دریم ولاډ (ډراکول)

کونټ ولاډ ډراکول چي په دریم ولاډ هم مشهوره دی په ۱۴۳۱زیږدیزکال کي درومانیا هیواد په ټرانسلوانیا کي پیداسوی دی اوپه ۱۴۷۶ز کال کي دعثماني ترکانوسره په یوه جګړه کي ووژل سو .

ولاډ ډراکول (دریم)
Voivode of Wallachia
دوره	۱۴۴۸ زیږدیزکال
فعاليت	له ۱۴۵۶ز څخه تر۱۴۶۳ ز پوري
الفترة	December 1476 or January 1477
د شخص مالومات
پيدايښت	۱۴۳۱، ۳۰ نومبر ۱۴۳۱ او ۲ نومبر ۱۴۳۱
مړینه	۱۴۷۶ ز ډیسمبرمیاشت بخارست
تابعیت	P27
مذهب	Roman Catholic prev. Eastern Orthodox
مور	Eupraxia of Moldavia (?)
کورنۍ	بساراب ډراکولا
ځايناستی	Mihnea
آخري معلومات
کار/مسلک
کاروونکې ژبه	رومانيايي ژبه ،  هنګري ژبه ،  عثماني تورکي ژبه
لاسليک

د ولاډ لمړنئ ژوند

دولاډ ډراکول پلار چي دویم ولاډ ډراکول نومېدی په پنځلسمه میلادي پېړۍ کي دعثماني سلطنت سره په جګړه کي ښکیل سو اودوخت عثماني واکمن دویم مرادخان نوموړي عثماني سلطنت ته په جزیه ورکولو باندي اړ ایستی . عثماني واکمن دویم مرادخان له دویم ولاډ څخه وغوښتل چي خپل دوه زامن چي یوهمدغه ولاډ ډراکول اوبل راډول نومېدی په عثماني دربارکي دضمانت په توګه پریږدي اوعثماني خلافت هم ددوی پالنه څوکاله په غاړه واخیسته څوچي په اخرکي ولاډ مړسو اوپرځای یې ولاډ ډراکول د ویووده په نامه واک ته ورسېدی .

دولاډ حکومت

ولاډ پرخپل هیواد باندي څوځله واکمني وکړه خو ترټولو خونړۍ هغه یې له ۱۴۵۶زیږدیز څخه پیل اوتر۱۴۶۲ز پوري یې دوام وکړ . په دغه موده کي ولاډ دوالاچیا په هیوادکي بې خرته ظلمونه وکړه اودومره انسانان یې دخپل حکومت لپاره قرباني وګرځول چي خلک یې حیران کړه . دنوموړي ظلمونه په سیمه کي دعثماني ترکانو سربېره له عیسایانو سره هم په لویه پیمانه وه اوهغوی یې په ډېر وحشت سره له منځه وړل . عثماني ترکان چي کله دولاډ له ظلمونوڅخه خبرسول سمدستي یې خپل قومندانان ورپسې ولېږل خو ولاډ پرځای ددې چي له خپل عمل څخه توبه ګاره سي نوریې هم ظلمونوته لاس واچاوه اودهنګریې او رومي پاپ په مرسته یې ترکانوته ماته ورکړه . ترماتي وروسته ولاډ نژدې ۲۰۰۰۰ شل زره هغه ترکان له منځه یووړه کوم چي دده فوځ وژلي او وروسته یې دهغوی بدنونه په میخ باندي ورټک وهل . دوخت عثماني واکمن سلطان محمدفاتح دولاډ په دې وحشت سره ډېرسخت ودردېدی اوداځل یې خپله دفوځ مشرتوب په لاس کي واخیست ترڅو ولاډ له والاچیا هیوادڅخه ورک کړي . ولاډچي دسلطان فاتح په راتګ خبرسو شاتګ یې پیل کړ اوپه تیښته یې ځان ترهنګریې پوري ورساوه .

دولاډ مرګ

ترتیښتي څوکاله وروسته ولاډ ډارکول بیرته له هنګریې څخه راغلی خوداځل یې دژوند اخره سول اوپه ۱۴۷۴ز کال کي دترکانوسره په مخامخ جګړه کي ووژل سو .

دولاډ ظلمونه

د ولاډ دظمونو په اړه بېلابېل تاریخونه وايي چي نوموړي دخپلي زمانې ډېرسخت وحشي اوپه زړه بې رحمه انسان وو، ویل کیږي چي نوموړي یوازي په اووه کاله کي شاوخوا سل زره کسان ووژل . په بدنونوکي میخونه ټک وهل، ژوندي انسانان اورته اچول، کوچنیان دخپلو میندوپه وړاندي وژل اوځیني نورهغه ظلمونه وه چي ولاډ ډېرپه ویاړسره ترسره کول . ویل کیږي چي یوځل نوموړي دڅو ښځو څخه تیان پرې کړه اوبیایې دهغوی له کوچنیانوڅخه سرونه هم پرې کړه . تردغه عمل وروسته یې ښځوته امر وکړچي دتیانو پرځای دخپلو زامنو سرونه پربدن باندي مېخ کړي، دادنوموړي یوازينئ ظلم وو چي دبیلګي په توګه دلته ذکرسو .

سرچینې

دنړۍ تاریخي سل شیطانان ۴۴ او۴۵مخونه

تاریخ امپراطوري عثمانی /لیکوال/ هامر