د ويکيپېډيا خبرې اترې:ټاکلې ليکنې
|
د ويکيپېډيا ټاکلې ليکنې 
|
|
|
مجموعې
هغه ليکنې چې ټاکلې شوي دي سمولهغه ليکنې چې نومول شوي دي سمولشيخ خليفه بن زايد بن سلطان آل نهيان سمول(د سپتمبر 7، 1948-) د متحده عربي اماراتو دوهم ولسمشر او د ابوظبۍ د امارت شپاړسم واکمن، د اوو تشکيلاتي اماراتو ترټولو لوی، او د وسله والو ځواکونو لوی قوماندان او د متحده عربي اماراتو بنسټ ايښودونکی، د خپل پلار، شيخ زايد بن سلطان په ځای، د نومبر په 3، 2004 کې د ولسمشرۍ دنده په غاړه واخيسته. [1] شيخ خليفه د العين ښار په قلات (ماڼۍ) الموجي کې زېږېدلی او د متحده عربي اماراتو د بنسټ ايښودونکي شيخ زايد بن سلطان آل نهيان مشر زوی و. شيخ خليفه له خپلې کورنۍ سره د العين په ښار کې اوسېده او هلته يې د خپل پلار له خوا په النهيانيه ښوونځي کې زده کړې وکړې، د ماشومتوب ډېره برخه يې د العين او البريمي په سيمو کې له خپل پلار سره تېره کړه. هغه مهال د العين سيمه واکمنه وه. شيخ خليفه په ټولو پړاوونو کې د اماراتو له تاريخ سره سمون خوري، پلار یيې شيخ زايد په خپلو ډېرو کارونو او ورځنيو سفرونو کې له هغه سره تللو ته لېواله و او د قبيلو د ژوند د ښه کولو په چارو کې له خپل پلار سره پاتې و. په سيمه کې د دولتي حاکميت رامنځته کول، مسؤليت، باور او عدالت د بنسټيزو ارزښتونو پېژندلو کې خورا پوه و. د هغه لومړنی رسمي مقام هغه وخت و چې د ابوظبۍ د امارت وليعهد په ختيځه سيمه کې د حاکم استازی او په هغه کې د محاکمو مشر و، دا مقام د هغه په ژوند کې خورا مهم و او په ښار کې د استوګنې پرمهال هغه د ښاريانو سره د ورځنيو اړيکو لپاره پراخه فرصت درلود، ترڅو د دوی شرايط وګوري، او د دوی د هيلو او غوښتنو په اړه زده کړه وکړي د نومبر په 2، 2004؛ پلار يې شيخ زايد بن سلطان آل نهيان چې په ۱۹۷۱ کال کې د فدراسيون له جوړېدو وروسته د متحده عربي اماراتو لومړی واکمن و، مړ شو او د ابوظبۍ د اماراتو د وليعهد په توګه د هغه په ظرفيت کې شيخ خليفه د اماراتو واکمن شو. د پلار له مړينې سمدستي وروسته د ۲۰۰۴ کال د نومبر په ۳ مه د فدراسيون عالي شورا هغه د شيخ مکتوم بن راشد المکتوم په مشرۍ د متحده عربي اماراتو د ولسمشر په توګه وټاکه. [1] د امارت د واکمنۍ او د رياست د صدارت له پيل راهيسې، هغه د ټولو امارتونو د پراختيا او عصري کولو پروژې وڅارلې چې د تېلو د شراکت د خبرو اترو په نوم پېژندل کيږي، کوم چې اصلاح شوي د تېلو پاليسي يې جوړه کړه او د تېلو له فعالو شرکتونو سره يې د لا عادلانه اړيکو بنسټ کېښود او د دې رول په تعقيب يې د نفتي موادو د عالي شورا مشري پر غاړه واخيسته، چې تر نن ورځې يې هم دغه مقام لري. د ابوظبي د پانګونې ادارې تاسيس او مشري يې وکړه، کوم چې د مالي سرچينو پراختيا او د راتلونکو نسلونو لپاره د عايد مستحکم سرچينو ساتلو لپاره د ستراتيژيک ليد په ترڅ کې د اماراتو لپاره د مالي پانګوونې مديريت څارنه کوي. شيخ خليفه د ټولنيزو خدماتو او سوداګريزو ودانيو څانګه جوړه کړه، چې د خلکو په منځ کې (د شيخ خليفه کميټه) په نوم پېژندل کېده ، چېرې چې ښاريانو ته پرته له کوم سود څخه سخاوتمندانه فنډونه چمتو کېده، ترڅو سوداګريزې ودانۍ جوړې کړي چې د دوی لپاره دوره ايز مالي مرستندويه عايد توليدوي. د هېوادوالو د عايداتو د لوړولو او د هغوی د اقتصادي او ټولنيزې کچې د لوړولو لپاره په هېواد کې د ساختماني بوم له سوکالۍ سره مرسته کوي. شيخ خليفه د زېربنا او د مختلفو خدماتو د اسانتياوو د پراختيا او عصري کولو پروژو ته ډېره پاملرنه وکړه او د اقتصادي او ټولنېزې پراختيا د پروسې د بنسټ په توګه يې د عصري اداري وسايلو او مدغم مقننه سيسټم په جوړولو کار وکړ او د پراختيا لپاره يې يو نوښت هم پيل کړ. د مقننه قوې تجربه د فدرالي ملي شورا د غړو د ټاکلو طريقه تعديل کړه، ترڅو د لومړي ګام په توګه د ټاکنو او ګمارنې ترکيب، چې بالاخره د مستقيمو ټاکنو له لارې د شورا د غړو انتخاب ته اجازه ورکوي رامنځته کړه. شيخ خليفه د وخت د پابندۍ او د سخت ورځني کاري برنامې اطاعت کولو ترڅنګ د خلکو سره ليدلو او ادب او شعر مينه وال هم و. [2] شيخ خليفه د متحده عرب اماراتو کې د داسې نظام لېواله دی چې په هغې کې له نژاد، رنګ، مذهب اوجنس پرته هر چاته ټولې مرستې په عادلانه توګه ورسوي، چې د همدې موخې لپاره يې د خليفه بين زايد ال نهيان بنسټ تاسيس کړ، کوم چې د نړۍ په 40 هېوادونو کې په مختلفو بشري پروژو کې په اغېزمنه توګه مرسته کوي. [2] په 1964 کې؛ شيخ خليفه له شمسه بنت سهيل بن حمد المزروي سره واده وکړ او اته اولادونه يې درلودل، دوه هلکان: شيخ سلطان بن خليفه آل نهيان او شيخ محمد بن خليفه آل نهيان او شپږ نجونې. ويل کيږي چې هغه يو شمېر شوقونه ترسره کوي، هغه د کب نيولو سره مينه لري ، هغه په شخصي توګه د ښکار په سيمو کې د طبيعي چاپېريال د ساتنې لپاره د پروګرامونو او پروژو په سپانسر کولو کې مرسته کړې. شيخ خليفه په هېواد کې د بېلابېلو سپورتي فعاليتونو په ځانګړې توګه د فوټبال سره علاقه لري، هغه د لويو سپورتي فعاليتونو سپانسر کولو او ګډون کولو ته لېواله دی او همدارنګه د محلي سپورت ټيمونو ته درناوی کوي چې محلي، سيمه ايز يا نړۍ والې لاسته راوړنې يا اتلولۍ ترلاسه کوي. ټايمز هغه د نړۍ د 25 تر ټولو با نفوذه مشرانو څخه يو ګڼلی، او په نړۍ کې د څلورم ترټولو بډايه پاچا په توګه شمېرل کيږي. [3] |
|
