ډېوېډ کامرون

ډېوېډ کامرون
(برطانوی انگریزی: David Cameron د (P1559) برخه د ويکيډاټا له لارې سمه کړئ
ډېوېډ کامرون
ډېوېډ کامرون

د شخص معلومات
زیږون نوم (برطانوی انگریزی: David William Donald Cameron د (P1477) برخه د ويکيډاټا له لارې سمه کړئ
پيدايښت ۹ اکتوبر ۱۹۶۶[۱][۲][۳][۴][۵][۶][۷][۸][۹][۱۰]
تابعیت برېتانيا[۱۱][۱۲]  د (P27) برخه د ويکيډاټا له لارې سمه کړئ
قد 1.86 متر[۱۳]  د (P2048) برخه د ويکيډاټا له لارې سمه کړئ
واک
د برېتانیې لومړی وزیر (75 )   د (P39) برخه د ويکيډاټا له لارې سمه کړئ
د واکمنۍ دوران
۱۱ مې ۲۰۱۰  – ۱۳ جولای ۲۰۱۶ 
ګوردون براون 
ترزا مې 
عملي ژوند
دنده سياستوال[۱۴]  د (P106) برخه د ويکيډاټا له لارې سمه کړئ
کاروونکي ژبه(ي) انگليسي[۱۵]  د (P1412) برخه د ويکيډاټا له لارې سمه کړئ
لاسلیک
ډېوېډ کامرون
ډېوېډ کامرون

ويبپاڼه
ويبپاڼه د تاييدولو سرچينه
د تاييدولو سرچينه (انگليسي)  د (P856) برخه د ويکيډاټا له لارې سمه کړئ
ربط=انٹرنیٹ مووی ڈیٹابیس مخ پر IMDB باندې  د (P345) برخه د ويکيډاټا له لارې سمه کړئ

ډېوېډ ویلیم ډونالد کامرون چې (د ۱۹۶۶ز کال د اکتوبر په ۹ زېږیدلی) یو بریتانوی سیاستوال، سوداګر، لابیست (په پارلمان کې تبلیغ کوونکی) او لیکوال دی چې د ۲۰۱۰ز کال نه تر ۲۰۱۶ ز کال پورې یې د انګلستان د لومړي وزیر په توګه خدمت وکړ. هغه د ۲۰۰۱ ز کال نه تر ۲۰۱۶ ز کال پورې د ویتني په استازیتوب د پارلمان غړی او د ۲۰۰۵ ز کال نه تر ۲۰۱۶ ز کال پورې د محافظه کار ګوند مشر و. هغه د یوه ملته محافظه کار په توګه پېژندل کېږي او له دواړو اقتصادي لیبرال او هم ټولنیز لیبرال سیاستونو سره یې تړاو درلود. 

کامرون په لندن کې د اشرافو د منځنی طبقې په یوه کورنۍ کې زېږېدلی او په هیدرداون ښوونځۍ، ایتون کالج او د اکسفورد په برازنوس کالج کې یې زده کړې کړې دي. هغه له ۱۹۸۸ز کال نه تر ۱۹۹۳ ز کال پورې د محافظه کارو څېړنو په اداره کې کار کاوه، یعنې مخکې له دې چې د کارلټون له رسنۍ سره د کار لپاره په ۱۹۹۴ ز کال کې سیاست پرېږدي، د محافظه کار لومړي وزیر جان میجر سره یې مرسته کوله.  په ۲۰۰۱ ز کال کې ېې پارلمان ته لاره پیدا کړه او د محافظه کارانو مشر مایکل هاوارد تر مشرۍ لاندې یې د اپوزیسیون د سیوري په کابینه کې دنده ترسره کوله او په ۲۰۰۵ ز کال کې د هاوارد ځای ناستی شو. کامرون هڅه وکړه چې د محافظه کارانو نامه ته تازه بڼه ورکړي، نو له دې امله یې په ټولنیز ډول لیبرال او د منځنۍ کچې درېځ خپل کړی. د ۲۰۱۰ ز کال له عمومي ټاکنو نه وروسته بحثونه د دې لامل شول چې کامرون د لیبرال دیموکراتانو سره د ګډ حکومت د مشر په توګه لومړی وزیر شي چې د ۱۸۱۰ کال لسیزې راهیسې د دې چوکي ترټولو ځوان واکمن ګڼل کېږي. د هغه د واک دوره، د ۲۰۰۰ کال د لسیزې په وروستیو کې د مالي کړکېچ د پرله پسې اغېزو تر برېد لاندې راغله. په دې کې د حکومت په ملي بودیجه کې لوی بحران را منځ ته شو چې حکومت یې د سختو ګامونو پر مټ د کمولو هڅه کوله. د نوموړي ادارې د روغتیایي او ټولنیزې پاملرنې قانون او د هوساینې د اصلاحاتو قانون تصویب کړ، چې په روغتیایي پاملرنه او هوساینه کې يې لوی بدلونونه را منځ ته کړل. هغه د کډوالۍ سخت سیاستونه هم پلي کړل، په زده کړه کې یې اصلاحات راوستل او د ۲۰۱۲ ز کال د لندن المپیک څارنه یې په غاړه درلوده. رویال میل او ځینې نورې دولتي شتمنۍ یې خصوصي سکتور ته ورکړې او په انګلستان او ویلز کې یې د همجنسبازانو واده ته قانوني بڼه ورکړه.[۱۶][۱۷]

په نړیواله برخه کې، د لیبیا په لومړۍ کورنۍ جګړه کې د کامرون حکومت پوځي لاس وهنه وکړه او د اسلامي دولت د بمبارۍ اجازه یې ورکړه. په کورنۍ برخه کې، د نوموړي حکومت د رایې ورکوونې د اصلاحاتو په ټول پوښتنه او د سکاتلند د خپلواکۍ په ټول پوښتنه باندې څارنه وکړه، چې دواړو د کامرون د خوښې پایلې درلودې. کله چې د ۲۰۱۵ ز کال په عمومي ټاکنو کې محافظه کارانو ناڅاپه ډېری رایې ترلاسه کړې، هغه د لومړي وزیر په توګه په واک کې پاتې شو، چې دا ځل یې د یوازې محافظه کار حکومت مشري په غاړه درلوده. د دې لپاره چې نوموړی د پرېکړه لیک ژمنه پوره کړي، په اروپايي اتحادیه کې یې د انګلستان د پر له پسې غړیتوب په اړه ټول پوښتنه وړاندې کړه. کامرون تل پلوي کوله، خو وروسته له هغه چې د وتلو په اړه  یې رایې بریالي شوې، هغه استعفا ورکړه، چې د نوي لومړي وزیر لپاره لاره هواره کړي چې تیریزا مې د هغه ځای ناستې شوه. د ۲۰۱۷ ز کال راهیسې، کامرون د الزایمر د څېړنې مرکز د رئیس په توګه دنده ترسره کوي.[۱۸][۱۹][۲۰]

کامرون د محافظه کار ګوند ته د عصري بڼې ورکولو او د بریتانیې د ملي بودیجې د کسر د مدیریت په برخه کې وستایل شو، خو په نوموړي باندې د هغې پرېکړې له امله نیوکه شوې ده، چې په اروپایي اتحادیه کې یې د بریتانیې د غړیتوب په اړه ټول پوښتنه ترسره کړه چې په انګلستان کې د ۲۰۱۰ ز لسیزې په وروستیو کې د سیاسي بې ثباتۍ لامل شوه. هغه د یوې خاصې ډلې له خوا، په حکومت پالنه او سیاسي فرصتپالنه هم تورن شوی دی. وروسته له هغه چې دنده یې پرېښوده، د ګرینسل کپیټل د کمپنۍ په استازیتوب د دولت وزیرانو او دولتي کارکوونکو ته د تبلیغ او هڅونې په رسوایی کې ښکېل ګڼل شوی دی.[۲۱][۲۲][۲۳]

د ژوند لومړي کلونه اومسلک سمول

لومړنی کورنی ژوند   سمول

ډېوېډ ویلیم ډونالد کامرون، د ۱۹۶۶ ز کال د اکتوبر په ۹مه  د لندن په مریلبون کې وزېږېد او د برکشایر په پیسمور سیمه کې لوی شوی دی. نوموړی یو ورورلري او د هغه نوم  وکیل الکساندر کامرون دی (چې په ۱۹۶۳ کال کې زېږېدلی)، مدافع وکیل دی او دوې خویندې لري. ایان ډونالد کامرون (۱۹۳۲-۲۰۱۰) چې د سهامو کمیشن کاره ده، کوچنی زوی دی او مېرمن یې ماري فلور ده چې د سولې متقاعده قاضي او د ویلیم ماونت، دویم بارونت لورده. ژورنالیست توبي ینګ، د کامرون مخینه" د اشرافو د منځنۍ لوړې طبقې" په توګه بیان کړی دی.  [۲۴][۲۵][۲۶][۲۷][۲۸][۲۹]

د کامرون پلار ایان، د هانتلي ابردین شایر ته نږدې په بلیرمور په کور کې نړۍ ته سترګې خلاصې کړې دي او د فرانسې تولون سیمې نږدې د ۲۰۱۰ز کال د سپتمبر په ۸ مه نېټه یې له دې نړۍ نه سترګې پټې کړې دي، له زېږون نه د ایان دواړه پښې معیوبه وې او د هغو د درملنې لپاره یې په پرله پسې توګه عملیات وکړل. بلیرمور د کامرون د جد د پلار، الکساندر ګیدس له خوا ودان شوی چې په ۱۸۸۰ کلونو کې  مخکې له دې چې سکاتلند ته راستون شي، د شیکاګو په ایلینوس کې د غلو په سوداګرۍ کې یې ډېره شتمني لاسته راوړې وه. بلیرمور ډېر ژر د ایان له زېږېدنې وروسته وپلورل شو.    [۳۰][۳۱][۳۲][۳۳]

کامرون ویلي دي: "زما د مور د کورنۍ اړخ، زما د مور مور لیویلین وه، نو ولزي نسب لري. زه د سکاتلندي، ولزي او انګلیسي رښتینی ترکیب یم." هغه په خپلو نیکونو کې الماني یهودي نسب ارتور لیویتا ته هم اشاره کړې ده چې د یدیش لیکوال الیا لویتا له اولادې نه دی.[۳۴][۳۵][۳۶]

زده کړې سمول

کامرون له اووه کلنۍ نه په دوو خپلواکو ښوونځیو کې خپلې زده کړې پر مخ بیولې دي: په برکشایر کې د ونکفیلډ (اسکات ته نږدې) په هیدرداون ښوونځي کې چې شاهزاده اندریو او شاهزاده اډوارد یې د خپلو پخوانیو زده کوونکو په ډله کې شمېرل کېږي. نوموړی د ښو نمرو د درلودلو پر مټ نږدې دوه کاله ژر خپل عالي علمي ټولګي ته ورسېد. هغه د خپل پلار او مشر ورور نه وروسته په ۱۳ کلنۍ کې د برکشایر ایتون کالج ته ولاړ. د هغه لومړنۍ لېوالتیا له هنر سره وه. نوموړی عادې کچې د آزموینو یا O-Levels له ورکولو نه شپږ اوونۍ وړاندې د چرسو په څکولو ونیول شو. هغه په خپل جرم اعتراف وکړ، خو د نشه یی توکو په خرڅلاو کې یې لاس نه درلود، له دې امله و نه شړل شو، خو پرځای یې جریمه شو، د ښوونځي له چاپېریال نه له وتلو منع شو او "جورجیک" سزا (هغه سزا وه چې د لاتیني متن د ۵۰۰ کرښو لیکل په کې شامل وو) ورکړل شوه.  [۳۷][۳۸][۳۹][۴۰]

کامرون دولس د عادې کچې آزموینې یا O-Levels او بیا دری د عالي کچې آزموینې یا A-Levels تېرې کړې: چې د هنر تاریخ، هغه تاریخ چې د مایکل کدسن له لوري هغه ته تدریس شو او له سیاست سره اقتصاد په برخو کې وې. هغه د اقتصاد او سیاست په سکالرشپ آزموینه کې درې 'A'  نمرې او یوه "1" نمره ترلاسه کړې وه. هغه په راتلونکي مني کې د آکسفورد پوهنتون کانکورآزموینه کې بریالی شو او نوموړي ته د براسینوز په کالج کې د سکالرشیپ وړاندیز وشو. [۴۱][۴۲]

کامرون په ۱۹۸۴ ز کال کې د ایتان له پرېښودو نه وروسته نهه میاشتنۍ رخصتي پیل کړه. هغه له خپل بللي پلار، تېم راتبون او وروسته د محافظه کار استازی لیوس سره د څېړونکي په توګه د درېو میاشتو لپاره دنده ترسره کړه، چې په دې وخت کې هغه د پارلمان د غړو په بحثونو کې ګډون کاوه. نوموړي بیا د خپل پلار له لارې په هانګ کانګ کې د درېو نورو میاشتو لپاره د جاردین ماتیسون له خوا د "غوره موکې(موقع - فرصت) " په توګه په یوه اداري پست کې وګمارل شو.   [۴۳][۴۴][۴۵]

کامرون له هانګ کانګ نه له راستنیدو وروسته، له شوروي اتحاد نه لیدنه وکړه چې دوو روسي کسانو چې په انګلیسي ژبه یې خبرې کولې، هغه ته نږدې شول. نوموړي ته وروسته یوه پروفیسور وویل چې: دا د  KGB له لوري، د هغه د استخدام لپاره "یوه یقیني هڅه" وه. 

کامرون د ۱۹۸۵ ز کال په اکتوبر کې د آکسفورد په براسینوز کالج کې د فلسفې، سیاست او اقتصاد په برخه  کې د لېسانس دوره پیل کړه. د هغه ښوونکي، ورنون بوګدانور، نوموړي د خپل تدریس په ترڅ کې "له تکړه" زدکوونکو نه ګڼلی چې، "معتدل او معقول محافظه کاره" سیاسي لیدلوری یې درلود.     [۴۶]

ګای سپیر، چې له نوموړي سره یې درسي توکي شریکول، هغه یو غوره زده کونکي ګڼي: "موږ خپله ټوله هڅه کوله چې اقتصادي اساسي مفاهیم درک کړو، خو د ډیویډ په پرتله بل هېڅ څوک نه و چې ان له مفاهیمو نه نږدې درک ترلاسه کړي. هغه به دا مفاهیم له یو بل سره په داسې ډول یو ځای کول، لکه څرنګه چې بریتانوي سیاسي سیستم ترتیب دی. هغه کولای شو، چې ما ته په دې اړه لکچر راکړي او زه به ناست وی او هغه به مې یادښت کول." کله چې بوګدانور په ۲۰۰۶ ز کال کې د بشري حقونو د قانون پرځای "د حقونو د قانون" په اړه د خپل پخواني شاګرد د نظرونو په اړه تبصره وکړه، که څه هم چې بوګدانور په خپله لیبرال دیموکرات و، وویل: "زه فکر کوم چې هغه ډېر مغشوش شوی. ما د هغه وینا لوستله، چې له نیمګړتیا ډکه ده. په هغې کې یو یا دوه ښه شیان شته دي، مګر یو څوک هغه ته، د غلط فهمۍ پر بنسټ په کمه سترګه ګوری".     [۴۷][۴۸][۴۹][۵۰]

کله چې په آکسفورد کې و، کامرون د بلینګدن کلب غړیتوب درلود، چې د زده کوونکو د خوړو یوه ځانګړې ټولنه ده چې د عجیب او غریب څښاک د دود له امله چې بده کړنلاره او زیان رسوونکی خاصیت لري، شهرت لري. د کامرون دوره په بلینګډن کلب کې د څلورم چینل په مستنده ډرامه کې، چې د   When Boris Met Dave یا کله چې بوریس د ډیو سره ولیدل تر نامه لاندې ده. د دې سرلیک سرلیک بوریس جانسن ته چې یو بل راتلونکی محافظه کار لومړی وزیر دی، اشاره کوي چې دوی دواړه په ورته وخت کې د دې کلب غړي وو.  [۵۱]

کامرون په ۱۹۸۸ ز کال کې د لېسانس له درجې نه په لومړۍ کچه ویاړونو فارغ شو ( وروسته په لوړه درجه ماسټري ته شامل شو).   [۵۲]

سرچینې سمول

  1. پیوستون : 13289016X  — د نشر نېټه: ۹ اپرېل ۲۰۱۴ — منښتلیک: Creative Commons CC0 License
  2. انټرنېټ موويز ډېټابېس آئ ډي: https://www.imdb.com/name/nm2090098/ — د نشر نېټه: ۱۳ اکتوبر ۲۰۱۵
  3. http://www.nytimes.com/2010/05/12/world/europe/12cameron.html
  4. SNAC ARK ID: https://snaccooperative.org/ark:/99166/w6pv6qvt — subject named as: David Cameron — د نشر نېټه: ۹ اکتوبر ۲۰۱۷
  5. Brockhaus Enzyklopädie online ID: https://brockhaus.de/ecs/enzy/article/cameron-david-william-donald — subject named as: David William Donald Cameron — د نشر نېټه: ۹ اکتوبر ۲۰۱۷ — سمونګر: Bibliographisches Institut & F. A. Brockhaus او Wissen Media Verlag
  6. The Peerage person ID: https://wikidata-externalid-url.toolforge.org/?p=4638&url_prefix=https://www.thepeerage.com/&id=p17890.htm#i178897 — subject named as: Rt. Hon. David William Donald Cameron — دوتنه: Darryl Roger Lundy — پیدا کوونکی: Darryl Roger Lundy
  7. UK Parliament ID: https://beta.parliament.uk/people/6YHCzz8V
  8. GeneaStar person ID: https://www.geneastar.org/genealogie/?refcelebrite=camerond — subject named as: David Cameron
  9. genealogics.org person ID: https://www.genealogics.org/getperson.php?personID=I00474617&tree=LEO — subject named as: David Cameron — دوتنه: Leo van de Pas
  10. object stated in reference as: 1966
  11. http://www.nytimes.com/2010/05/14/world/europe/14britain.html
  12. http://www.nytimes.com/travel/guides/europe/britain/england/liverpool/hotels.html
  13. https://www.imdb.com/name/nm2090098/bio
  14. Hansard (1803–2005) ID: https://api.parliament.uk/historic-hansard/people/mr-david-cameron — د نشر نېټه: ۲۲ اپرېل ۲۰۲۲
  15. http://data.bnf.fr/ark:/12148/cb162255141 — د نشر نېټه: ۱۰ اکتوبر ۲۰۱۵ — دوتنه: Bibliothèque nationale de France — منښتلیک: Open License
  16. (په 11 May 2010 باندې). David Cameron becomes youngest Prime Minister in almost 200 years. The Daily Telegraph.
  17. (په 22 May 2014 باندې). David Cameron sticks to his guns on immigration reduction pledge even while numbers rise. Independent Print Ltd.
  18. (په 24 June 2016 باندې). EU referendum: UK votes to leave in historic referendum. BBC News.
  19. (په 24 June 2016 باندې). David Cameron resigns after UK votes to leave European Union. The Guardian.
  20. "David Cameron: I saw a world of darkness getting bigger and bigger". Financial Times. د لاسرسي‌نېټه ۱۵ اکتوبر ۲۰۲۱. الوسيط |CitationClass= تم تجاهله (مساعدة)
  21. (په 12 September 2019 باندې). Cameron's great fault was mental idleness and today's crisis is a direct consequence of his carelessness. New Statesman.
  22. (په 15 July 2016 باندې). David Cameron's legacy: the historians' verdict. The Guardian.
  23. (په 13 September 2016 باندې). What made Cameron the worst Prime Minister in living history. The Independent. Independent Print Ltd.
  24. "England and Wales Birth Registration Index, 1837–2008," database, FamilySearch(https://familysearch.org/ark:/61903/1:1:QVW7-QGCZ : accessed 21 April 2016), David William D Cameron, 1966; from "England & Wales Births, 1837–2006," database, findmypast(http://www.findmypast.com : 2012); citing Birth Registration, St. Marylebone, London, England, citing General Register Office, Southport, England.
  25. Elliott, Francis; Hanning, James (2007). Cameron: the Rise of the New Conservative. London: Harper Perennial. د کتاب نړيواله کره شمېره 978-0-00-724367-9. الوسيط |CitationClass= تم تجاهله (مساعدة)
  26. کينډۍ:Who's Who کينډۍ:Subscription required
  27. (په 6 December 2005 باندې). The David Cameron Story. BBC News.
  28. Debrett's Peerage 2011, p. B 714.
  29. (په 11 August 2011 باندې). The best of enemies: David Cameron vs Boris Johnson.
  30. "David Cameron and Slains Castle". The North Scotland Beehive. Aberdeen: Aberdeen Civic Society. 2 March 2006. د اصلي آرشيف څخه پر ۱۷ اگسټ ۲۰۰۷ باندې. الوسيط |CitationClass= تم تجاهله (مساعدة)
  31. (په 24 July 1905 باندې). Marriages.کينډۍ:Subscription required
  32. (په 20 April 2012 باندې). David Cameron's family fortune: the Jersey, Panama and Geneva connection. The Guardian.
  33. (په 26 January 2002 باندې). Highlands for the high life.
  34. (په 10 December 2007 باندې). David Cameron flies the flag for Britain.
  35. "David Cameron: Jewish Care". SayIt. د اصلي آرشيف څخه پر ۰۹ مارچ ۲۰۱۷ باندې. د لاسرسي‌نېټه ۰۵ جنوري ۲۰۲۲. الوسيط |CitationClass= تم تجاهله (مساعدة)
  36. (په 12 March 2014 باندې). David Cameron tells Israelis about his Jewish ancestors.
  37. (په 27 February 2010 باندې). Cameron at Heatherdown School.
  38. Elliott, Francis; Hanning, James (2007). Cameron: The Rise of the New Conservative. London, England: Fourth Estate. د کتاب پاڼې 26. د کتاب نړيواله کره شمېره 978-0-00-724366-2. الوسيط |CitationClass= تم تجاهله (مساعدة)
  39. "Hall of Fame, David Cameron". BBC Wales. د اصلي آرشيف څخه پر ۱۰ مې ۲۰۱۰ باندې. د لاسرسي‌نېټه ۰۷ اگسټ ۲۰۰۹. الوسيط |CitationClass= تم تجاهله (مساعدة)
  40. Elliott and Hanning, p. 32.
  41. Elliott and Hanning, pp. 45–46.
  42. Elliott and Hanning, p. 46.
  43. (په 9 September 2009 باندې). David Cameron: Eton College should run a state school.
  44. Elliott and Hanning, pp. 46–47.
  45. Elliott and Hanning, pp. 47–48.
  46. (په 28 May 2006 باندې). Cameron: KGB tried to recruit me. BBC News.
  47. "Brasenose alumnus becomes Prime Minister" Archived 22 October 2013 at the Wayback Machine.. Brasenose College. No date. Retrieved 2 January 2012.
  48. (په 25 March 2007 باندې). Too good to be true?.
  49. (په 11 September 2008 باندې). David Cameron: UK's Next Leader?.
  50. (په 1 July 2006 باندې). Professor Vernon Bogdanor on David Cameron. The Guardian.
  51. (په 28 January 2006 باندې). How young Cameron wined and dined with the right sort.
  52. [مړه لينکونه] (په 30 March 2011 باندې). Origins of the Cameron-Balls Feud. The Independent.