مایکرو اورگانیزم

مایکروارګانیزم

هر ژوندی موجود چې بې له مایکروسکوپ څخه په عادي سترګو (naked eyes ) نه لیدل کیږي؛ د مایکروارګانیزم یا مایکروب په نوم یادیږي. کیدای شي مایکروارګانیزمونه یو حجروي او یا ډير حجروي وي.
مایکروارګانیزمونه کیدای شي حیواني او یا هم نباتي وي.
مایکروارګانیزمونه د لومړي ځل لپاره د Anton van Leeuwenhoek په واسطه په ۱۶۷۵ میلادي کال کې د خپل جوړ شوي مایکروسکوپ په واسطه ولیدل شول.
مایکروارګانیزمونه ګڼ شمیر ډولونه لري، د نمونې په ډول باکتریاوې، وایرسونه، فنکسونه، الجي، ارچیا (Archaea)، پروتوزواګانې، Viroids، Chlamydia، Rickettsia، Mycoplasmas، prions او داسې نور.
د مایکروارګانیزمونو یو شمیر ډولونه ( لکه وایرسونه، Prions او Viroids) غیر حجروي او یا Sub cellular، ځینې ډولونه یې Prokaryotic (لکه باکتریاوې، ارچیا، Chlamydia، Rickettsia، Mycoplasmas ) او ځینې نور یې Eukaryotic (لکه فنګسونه، الجي، پروتوزواګانې او Slime mold ) جوړښت لري.
مایکروارګانیزمونه ګڼ شمیر ډولونه لري چې په لوړه پیمانه په چاپیریال (هوا، اوبو، خوړو، خاوره، بوټو او د انسانانو په سطحه ) لیدل کیږي. په عمومې توګه دوه ډولونه لري:
۱- مفید مایکروارګانیزمونه: هغه مایکروارګانیزمونه دي چې انسانانو ته ګټه رسوي لکه د پوستکي او مخاطي غشاء لپاسه موجودې نورمالي فلوراوې چې د پتوجن مایکروارګانیزمونو له ځای پرځای کیدو څخه مخنیوی کوي.
۲- مضر مایکروارګانیزمونه: هغه مایکروارګانیزمونه دي چې په انسانانو کې ناروغۍ رامنځته کوي. د مفیدو مایکروارګانیزمونو شمیر له مضرو مایکروارګانیمونو څخه ډير زیات دی.