مستضيء بأمر الله
د مسلمانانو واکمن او خليفه ابو محمد الحسن المستضيء بأمر الله بن يوسف المستنجد بن محمد المقتفي بن احمد المستظهر بن عبدالله المقتدي العباسي الهاشمي القرشي ( ۵۳۶ – د ذوالقعد دوهمه ۵۷۵ هـ س/ ۱۱۴۲ – د اپرېل پنځمه د ۱۱۸۰ زیږدیز کال) چي په عامه توګه د مستضيء بأمر الله نامه پېژندل کیږي، په بغداد کي د بنو عباس کورنۍ درو دېرشم خلیفه وو.
مستضيء د خپل پلار المستنجد بالله تر مړیني وروسته د ۱۱۷۰ او ۱۱۸۰ کلونو ترمنځ (۵۶۶ هـ س/ تر ۵۷۷ هـ س) په بغداد کي د عباسي خلافت واکمن وو. د نوموړي د واکمنۍ پر مهال د اسلامي تاریخ ستر فاتح سلطان صلاح الدین ایوبي وتوانیدی، ترڅو د مصر مسلمانان په بشپړه توګه له بغداد سره ونښلوي او د سلګونو کلونو هغه بیلتون چي په دغه هیواد کي د مخکنيو عبیدي واکمنو له لوري رامنځ ته سوی وو، لمنځه یوسي. همدارنګه د بیت المقدس او شام ځمکي چي له څه کم یوې پېړۍ راهیسي د صلیبي اروپایانو تر واک لاندي وې د مستضيء په خلافت کي د مسلمانانو له لوري یوځل بیا بریدونه ورباندي پیل او د خپلواکي په موخه یې لویي نښتي ترسره سوې.
د اسلامي تاریخونو پر بنسټ مستضيء بأمر الله د بغداد په وروستیو عباسي واکمنو کي ډېر عادل او د پلار په څېر د ځانګړي دبدبې خاوند وو.
مړینه
سمولمستضيء بأمر الله په 1180 زیږدیز کال کي تر یوې لسیزي واکمنۍ وروسته د 40 کلونو په عمر باندي وفات سو. [۲] [۳]
- ↑ سرچينې تړی: https://pantheon.world/profile/person/Al-Mustadi.
- ↑ شهاب الدين النويري (1423هـ). نهاية الأرب في فنون الأدب. Vol. 23 (1 ed.). دار الكتب والوثائق القومية. p. 308. Archived from the original on 2022-11-13.
{{cite book}}: Check date values in:|year=(help) - ↑ علاء الدين مغلطاي (1996م). الإشارة إلى سيرة المصطفى وتاريخ من بعده من الخلفاء (1 ed.). دار القلم. p. 554. Archived from the original on 2023-12-26.