د "کيوبا" د بڼو تر مېنځ توپير

د سړي سر کلنی عاید یې ۷۸۱۵ ډالره دی چې لا هم ډېرېدو ته اړتيا لري.

د کيوبا د ناخالص کورني توليد په سکټوري جوړښت کې ۴ سلنه ونډه د کرنې، ۱۵ سلنه د صنعت او پاتې بيا د خدماتو ده.

دغه هېواد د پنځو ميليونو په شاوخوا کې د کار بشري ځواک لري، چې څلور سلنه يې وزګار دي.

په بودجه کې يې هر کال دوه ميليارده ډالره عوايد او ۱.۹۹ ميليارده ډالره لګښتونه شامل وي.

بوره، پولاداو پولاديمحصولات،اوسپنه، نکل، د تېلو چاڼ، نفتيمحصولات، سيمنټ، موزایک او نور ساختماني مواد، کرنیز ماشینونه او وسایل، کیمیاوي توکي، سره، دارو درمل، ټایرونه او ټوکران، تنباکو او سيګرېټ، برېښنا،استهلاکي توکي لکه بوټان،جامې او نور طبي وسایل د کيوبا مهم صنعتي توليدات دي.

د دغه هېواد ۲۰ سلنه خلک د کرنې په سکټور کې په کار بوخت دي او د هېواد ۴ سلنه غیر خالص کورنی تولید يې له همدې سکټور څخه لاس ته راځي.لرګي، جوار، کچالو، قهوه، ږدن، تنباکو، کېلې، انګور او نورې مېوې، سابه، غوښه، لبنیات، هګۍ او واښه د دغه هېوادد کرنې او مالدارۍ سکټور مهممحصولات دي.

اومه تېل،طبیعي ګاز،مس، نکل، کرومايټ،منګنیز، د اوسپنې ډبرې،مالګه،مرمر او د ودانیو ډبرې يې مهمې کاني زېرمې دي.

د کيوبا د صادراتو ټوله بيه شپږو ميلياردو ډالرو ته رسېږي په داسې حال کې چې د وارداتو بيه يې بيا ۱۵ ميليارده ډالره ده.

هسپانیا،وينزویلا،چین،برازیلاو الجزایر يې لوی او مهم سوداګريز شريکان دي. د دغه هېواد مالي کال له عيسوي کال سره يو ځای پيل کېږي او له عيسوي کال سره سم پای ته رسېږي.

کيوبا د ۴۲۲۶ کيلومترو په اوږدوالي سره د اورګاډي پټلۍ، ۱۳ کارګو بېړۍ او ۱۳۳ هوايي ډګرونه لري.

کیوبا په امریکا کې یوازېنۍکمونېستي دولت دی چې د امریکا له کلابندیو،ګواښونو او ورانیو سره سره په پښو ولاړ پاته شوې دی. د دغه هېواد ۹۹ سلنه خلک په لیک او لوست پوهېږي او منځنۍ یا لوړې زده کړې لري. په دغه هېواد کې له شپږ بيا تر ۱۴ کلنو ماشومانو ته زده کړې وړيا او اجباري دي.