محمود دروېش

محمود دروېش ( (عربي: مَحمُود دَرْوِيْش) , 13 مارچ 1941 - 9 اګست 2008) یو فلسطیني شاعر، لیکوال او ادیب تېرسوی دی چې د فلسطین ملي شاعر هم ګڼل کېدی. هغه دخپلو ادبي چوپړتیاوو اوخدماتو ډیری ستري جایزې په عربي نړۍ کي ترلاسه کړې. دروېش په عربي هیوادونوکي دمجسمه جوړوونکي او انځورګر په توګه هم پېژندل کیږي . "هغه څوک چي دعمل سړی وي اودده عمل شعر وو ." دروېش په فلسطین کي دڅو ادبي مجلو د مدیر په توګه دنده ترسره کړې ده. محمود درویش، د فلسطین ملي شاعر، د قلم او رنګ انځور د امیتاب میترا په لاس . ادبي چوپړتیاوي محمود درویش په فلسطین کي له ملي شاعرانو څخه ګڼل کېدی او دخپل مرګ تر وخته یې نژدې دېرش کتابونه او اثار په ویراث په پرېښودل چي اکثرو یې حماسي بڼه درلوده . دنوموړي کتابونه دعربي ترڅنګ نورو ژبو ته هم ژباړل سوي اوشعري اثار یې اوس هم په عربي اوغیر عربي نړۍ کي ژوندي پاته دي . سیاسي افکار محمود درویش له سیاسي پلوه ددې هیله من وو چي په فلسطین کي دیهودانو ترڅنګ یو قوي عربي دولت هم شتون ولري خوداهیله یې ځکه نسوه پوره چي اسراییل په سیمه کي له قوي عربي دولت سره مخالف وه اوددې ترڅنګ په عربانو کي هم دنظر پراخ اختلاف شتون درلود . ټولنیز ژوند محمود دروېش له ټولنیز پلوه یو ازاد شخصیت او دفلسطیني عربانو او نورو ولسونو ترڅنګ یې په یهودانو او اسراییلو کي هم ملګري درلوده . نوموړي دیهوادنو ژبه عبري په روان ډول زده کړې وه اودهغوی له فرهنګ سره پوره اشنا وو . وفات محمود دروېش دخپل ژوند لویه برخه دسیاسي فعالیتونو له کبله په نورو هیوادونو لکه مصر، تونس، بیروت او پاریس کي تېر کړ اوپه اخر کي د2008 کال داګسټ پرنهمه دمتحده ایالاتو په یوه روغتون کي دزړه له ناروغي له کبله وفات سو . تروفات وروسته یې جنازه فلسطین ته راوړل سوه اود رام الله په ښار کي خاورو ته وسپارل سو