د احمد شاه بابا مقبره
د احمد شاه بابا دراني مقبره د افغانستان په کندهار ولايت کي موقعيت لري. دا د کندهار یو له مهمو تاریخي ځایونو څخه ګڼل کیږي. احمدشاه دراني چي د کندهاریانو ترمنځ په ډېره مینه د احمدشاه بابا په نوم یادېږي، د ۱۷۴۷ او ۱۷۷۲ کلونو ترمنځ د کندهار د دراني امپراتورۍ واکمن تېر سوی دی.
_(14763235144).jpg)
| عمومي مالومات | |
|---|---|
| اداري سیمه | |
| هېواد |
| کورډينېشن |
|---|
د احمدشاه بابا مقبره د په زړه پورې اکټاگونال یادگار په بیسالټیک پلیټ فارم کي ولاړه ده. د ساده خټینو خښتو بهرنۍ برخه د متقابل (مخامخ) لوړوالی او ژورو بې شمیره طاقونو سره سینګار سوې ده، او په نازک ډول د ژړ او شین ، شنه او نیلي کاشیو سره ډیزاین ورکړل سوی دی. د مقبرې لوړ منارونه د یادګار د اصلي برخي په سر کي د ګلانو بیلسټراډ سره تړل سوي دي، او شاته یې د لنډو منارونو یو بل سیټ په نیلي رنګ باندي د یو لړ کمو طاقونو په سر کي د یو ډرم تاج شاوخوا د روښانه نیلي ټایلونو گنبد سره جوړ سوی دی. د اصلي محرابونو سوفټونه په ډېره ځیرکتیا سره په شاتنیو برخو کي په بڼه ییزه توګه سینګار سوي دي، چي د نیمه حلقو څخه جوړ سوي د لاپیس لازولي او سرو زرو د ګلانو سره ورته والی لري.
نور ولولئ
سمولمقبرې ته چي کله یو څوک ننوزي بهرنۍ سینګار سوې بڼه خورا ورته سپینه ښکاري. د زیارت کوونکو سترګي د مرمرو په فرش کي د ښکلي افغاني غالۍ څخه نیولې بیا د گنبد په ښکلي رنګ سوي او ژړ سوي ګلانو باندي د رنګ او ډیزاین له کبله ددې مقبرې په ښایست نه مړیږي. د دېوالونو د جوړښت په شاوخوا کي په ژړ او نسواري رنګونو باندي نیلي-شنې کاشیاني په کندهار کې جوړي سوي دي او د هرات د کاشیانو له کار څخه خورا ځانګړې بڼه لري.
د مقبري کونج ته په لاندي خوا کي په اتو کونجونو باندي په سپینه نیلي کاشي کي یوه لویه لیکنه د امپراتور احمدشاه بابا دراني فضیلتونه او ښېګڼي بیانوي
په مقبره کي سرکوفګس د افغان مرمر څخه جوړ سوی دی، او د ژورو شرابو مخمل د سرو زرو په ګنډل سوي ټوکر کي پوښل سوی دی. د دې تر څنګ د مقبرې سرته یو میز دی چي د قرآن کریم ښایستې نسخې او د شیشې په المارۍ کي د سرو زرو پوښل سوې خولۍ او د سپینو زرو یوه لکړه د دوه سرونو مرغیو سره رغول سوې پراته دي. له همدغو شیانو سره احمدشاه درانی جګړې ته تللی وو.
د مقبرې د احاطې دننه جامع جومات هم شتون لري چي د چادرۍ زیارت لري، او باور کیږي د اسلام د پیغمبر محمدﷺ لخوا اغوستل سوې ده.