آرنۍ غورنۍ پرانيستل
انجنير محمد انعام واک
انجنير محمد انعام واک

انجنير محمد انعام واک د محمد اجان زوی د ١٣٣٣ لمريز کال د ليندۍ ( ١٩٥٤ ډسمبر ) په مياشت کښي د ننگرهار ولايت د سره رود په ولسوالي کي زېږېدلی دی .

نيوليک

زده کړي

  • د ١٩٦١ څخه تر ١٩٧٢ زېږديز کال پورې يې لومړنۍ زده کړې د لېسې تر کچې بشپړې کړي دي .
  • ( ١٩٧٣ – ١٩٧٧ ز ) د کابل پوهنتون د طبيعي علومو د پوهنځي د ځمکپوهنې د ليسانس دوره .
  • ( ١٩٧٧ – ١٩٧٧ ز ) شپږ مياشتنی عسکري خدمت ( تعليمي غنډ – ننگرهار )
  • ( ١٩٨٧ – ١٩٨٨ ز ) د کمپيوټر زده کړه پېښور
  • ( ٢٠٠٢ – ٢٠٠٤ ز) د ناروېژي ژبې زده کړه ، د اوسلو پوهنتون د تاريخ او فلسفې د پوهنځي د ناروېژي ژبې کورس – اوسلو .
  • ٢٠٠٣ ز کال د انگريزي ژبې ازموينه د لورنسکوگ عالي لېسه - ناروې.
  • ٢٠٠٤ ز کال د اوسلو پوهنتون د ټولنيزې وگړپوهنې Social Anthropology د څانگې زده کړيال.

علمي او څېړنيز کارونه

په ټولنيز ه اوسياسي برخه کې:

  • په ختيځ نورستان کې د اپيني نشه يانو سروې، واک فونډېشن، ( د ORA International چاپ ١٩٩٨ پېښور ) .
  • ١٩٩٤ زېږديز کال د ننگرهار ولايت د سره رود ولسوالۍ کې د اپينو د توليد د کموالي سروې ( واک فونډېشن، ننگرهار )
  • ١٩٩٤ زېږديز کال په ننگرهار اولغمان کې د اپيني نشه يانو سروې ( واک فونډېشن)
  • ١٩٩٥ زېږديز کال (اسلامي بنسټ پالنه ) ناچاپ څېړنه.
  • ( ١٩٩٦ – ١٩٩٨ ز ) (پښتونولي او اسلام) يوه ناچاپ څېړنه .

دندې

په افغانستان او پاکستان کې

ښاغلی واک په ١٩٨٢ زېږديز کال کې پاکستان ته مهاجر شو .

  • ( ١٩٧٨ – ١٩٨٢ ز ) د افغانستان د کانو او صنايعو د وزارت جيولوجيست .
  • ( ١٩٨٨ – ١٩٨٩ ز ) له افغان کډوالو سره د ډنمارک د کمېټې ( DACAAR) داوبو لگولو د څانگې مسلکي ساحوي کارکوونکی .
  • ( ١٩٨٨ – ١٩٩٣ ز ) په پېښور کې د ( افغان ملت ) د جريدې مسول مدير .
  • ( ١٩٩٨ – ١٩٩٠ ز ) د افغان نادولتي موسسې ( AAA ) د بياودانولو د برخې مسول .
  • ١٩٩٠ زېږديز کال د افغان نادولتي موسسې ( AAA) مشر .
  • ( ١٩٩١ – ١٩٩٦ ز ) د افغانستان لپاره د واک فونډېشن ( د افغانستان قومي جوړښت The Ethnic Composition of Afghanistan ) د شپږ کلنې پروژې مشر .
  • ( ١٩٩٤ – ١٩٩٧ ز ) د افغانستان د بيا ودانولو دافغان غير دولتي موسسې ARDP لپاره د ملگرو ملتونو د انکشافي پروگرام UNDP/ OPS سره د خوست په ولايت کې داوبو لگولو د يوې پروژې د تړون لاسليک کوونکی او مشر .
  • ( ١٩٩٠ – ١٩٩٤ ز ) د ARDP مشر او بنسټ اېښودونکی .
  • ( ١٩٩٤ – ١٩٩٥ ز ) د افغانستان لپاره د واک فونډېشن د خپرونکي اورگان ( مخدرات The Drugs ) مياشتنۍ جريدې مسول مدير .
  • ١٩٩٩ زېږديز کال _ د افغانستان لپاره د واک فونډېشن د ( طالبان څوک دي Who are the Taliban ) د سروې او څېړنې د پروژې مشر .
  • ١٩٩٩ ز - د افغانستان لپاره د واک فونډېشن د ( افغان نظرياتو د سروې Afghan Opinion survey ) د پروژې مشر .

په ايران کې

  • ( ١٩٨٣ – ١٩٨٦ ز ) دايران د بوشهر اواصفهان په ولايتونو کې د ايران د بيا رغونې د وزارت د کانونو او اوبو د کميټو انجنير .

په ناروې کې

  • ( ١٩٨٨ – تر اوسه (٢٠٠٥ ) ز کال ) د افغانستان له پاره دواک فونډېشن بنسټ اېښودونکی او مشر .
  • ( سپټمبر ٢٠٠٢ – جولای ٢٠٠٤ ز ) د ناروې د اکه شوس په ايالت کي د افغان ماشومانو له پاره د مورنۍ ژبي ( پښتو ) ښوونکی .

چاپ شوي اثار

  1. افغانستان اسلامي بنسټپالنه او افغاني ناسيوناليزم - په انگريزي ژبه ( پېښور ١٩٩٩ )
  2. افغانستان درېيم قوت - په پښتوژبه ( پېښور ١٩٩٩ )
  3. د افغانستان قومي جوړښت - ( ١٩٩٨ پېښور )
  4. د افغانستان قومي جوړښت – په انگريزي ژبه د KOR چاپ ( پېښور ١٩٩٩ )
  5. افغانستان : فډرالي سيسټم؟ - په پښتوژبه د چاپ ( پېښور ١٩٩٩ )
  6. د شومه دم انگازې - پښتوشعري ټولگه ( پېښور ١٩٩٣ )
  7. د شعر په برخه کي د ( مور ) دجايزې گټونکی ( ١٩٧٥ زېږديز کال - کابل )
  8. د ( بوشهر دکانونو پېژندنه ) ، جنوبي ايران په فارسي ژبه ( ايران ١٩٨٥ )
  9. په مرکزي ايران کي دغير فلزي منرالونو لومړنی راپور – فارسي ژبه ( ايران ١٩٨٦ )
  10. خان او کميسار - چاپکال ۲۰۱۳ ز.

مقالې

په کلتوري ، ټولنيزو اوسياسي برخو کي ديو شمېر مقالو ليکونکی .

سيمينارونه

ښاغلي واک د ( ١٩٨٣څخه تر ٢٠٠٥ ) کال پوري په هيواد کي دننه او بهر په يو شمېر علمي سيمينارونو کي د گډون تر څنگ په ناروې کي د دوو علمي سيمينارونو جوړونکی دی:

  1. په افغانستان کي دسولي او دموکراسۍ لرليد ( د ٢٠٠٣ زېږديز کال د سپټمبر اتمه نېټۀ - ناروې )
  2. دنوميالي نارويژي ختيځ پوه اوپښتو ژبپوهاند ( گيورگ مارگن سټېرن ) سيمينار د ٢٠٠٤ کال د می دمياشتي پر اته ويشتمه .
  3. ( په افغانستان کي دملت جوړوني د لرليد ) د ۲۰۰۵ کال د نومبر پر اتلسمه نېټه د ناروې د ليلستروم په ښار کي جوړ شو .

باندنۍ تړنې