لنډئ سیند
لنډئ سیند ("لنډ سیند") چي د بشګل سیند هم بلل کیږي د افغانستان په ختیځ کي موقعیت لري. یاد سیند د افغانستان په نورستان ولایت کي د منډول لاري ته نږدې د هندوکش په سلسله کې راپورته کیږي او له شمال څخه د ګلیشیرونو او واورو څخه تغذیه اخلي. لنډئ سیند د کونړ سیند یوه برخه ده. [۱]
د لنډي سیند په دره کي د نورستانیانو د کاتا ، مومو ( مادوګل )، کاشتان او کوم قومونه میشت دي. شرقي کاتا-واری ژبه د لنډي سیند په دره کي د ویلو اصلي ژبه ده. ددې سیند پر غاړه اصلي ښار کامدیش بلل کیږي.