کريول ژبه
هغه ژبه چې د څو بېلابېلو ژبو د کلماتو د رايوځای کېدو څخه رامنځته شوي وي او ماشومانو د خپلې مورنۍ ژبې په توګه زده کړې وي.
کریول ژبه (په انګلیسي: Creole) يا رامنځته شوې ژبه [۱] یوه ثابته او طبیعي ژبه ده چې له څو بېلابېلو ژبو د يو ځای کېدو څخه رامنځته شوې ده. په بل عبارت،يوه مرکبه ژبه هغه وخت کریول کیږي کله چې یو باثباته حالت ته ورسیږي او د ماشومانو لخوا د مورنۍ ژبې په توګه زده شي. کریول په حقیقت کې پراخ شوي پیجنونه دي چې ګرامري او غږيز بدلونونه یې خپل کړي دي. [۲]
کريول په حقيقت کې د يو مستعمره يا اغېز لاندې هېواد د ځايي ژبې سره د استعمارګر هېواد د ژبې ترکيب دی. کريولي ژبې معمولاً په داسې ځايونو کې رامنځته شوي چې هلته له غلامانو يا کاريګرو کار اخيستل کېده، لکه کیریبین ، د هند سمندر ، او د آرام سمندر ټاپوګان. ډېری یې د اروپایی استعمار د پراختیا پایله ده او د دوی کلمې له انګلیسي، فرانسوي، اسپانيايي او پرتګالي ژبو څخه اخیستل شوي دي. [۳]
اړوند
سمول- جميکايي کريول
- منځګړیتوب ژبه
- پیجن ژبه
- مختطله ژبه
- ډیریک بیکرټن