقا په ځینو برخو، لویدیځه افریقا ، مرکزي افريقا ، عربو ټاپووزمې ، نږدې ختیځ ، د هند نيمه لويې وچې او سوېلي اسیا کې د سينګار توکي په توګه کارول کېده. نکريزې په ۱۹ مه پېړۍ کې د ایبیریا ټاپوډلې او اروپا لويه وچه کې هم د مېرمنو ترمنځ هم عام و.

نکريزې د پوستکي، وېښتو او نوکانو او همدارنګه د ورېښمو، وړۍ او څرمن د رنګولو لپاره کارول کیږي. په دوديزه طب کې د پښتورګو د تیږو، زېړي، زخم د پوستکي التهاب مخنیوی. پوټکی په دودیز ډول د زېړي او لویې شوې تیږې ، د پښتورګو تیږو ، جذام او د پوستکي ضد ناروغیو په درملنه کې کارول کیږي.

ایرانیان د اوږدې مودې راهیسې د پوټکي ناروغیو درملنې لپاره نکريژې کاروي، له همدې امله، نکريزې په ایران کې د کرنې، سوداګرۍ، صادراتو او د کار په تولید کې خورا ځانګړی ځای لري. په ايران کې ګڼ شمېر کارخونې د نکريزو د پاڼو د ټکولو او ميده کولو لپاره جوړې شوې وې چې په اوبو سره چلېدې، خو د وخت په تېرېدو ورو ورو د نکريزې د کرکېلې په کمېدو سره دغه کارخونې هم له منځه ولاړې.

د نکريزې په پاڼې کې داسې د رنګولو له ځانګړتیا علاوه د باکتريا ضد او فنګس ضد ځانګړتيا هم شته. نکريزې د ایران په ډېرو ځایونو کې کرل کیږي، په ځانګړې توګه د ايران په سوېل او سویل ختیځ بلوچستان او کرمان، کې چې ډېر ښه کيفيت لري.

اړونده لټونونه

• مهر لګول
• حنابندان