بدن
بدن (په عربي: جسم) او (په انگلیسي: Body) په نوم یادیږي؛ د یوه ژوندي موجود د غړيو ټولگې ته ويل کيږي. یا په بل عبارت د انسانانو ، حیواناتو او یا نباتاتو ( که مړه وي او یا ژوندي ) فزیکي جوړښت ته بدن یا جسم ویل کیږي. په همدې ډول د یوه شي اساسي برخې ( پرته له اطرافو ، سر او لکۍ ) ته جسم ویل کیږي.
یا په بل عبارت د یوه شي او یا یوې عضوې غټې او ترټولو مهمې برخې ته جسم ویل کیږي لکه د ونې او حیوان جسم .
Body text د یوه لیک اساسي او مرکزي برخې (پرته له Head note او Foot note څخه) ته ویل کیږي.
انساني جسم ( Human body ) د انسان له مکمل جوړښت څخه عبارت ده چې له سر ، غاړې ، اطرافو ، سینې ، خیټې او حوصلې څخه جوړشوی دی.
کله چې انسان بلوغت ته ورسیږي نو جسم تقریباً د ۱۰۰ تریلیونه ژونکو لرونکی وي. دغه ژونکې په بیولوژیکي ډول تنظمیږي او ټول جسم جوړوي.
په اوسط ډول د یوه کاهل نارینه شخص جگوالی ( په پرمختلوو هیوادونو کې ) ۱٫۷-۱٫۸ متره او د یوې کاهلې ښځې جگوالی تقریباً ۱٫۶-۱٫۷ متره دی.
انساني جسم د یوشمیر سیستمونو لرونکی دی چې له عصبي ، تنفسي ، هضمي ، بولي تناسلي ، Musculoskeletal ، قلبي وعایي ، اندوکراین ، لمفاوي ، امیون او Integumentary (پوستکی او ملحقات یې ) سیستمونو څخه عبارت دي.
انتي باډي د هغو مغلقو گلایکو پروتینونو څخه عبارت دي چې د انتې جن د موجودیت په صورت کې د B- lymphocytes په واسطه تولید او د انتې جن د تخریب یا خنثې کیدو لامل گرځي.
سرچینې
[۱]
[۲]
[۳]
[۴]
[Taber’s cyclopedic medical dictionary, 1997 , F.A. Davis company]
[Microssoft Encarta Encyclopedia standard, 2005]