يونسيف(د ملګرو ملتونو د ماشومانو وجهي صندوق)

د ملګرو ملتونو د ماشومانو وجهي صندوق يا (UNICEF) یو نړیوال سازمان دی چې د ملګرو ملتونو يو مرستندويه بنسټ بلل کيږي. دا په ملګرو ملتونو کې د ډېسمبر په 11، 1946 کې تاسیس شو. په هغه وخت کې د ماشومانو لپاره د ملګرو ملتونو د بیړنیو مرستو په نوم یوه ورته موسسه هم فعالیت درلود او تر رسمي تاسیس وروسته یې نوم هم بدل شو. په 1953 کې د دې سازمان له نوم څخه د بیړني حالت کلمه حذف شوه او دا د ملګرو ملتونو د ماشومانو وجهي صندوق یا یونیسف په نوم ونومول شو. د یونیسف مرکزي دفتر د امریکا په نیویارک ښار کې موقعيت لري او دا اداره په ټوله نړۍ کې د میندو او ماشومانو د روغتیا او هوساینې لپاره کار کوي. د دې ادارې لپاره تمویل د مختلفو حکومتونو او مخورو لخوا چمتو کیږي. اوس مهال دغه سازمان د نړۍ په نږدې ټولو هېوادونو کې فعالیت کوي.

يونسيف ( د ملګرو ملتونو د ماشومانو وجهي صندوق )
ډېسمبر 1946ز
جوړوونکي	ملګري ملتونه
مرکز	نیویارک ښار
بنیادي تنظیم	ملګري ملتونه
وېبپانه	د يونسيف وېبپاڼه

موخې

يونسيف اوسمهال لاندې پنځو برخو کې خدمت کوي:

• د ماشوم روغتیا او پرمختګ
• بنسټیزه زده کړه او د جنسیت مساوات
• د ماشومانو د حقونو ساتنه
• مرستې
• د مور او ماشوم روغتیا او تغذیه

د دې څانګو تر څنګ، د مرستندویه څانګو په چوکاټ کې د ماشومانو لپاره د کورنۍ ساتنې، سپورت او پرمختیایي پروژو جوړول هم شامل دي. یونیسف له ۶۰ کلونو راهيسې د نړۍ په بېلابېلو هېوادونو کې کار کوي. په 1965 کې، دې ادارې ته د نوبل د سولې جایزه هم ورکړل شوه. خو د دې ادارې پر کار څو ځله د نړۍ د حکومتونو او خلکو له خوا نیوکې هم شوې دي. د دې سازمان پر کړنو تل انتقادونه شوي، خو دا لا هم د نړۍ د ماشومانو د حقونو تر ټولو لوی سازمان دی. اوسمهال دغه سازمان د نړۍ په ۱۶۴ هېوادونو کې فعالیت کوي.

تړنې

• د یونیسف رسمي رسمي ویب پاڼه
• یونیسف کولمبیا Archived 2019-07-04 at the Wayback Machine.
• د یونیسف Archived 2010-06-26 at the Wayback Machine. آرکائیو شدہ مرسته وکړئ

نور وګوره

• د نوبل د سولې جایزه