محمد اسلم وطنجار

محمد اسلم وطنجار يو افغان جنرال او سياسي څېره وه. نوموړي د ۱۹۷۸ ز. کال کې پر ولسمشر سردار محمد داود خان باندې په کودتا کې اهم رول درلوده. چې همدې کودتا سره د ثور انقلاب پيل شو او نوموړی د افغانستان ډيموکراتيک جمهوري دولت کې يو جګپوړی چارواکی شو.

محمد اسلم وطنجار
ستر جنرال
محمد اسلم وطنجار
د دفاع وزارت
د واکمنۍ دوران د مارچ ۶مه، ۱۹۹۰ – اپرېل ۱۹۹۲
شهنواز تڼی ـ
د واکمنۍ دوران اپرېل – د جولای ۲۸، ۱۹۷۸
عبدالقادر حفيظ الله امين
د کورنيو چارو وزير
د واکمنۍ دوران د نوامبر ۱۵مه، ۱۹۸۸ – د مارچ شپږمه، ۱۹۹۰
سید محمد ګلابزوی رازمحمد پکتين
د واکمنۍ دوران د جولای ۲۸، ۱۹۷۸ – د سپټمبر ۱۹، ۱۹۷۹
شېرجان مزدوريار Vacant
د واکمنۍ دوران د جولای ۱۱، ۱۹۷۸ – د اپرېل لومړۍ، ۱۹۷۹
نوراحمد نور شېرجان مزدوريار
د مخابراتو وزير
د واکمنۍ دوران د جنورۍ لسمه، ۱۹۸۰ – ۱۹۸۸
محمد ظريف ناپېژاند
عبدالکریم عطايي سید محمد ګلابزوی
د شخص مالومات
پيدايښت	۱۹۴۶ ز پکتيا ولايت, د افغانستان شاهي واکمني
مړینه	24 نومبر 2000 (53–54 کاله)  اوديسا, اوکراین
د مړینې لامل	سرطان
تابعیت	افغانستان
ګوند	د خلق ډموکراتيک ګوند
عملي ژوند
کار/مسلک	سياستوال، ستر جنرال، جګړن، ډګروال
کاروونکې ژبه	پښتو، روسي، انګرېزي
پوځي خدمت
وفاداري	د افغانستان شاهي واکمني (1967–1973) د افغانستان جمهوريت (۱۹۷۳ څخه تر ۱۹۷۸) (1973–1978) د افغانستان ديموکراتيک جمهوريت (1978–1992)
مقام	ستر جنرال
مشرتوب	څلورمه ټانک لېوا
جګړه/جګړې	پر محمد ظاهر شاه باندې د سردار محمد داوود خان کودتا د پنجشېر د درې ياغي توب ۱۹۷۵ د ثور انقلاب د شوروي جګړه د افغانستان کورنۍ جګړه (1989-1992)

محمد اسلم وطن جار ۱۳۲۵ کال کې پکتیا کې وزېږېد. نوموړی د غوايي میاشتې کودتا له مهمو کسانو یو و. وطن جار پوځي زده کړې کړې وې او ۱۳۴۶ کال کې له حربي پوهنتونه فارغ شوی وو.

ډګروال وطن جار او جنرال عبدالقادر د کودتا پر شپه د هغه ځمکني او هوايي ځواک مشري کوله، چې کابل کې یې پر دفاع وزارت، هوايي ډګر او ولسمشرۍ ماڼۍ پرلپسې بریدونه کول. ویل کېږي، وطن جار له هغه پنځه کاله مخکې د محمد ظاهرشاه حکومت خلاف د محمد داوود خان کودتا کې له هغه سره هم ملګری و.

د عبدالقادر په وینا وطن جار په هغه ورځ له پلچرخي سیمې له ټانکونو سره د ښار منځ ته ورسېد او د ورځې لس نیمې بجې یې پر دفاع وزارت د توپ لومړی ګوزار وکړ. دغه راز وطن جار لومړی کس و، چې د راډيو افغانستان له لارې یې د کودتا بریا او محمد داوود ماتې اعلان کړه. د خلک دیموکراتیک ګوند له واکمنۍ وروسته نوموړي ته د لومړۍ مرستیالۍ او مخابراتو وزارت مشري ورکړل شول او وورسته ۱۳۵۸ کال کې نورمحمد تره کي نوموړی د دفاع وزیر په توګه پر دنده وګوماره.

ویل کېږي وطن جار له هغو کسانو و، چې د حفیظ الله امین د واک مخه یې نیوله او له همدې کبله حفیظ الله وروسته نوموړی ګوښه کړ، خو کله چې امین روسانو وواژه او ببرک کارمل واک ته ورسېد، وطن جار بېرته د مخابرانو وزیر په توګه وګومارل شو.

وروسته وطن جار د دفاع او کورنیو چارو وزیر په توګه کار وکړ. ۱۳۶۹ کال کې له دې کبله چې ګواکې د نجیب الله حکومت پر ضد یې د هغه مهال دفاع وزیر شهنواز تڼي د کودتا مخه نیولې، د نجیب الله له لوري وستایل شو او د دفاع وزیر دنده ورکړل شوه.

له هغه وروسته چې د نجیب الله حکومت ړنګ شو، وطن جار له هېواده ووت. نوموړی ۱۳۷۹ کې وطن جار د اوکراین په اودسا ښار کې د سرطان په رنځ ومړ.