د ګندمک جګړه

د ګندمک جګړه د ۱۸۴۲ کال د جنورۍ په دیارلسمه د قبایلي افغانانو له خوا د برتانوي ځواکونو ماتې وه چي په ۱۸۴۲ کال کې له کابل څخه د جنرال ایلفینسټون د پوځ د وتلو په درشل کي د برتانوي ځواکونو شل افسران او د ۴۴ ټولۍ څلویښت سرتیري ووژل سوه.

د ګندمک جګړه

ټوليز مالومات

عمومي مالومات	جګړه
پېښې نېټه	۱۸۴۲ (۱۸۴۲)
ځای	کابل جلال اباد سړک
هېواد	افغانستان

نور اړين مالومات

برخه د	د افغان-انګرېز لومړۍ جګړه
پيل موده	۶ جنوري ۱۸۴۲
پای	۱۳ جنوري ۱۸۴۲
ګډونوال	د برېتانيا او ايرلينډ متحده پاچايي

نور مالومات

کورډي‌نېشن	۳۴°۱۷′۲۱″شمال ۷۰°۰۲′۱۸″ختیځ

د برتانوي لښکر ټولۍ چي 20 افسران او 45 اروپایي سرتیري پکښي ځای پر ځای وه، او ډیرو یې د 44مې قطعې سره اړه درلوده، هڅه وکړه چي ځان په یو ډول وژغوري، خو د ګندمک کلي ته نږدې د واورو غونډۍ ددوی مخه ونیول او د افغانانو په محاصره کي ښکېل سوه. د تاریخونو پر بنسټ یو برتانوي سرتیري د جګړې له پیل مخکي د (Not bloody likely) ناره هم وکړه.

ویل کیږي چي د تورن توماس الکساندر سوتر په نوم یو افسر د افغانانو لخوا د لوړ رتبه افسر په توګه غلط سو، دا ځکه افسر خپل وجود د 44 فوټ ریژیمینټ په رنګونو باندي پوښلی وو. نوموړی د فېر په نوم د یوه بریدګر او اوو شخصي کسانو سره یو ځای ونیول سو، او پاته عسکر ټول ووژل سول. د ګندمک له جګړې څخه د وسلو او تجهیزاتو نښي په 1970 لسیزه کي هم ولیدل سوې، او د 2010 په وروستیو کي د مړو هډوکي لاهم د غونډۍ په غاړو کي پراته وه.