ایان فلمینګ
ایان لنکستر فلمینګ (زوکړه: د ۱۹۰۸ زکال د مۍ ۲۸ مه – مړینه: د ۱۹۶۴ زکال د اګست ۱۲ مه) بریتانوي لیکوال و چې تر ډېره له جګړې وروسته د جیمز بانډ په نامه د جاسوسي ناولونو د لیکلو له امله شهرت لري. فلمینګ د رابرټ فلمینګ سوداګریز بانک ته د اړوندې بډایې کورنۍ څخه و چې پلار یې له ۱۹۱۰ زکال څخه وروسته په ۱۹۱۷ زکال کې په لویدیځه جبهه کې د مړینې تر مهاله د هېنلي څخه د پارلمان استازی و. فلمینګ په ایتن کالج او سن هارسټ پوځي پوهنتون او د لنډ مهال لپاره په مونیخ او جینوا پوهنتونونو کې زده کړې وکړې؛ نوموړی وړاندې له دې چې لیکوالۍ ته مخه کړي څو ځایه یې دندې یې ترسره کړې.
| ایان فلمینګ | |
|---|---|
 | |
| د شخص مالومات | |
| پيدايښت | |
| مړینه | |
| د مړینې لامل | د زړه حمله (ناروغي) |
| تابعیت | .svg){kind=small} برېتانيا [۴]
|
| عملي ژوند | |
| کار/مسلک | |
| کاروونکي ژبه | |
| پوځي خدمت | |
| جګړه/جګړې | |
| لاسليک | |
.jpg) | |
| وېبپاڼه | |
| وېبپاڼه | د تاييدولو سرچينه |
| مخ پر IMDB باندې |
سمول  |
|
فلمینګ هغه مهال چې د دویمې نړیوالې جګړې په اوږدو کې یې د بریتانیا د سمندریز ځواک د استخباراتو په څانګه کې کار کاوه د طلایي سترګې په عملیاتو (Operation Goldeneye) او د ۳۰م بریدکوونکي (30 Assault Unit) او ټي فورس (T-Force) استخباراتي واحدونو د عملیاتو په طراحۍ او نظارت کې یې ونډه لرله. نوموړي د یو ژورنالېست په توګه د جګړې پر مهال د خپل مسلک او خدمت له تجربو څخه د جیمز بانډ د ناولونو په بګرونډ، جزیاتو او د پېښو په عمق کې ګټنه وکړه.
فلمینګ د بانډ د ناولونو لومړی ناول د کازینو رویال تر نامه لاندې په ۱۹۵۲ زکال کې ولیکه. دغه ناول بریالی شو او د تقاضا د پوره کولو په موخه درې ځلې چاپ شو. په دې پسې وروسته نوموړي د ۱۹۵۳ زکال او ۱۹۶۶ زکال ترمنځ د بانډ ۱۱ ناولونه او همدارنګه دوه لنډې کیسې ولیکلې. دغه ناولونه تر ډېره پورې د هغو په محوري شخصیت جمیز بانډ باندې چې د محرمو اطلاعاتو یا په معمول ډول د MI6 ادارې افسر دی را څرخي. بانډ همدارنګه د خپل کوډ ۰۰۷ له مخې پېژندل کېږي چې د سمندري ځواکونو د ریزرف داوطلبانو قوماندان دی. د بانډ کیسې په ټوله نړۍ کې د ۱۰۰ میلیونه نسخو د پلور له امله تر اوس مهال پورې تر ټولو ډېر پلورل شوي داستاني کتابونه دي. فلمینګ همدارنګه د ماشومانو لپاره د چیټي – چیټي – بنګ – بنګ (Chitty-Chitty-Bang-Bang) تر نامه لاندې کیسه او دوه غیرداستانی اثار لیکلي. په ۲۰۰۸ زکال کې ټایمز مجلې فلمینګ «له ۱۹۴۵ زکال راهیسې د ۵۰ مخکښو بریتانوي لیکوالانو» په نوملړ کې د ۱۴م ځایګي په لرلو یاد کړ.
فلمینګ له آن چارتریس سره واده کړ. نوموړې خپل مېړه د روترومر دویم ویسکانټ ته له دې امله طلاق ورکړی و چې له یوې لیکوالې سره یې اړیکې لرلې. فلمینګ او چارتریس د کاسپار په نوم یو زوی درلود. فلمینګ د خپل ژوند په اوږدو کې په شدیده بڼه سګرټ څکول او الکول به یې څښل؛ همدا و چې نوموړی په ۱۹۶۴ زکال کې د ۵۶ کلنۍ په عمر د زړه د ناروغۍ له امله ومړ. د نوموړي د جیمز بانډ ناولونو دوه کتابونه یې له مړینې وروسته خپاره شول. له دغه مهال راوروسته نورو لیکوالانو هم د بانډ ناولونو لیکنې ته مخه کړه. د فلیمنګ آثار ۲۷ ځله په فلمونو کې څرګند شوي چې د هغو اصلي رولونه د اوو هنرمندانو له خوا اجرا شوي.
بیوګرافي
سمولزوکړه او کورنۍ
سمولایان لنکستر فلمینګ د ۱۹۰۸ زکال د مۍ په ۲۸مه د می فر په نامه د لندن د بډایه سیمې په ۲۷مه ګرین کوڅه کې وزېږېد. د نوموړي مور اېولین «اېو» فلمینګ وه چې کورنی نوم یې روز و؛ پلار یې ولنټاین فلمینګ له ۱۹۱۰ زکال څخه تر ۱۹۱۷ زکال پورې د هنلي سیمې څخه د پارلمان استازی و. د نوي زېږېدلي ماشوم په توګه هغه د لنډ مهال لپاره د اکسفورډشایر په بریزرپاک کې له خپلې کورنۍ سره واوسېد. فلمینګ د سکاټلنډي بډایه رابرټ فلمینګ لمسی و چې د سکاټلنډي امریکايي پانګوال شرکت (Scottish American Investment Company) او د رابرټ فلمینګ اینډ کو (Robert Fleming & Co) سوداګریز بانک بنسټګر و. [۵][۶][۷]
په ۱۹۱۴ زکال کې د لومړۍ نړیوالې جګړې په پیل کېدو والنټاین فلمینګ ملکې ته د اړوند اکسفورډ شایر پوځ له «سي» پیاده ډلګۍ سره مل شو او د جګړنۍ رتبه یې ترلاسه کړه. نوموړی د ۱۹۱۷ زکال د مۍ په ۲۰مه په لویدیځه جبهه کې د جرمني پوځ په برید کې ووژل شو؛ وینسټون چرچیل د هغه د مړینې اعلان ولیکه چې په ټایمز مجله کې خپور شو. [۸][۹]
د فلمینګ مشر ورور پیټر (۱۹۰۷- ۱۹۷۱ زکال) سفرنامه لیکونکی شو او له فلمي لوبغاړې سلیا جانسون سره یې واده وکړ. پیټر د دویمې نړیوالې جګړې پر مهال له ګرناډیر ګارد سره خدمت وکړ؛ وروسته د کالین ګوبنیز تر نظر لاندې د کمکي پوځي واحدونو د جوړولو مسئولیت ور تر غاړې شو او په ناروې او یونان کې یې له کرښې شاته عملیاتو کې ونډه واخیسته. [۱۰][۱۱][۱۲]
زده کړې او لومړنی ژوند
سمولپه ۱۹۱۴ زکال کې فلمینګ د ډورسټ په پوربک جزیره کې د ډورنفورډ ابتدايي ښوونځي ته ولاړ. نوموړي په ډورنفورډ کې د ناسمې غذا، جسمي ستونزو او زورګويي د شتون له امله خوښ نه و. [۱۳][۱۳]
په ۱۹۲۱ زکال کې فلمینګ د ایتون په کالج کې نوم ثبت کړ. نوموړي له تحصیلي پلوه پام وړ بریا نه لرله، خو په ورزش کې مخکښ و او د ۱۹۲۵ زکال څخه یې تر ۱۹۲۷ زکال پورې د دوه کلونو لپاره د ویکټور لوډوروم («د لوبو د ګټونکي») عنوان خپل کړی و. نوموړي همدارنګه د ویورن (The Wyvern) په نامه د ښوونځي یوه مجله هم مخته وړه. په ایتون کې د هغه د ژوندانه سبک لامل وګرځېد څو د خپل کور له مالک اي. وي. سلېټر سره یې اړیکې خرابي شي، د هغه د فلمینګ له چلن، غوړو وېښتانو، د هغه د موټرونو د مالکیت او له ښځو سره یې له اړیکو بد راتلل. سلېټر د فلمینګ مور متقاعده کړه چې نوموړی ډېر ژر له ایتون څخه بهر کړي هغه د چمتووالي په یوه کورس کې شامل کړي څو د سن هارسټ سلطنتي پوځي کالج ته لار ومومي. نوموړي دلته نږدې یوکال تېر کړ او په ۱۹۲۷ زکال کې په سوزاک باندې له اخته کېدو وروسته یې د کمیسیون د حق له ترلاسه کولو وړاندې دغه ځای خوشی کړ. [۱۴][۱۳][۱۵][۱۳][۱۴]
په ۱۹۲۷ زکال کې د دې لپاره چې فلمینګ په بهرنیو چارو وزارت کې د احتمالي دندې ترسره کولو په موخه چمتو کړای شي مور یې نوموړی د اتریش د کیتزبوهل ښار ټینرهوف کوچني خصوصي ښوونځي ته ولېږه چې د ادلرین دسپلین پر بنسټ د بریتانیا د پخواني جاسوس ایرنن فوربس ډنیز او د هغه د ناول لیکونکې مېرمنې پېلیس بوټوم له خوا مدیریت کېده. نوموړي هلته د ژبني مهارت له ترلاسه کولو وروسته د لنډ مهال لپاره د مونیخ او جینوا په پوهنتونونو کې زده کړې وکړې. هغه مهال چې فلمینګ په جینوا کې و له مونیک پانچود بوتنز سره یې عاشقانه اړیکه پیدا کړه، دوی دواړو لندن ته له راګرځېدو وړاندې د ۱۹۳۱ زکال په سپټمبر میاشت کې د بهرنیو چارو وزارت لپاره د مامورینو د ګمارنې په ازموینه کې نوم ثبت کړ. هغه د بریا معیاري نمرې خپلې کړې، خو وه یې نشو کولای د دندې وړاندیز ترلاسه کړي. مور یې په چارو کې مداخله وکړ او د رویټرز خبري آژانس د مشر روډریک جونز پر وړاندې یې هغه ته لابي ګري وکړه؛ نوموړی د ۱۹۳۱ زکال په اکتوبر میاشت کې د دغه خبري آژانس د فرعي ایډیټور په توګه دنده ترلاسه کړه. فلمینګ د ۱۹۳۳ زکال په اپرېل میاشت کې څه موده په مسکو کې تېره کړه، چېرې چې نوموړي د بریتانیايي متروپولیټن ویکرز شرکت د شپږو انجینرانو نمایشي ستالینېستي محاکمه تر خبري پوښښ لاندې راوړه. دغه مهال نوموړي د شوروي اتحاد له لومړي وزیر جوزف ستالین سره د مرکې غوښتنه وکړه خو هغه مهال حیران شو چې ستالین خپله په دغه مرکه کې د نه ګډون کولو اړوند د بخښنې غوښتنې په لیک کې لاسلیک کړی و. له مسکو څخه په بېرته راګرځېدو نوموړي د خپلې مور د ګواښ له امله چې مالي مرسته ورسره بیا نه کوي له مونیک سره یې خپلې اړیکې ته پای ټکی کېښود. [۱۶][۱۷][۱۸][۱۹][۲۰][۲۱][۲۲][۲۳][۲۴]
فلمینګ بیاځلي د ۱۹۳۳ زکال په اکتوبر میاشت کې کورني فشار ته تسلیم شو او د کال اېنډ کو (Cull & Co) په سوداګریز شرکت کې یې بانکوالۍ ته مخه کړه. په ۱۹۳۵ زکال کې نوموړي د روی او پیټمن د اسهمامو د دلال په توګه بیشاپزګېټ ته ولاړ. فلمینګ په خپلو دغو دواړو هڅو کې بریالی نه شو. همدغه کال فلمینګ له موریل رایټ سره د اتریش په کیتسبوهل کې د سکي کولو پر مهال ولیدل او له هغې سره یې اوږد مهالې اړیکه پیل کړه. په ۱۹۴۴ زکال کې د یوه بمي برید پر مهال د نوموړې له مړینې وروسته فلمینګ په دغه پېښه کې د ځان مجرم بللو او پښېمانۍ پر احساس بریالی شو چې په ټولیزه توګه داسې انګېرل کېږي چې نوموړې د هغو نجونو لپاره الهام بخښونکې وه چې په پام کې وې فلمینګ یې په خپلو راتلونکو ناولونو کې انځور کړي. [۲۱][۲۰][۲۵][۲۰][۲۶][۲۷][۲۸]
سرچينې
سمول- ↑ ۱٫۰ ۱٫۱ Find a Grave memorial ID: https://www.findagrave.com/memorial/6997 — subject named as: Ian Fleming — د نشر نېټه: ۹ اکتوبر ۲۰۱۷
- ↑ ۲٫۰ ۲٫۱ Internet Broadway Database person ID: https://www.ibdb.com/broadway-cast-staff/506269 — subject named as: Ian Fleming — د نشر نېټه: ۹ اکتوبر ۲۰۱۷
- ↑ SNAC ARK ID: https://snaccooperative.org/ark:/99166/w6tx3r35 — subject named as: Ian Fleming — د نشر نېټه: ۹ اکتوبر ۲۰۱۷
- ↑ Libris-URI: https://libris.kb.se/katalogisering/75kmmnjr2dvqqr9 — د نشر نېټه: ۲۴ اگسټ ۲۰۱۸ — خپرونکی: National Library of Sweden — د خپرولو نیټه: ۲۵ سپټمبر ۲۰۱۲
- ↑ England and Wales Civil Registration Indexes. Vol. 1a. United Kingdom: General Register Office. 1837–1915. p. 420a.
- ↑ "Buildings and Land". Braziers Park. بياځلي په 23 March 2017.
- ↑ "Fleming, Ian Lancaster, (28 May 1908–12 Aug. 1964), writer". WHO'S WHO & WHO WAS WHO (in انګليسي). 2007. doi:10.1093/ww/9780199540884.013.u56886. ISBN 978-0-19-954089-1. بياځلي په 2021-03-03.
- ↑ Lycett 1996، م. 12.
- ↑ Lycett 1996، م. 13.
- ↑ "A Casualty of War". ianfleming.com. بياځلي په 22 January 2021.
- ↑ Fleming, Fergus (5 August 1999). "Amaryllis Fleming". Obiturary. The Independent. London. بياځلي په 4 December 2011.
- ↑ Lycett 1996، م. 19.
- ↑ ۱۳٫۰ ۱۳٫۱ ۱۳٫۲ ۱۳٫۳ DelFattore 1989، م. 86.
- ↑ ۱۴٫۰ ۱۴٫۱ Macintyre 2008، م. 33.
- ↑ "Fleming, Ian Lancaster, (28 May 1908–12 Aug. 1964), writer". WHO'S WHO & WHO WAS WHO (in انګليسي). 2007. doi:10.1093/ww/9780199540884.013.u56886. ISBN 978-0-19-954089-1. بياځلي په 2021-03-03.
- ↑ Lycett 1996، م. 59.
- ↑ Buckton, Oliver (2021). The World Is Not Enough: A Biography of Ian Fleming. Lanham, Maryland: Rowman & Littlefield. p. 42. ISBN 9781538138588.
- ↑ Cook, Andrew (2015). The Ian Fleming Miscellany. Stroud, England: History Press. p. 19. ISBN 978-0-7509-6577-4.
- ↑ Marti, Michael; Wälty, Peter (7 October 2012). "Und das ist die Mama von James Bond". Der Spiegel (in الماني). بياځلي په 14 July 2021.
- ↑ ۲۰٫۰ ۲۰٫۱ ۲۰٫۲ Benson 1988، م. 46.
- ↑ ۲۱٫۰ ۲۱٫۱ Macintyre 2008، م. 39.
- ↑ Lycett 1996، م. 46.
- ↑ DelFattore 1989، م. 87.
- ↑ Benson 1988، م. 45.
- ↑ Lycett 1996، م. 72.
- ↑ Wood, Sarah (23 August 2000). "The girl who loved Bond's creator".
- ↑ Dixon, Lynne (3 December 2017). "Welcome to the Derbyshire home of the tragic beauty who inspired Ian Fleming's only Mrs James Bond". Derbyshire Live.
- ↑ Lycett 1996، م. 96.