ښکلول

ښکلول يا مچول د بل کس، حیوان یا يو شي په وړاندې د شونډو اېښودل او کېکاږل دي. ^[۱] د ښکلولو کلتوري مفهوم په پراخه کچه توپیر لري؛ په کلتور او حالتونو پورې اړه لري. يو څوک ښايي د مینې، لیوالتیا، جنسي جذب، جنسي کړنې، جنسي اړیکې، جنسي هڅونې، درناوي، سلام، سولې، پخلاينې او يا نیکمرغۍ په موخه يو بل څوک ښکل کړي. خو په ځينو ټولنو کې ښکلول يو کلتوري دود دی، د بېلګې په توګه؛ په پښتنو کې د روغبړ پرمهال د چا لاس يا مخ ښکولول. تر ډېره کشران د مشرانو لاسونه ښکلوي خو ښايي په ځينو حالتونو کې مشران هم کشران ښکل کړي لکه مور او پلار چې خپل اولاد ښکلوي.