د شجاع الله امان، خبرو اترو مخ ته ښه راغلئ!
پښتو ويکيپېډيا د نوي غړیتوب ترلاسه کولو مبارکي وایو او هرکلی مو کوو. موږ (د پښتو ويکيپېډيا ټيم) دلته ستاسو د همکاریو هیله من يو، او هیله لرو چې وکولای شو په ګډه پر دې پروژه کار وکړو.
د لوړو څلورو بکسونو څخه چي هره پوښتنه لرئ، نو پر هغه بکس کليک کړئ تاسو به مرسته ترلاسه کړئ، ډاډه اوسئ له تاسې سره به خامخا مرسته کيږي.
بلوڅ خان اړیکه ۱۱:۳۸, ۲۲ ډيسمبر ۲۰۱۷ (UTC)
د ښاغلي شجاع الله امان لنډه پېژندنه
پېژندنه :
شجاع الله امان چې د ۱۳۶۲ هجري کال د ثور په ۳۰ مه نېټه د کابل ولایت ۱۵ ناحیې د قصبې سېمه کې دې نړۍ ته د معلم محمد امان یوې دینداره او علم پرورې کورنۍ کې سترګې غړولي دي .
له آره د لغمان ولایت د الینګار ولسوالۍ دی .
زده کړې :
خپلې لومړنۍ ، منځنۍ او ثانوي دورې زده کړې د پوهاند عبدالاحمد جاوید (قصبه ) عالي لېسه کې ترسره کړي او په اعلی درجه ترې په کال ۱۳۸۱ هـ ش فارغ شوی ، او په همدې کال د کانکور ازموینه کې د ننګرهار پوهنتون اقتصاد پوهنځي ته په ښو نومرو بریالی شو ، خو د ځینو ستونزو له امله یې لومړی کال یې ځنډ او تاجیل یې واخیست ، خو په دویم کال۱۳۸۳ هـ ش یې یاد پوهنځی شروع او په کادر کې ترې په ۱۳۸۷ هـ ش کې فارغ شو .
د پوهنتون په جریان کې لنډ مهالې او یو کلنې زده کړې هم تر سره کړي دي ( انګلیسي ، کمپیوټر ، اداره او سوداګري کې یو کلنې ډیپلومې )
په ۱۳۸۸ هـ ش کال کې د آزادې سیالۍ له لارې د دوست هیواد هندوستان د ماسترۍ کچې تحصیلي بورسیه کې بریالی او د پنجاب آیالت په (Panjab University) کې د ماسترۍ زده کړې د اقتصاد په برخه کې پیل کړې او د دوو کالو وروسته یې د یاد پوهنتون نه د (MA Economics) Master Of Arts Economics تحصیلي سند تر لاسه کړ .
دندې :
1. د پوهنتون د زده کړو تر څنګ یې لنډ مهاله تعلیمي کورسونو کې د استاد په توګه دنده اجراء کړې .
2. د استادۍ تر څنګ یې د ننګرهار ولایت په یوې سیمه یزه راډیو کې د تعلیمي پروګرامونو پروډیوسر هم پاتې شوی .
3. د انتخاباتو پر مهال یې څارونکي په توګه دنده اجراء کړې (FEFA )،
4. د پوهنتون د فراغت وروسته د نورلام بابا ساختماني شرکت مالي او اداري مسؤل په توګه دنده اجراء کړې (۱۳۸۷) تر (۱۳۸۸).
5. (۱۳۸۸) هـ ش کال کې د آزادې سیالۍ له لارې د پوهنې وزارت ، تخنیکي او مسلکي معنینت کې د افغانستان د ادارې او حسابدارۍ انسټیټوټونو د څارنې او ارزونې لوی مدیر په توګه تقرر حاصل کړی ، او یو کال وروسته د ماستري دورې بشپړېدولپاره هندوستان هیواد ته لاړ او تر دوو کالو وروسته یې د دویم ځل لپاره خپلې دندې ته راستون شوی ، چې تر ۱۳۹۵ کال پورې د یاد وزارت سره همکار پاتې شوی ، همدارنګه د خپلې دندې تر څنګ د یاد معینیت د کیفیت تضمین آمریت سرپرستي هم تر غاړې وه او د علمي بورد غړی هم پاتې شوی دی .
6. د رسمیاتو تر خلاصېدو وروسته یې د خوارزمي او طلوع افتاب لوړو زده خصوصي موسیسو کې د استاد په توګه تدریس کړی .
7. د پوهنې وزارت علمي کادر غړي په توګه یې د کابل ادارې او حسابدارۍ ، سوداګرۍ ، مسلکي ښوونکو د زده کړو انسټیټوټونو کې د استاد په توګه تدریس کړی ، او د مسلک فهم علمي رتبه لري .
8. په (۱۳۹۵) هـ ش کال د آزادې سیالۍ له لارې د مالیې وزارت د ولایاتو مستوفیتونو ریاستونو په ازموینه کې ګډون وکړ ، او په یاده ازموینه کې د ښو نمرو په ترلاسه کولو سره د افغانستان د جمهوري ریاست د حکم پر بنسټ د میدان وردګو ولایت مستوفي په توګه معرفي شوی او لا هم یاده دنده پر مخ وړي .
سفرونه :
د پوهنې وزارت د تخنیکي او مسلکي زده کړو معینیت د څارنې او ارزونې مسؤل په توګه د افغانستان ۳۰ ولایاتو ته رسمي سفرونه کړي ، چې په یادو ولایاتو کې د ولسوالیو مسلکي ښوونځیو او انستیتونو څخه څارنه او لیدنه کړې او همدارنګه نوي مسلکي ښوونځي او انستیتونه یې پرانیستي دي .
خارجي سفر :
د زده کړو لپاره هندوستان هیواد ته چې پورته یې یادونه شوې .
ژبې :
مورني ژبه یې پښتو او په رسمي ژبه دري روانې خبرې او د لیکوالۍ په برخه کې برلاسه لیکوال دی .
په انګلیسي ژبه روانې خبرې کوي .
چاپ شوي اثار :
د پوهنې وزارت د تخنیکي او مسلکي زده کړو ، لپاره د احصائې اساسات ، مارکټینګ او ملي اقتصاد اساسات یې ژباړلي او د یاد وزارت له لوري چاپ شوي او په یاده برخه کې تدریسېږي .
نا چاپ اثار :
د مسلک تر څنګ یې د ادب برخه هم نه ده پریښې او ښکلي شعري ټولګه یې د چاپ ګاڼې ته اماده ده ، چې غزلې ، نظمونه ، څلوریزې او نور شعري فورمونه لري ، د شعرونو منځپانګه یې ملي ، رزمي او د وخت نا دودو انځورګري کوي .
لاسته راوړنې :
د دندو پر مهال یې ګڼې رسمي تقدیر نامې ترلاسه کړي .
د خپلو ښوو کړونو پر وخت له بېلابېلو ادارو لخوا ستایل شوی دی .
Khalid Amani
/Jalal Abad /Ningarhar
