آسيه (د فرعون مېرمن)
آسيه بنت مزاحم د فرعون ښځه وه چي حضرت موسى عليه السلام يې پخپله پالنه کي واخیست او وروسته یې په هغه باندي ايمان راوړ. یادي مېرمني د خپل وخت په غوره ماڼیو کي ژوند کاوه، او د هغې میړه فرعون چي د مصر یو ظالم او متکبر واکمن وو خپل قوم ته یې امر وکړ چي دده عبادت وکړي (العیاذ بالله).
د روایاتو له مخي فرعون د خپلي مېرمني د زیات ټینګار له کبله حضرت موسی علیه السلام پخپل کور کي ومانه او آسیې له هغه (موسی) سره دومره مینه درلوده لکه مور چي یې له خپل ماشوم سره لري.