بوکو حرام
| جماعة أهل السنة للدعوة والجهاد بوکو حرام | |
|---|---|
 | |
| د عملیاتو سیمه |  نایجېریا |
| مشران | محمد یوسف ابو بکر شکاو |
| پیدایښت | ۲۰۰۲ |
| دین | سني اسلام |
بوکو حرام یا جماعة أهل السنة للدعوة والجهاد یوه افراطي سني ډله ده چی په نایجېریا کی عملیات کوي. د بوکو حرام نوم د هوسا د ژبې څخه اخیستل شوي دي چی په پښتو کی غربي ښوونه او روزنه گناه دي (ده) معني لري. دغه اسلامي ډله په ۲۰۰۲ کال کی د نایجېریا په شمال ختیځ کی د بورنو په ولایت کی د مایډوگوري په ښار کی د محمد یوسف لخوا جوړه شوه. بوکو حرام غواري په نایجېریا کی اسلامی امارت جوړ کړي او د نایجېریا د ټاکنې گډون هم ردوي دغه ډله د نایجېریا د حکومت پر ضد جکړه کوي او پر مسیحیانو هم برید کوي. بوکو حرام په اوس وخت کی د نایجېریا شمالي سیمې په لاس کی لري او په دی سیمو کی یی شریعت اعلان کړ.
تاریخ
په ۲۰۰۲ کال کی استاد محمد یوسف د مایډوگوري په ښار کی د فقیرو هلکانو د سبق ویلو لپاره یو اسلامی مرکز جوړ کړ. محمد یوسف په خپل خطبې کی غوښتل چی په نایجېریا کی شریعت اعلان وکړي او د نایجېریا حکومت ونړوي. په ۲۰۰۴ کال کی د محمد یوسف ډله د یوبې ولایت ته حرکت شوه. په دي وخت کی د چاډ او نایجر مجاهدین د بوکو حرام سره یو ځای شول. محمد یوسف په یوبې په ولایت کی نوي مرکز جوړ کړ چی د افغانستان په نوم یادېده. بوکو حرام په دي مرکز کی مجاهدینو ته پوځی تمرین ورکول او د پوځی تمرین وروسته یی د نایجېریا پر پولیسانو برید کول. په ۲۰۰۹ کال کی پولیسو محمد یوسف بندي کړ او جېل یی ته ولېږل. خو هغه تر څو ورځونو وروسته په جېل کی مړ شو. د محمد یوسف تر وفات وروسته د بوکو حرام مجاهدینو د بوړنو په ولایت کی د بمونو په وسیله برید وکړ چی د هغه په ترڅ کی څلور تنه ومړه. بوکو حرام تر د ۲۰۱۰ کال څخه تر ۲۰۱۲ کال پورې په بریدونو کی ۹۰۰ تنه ومړه.