په اقتصاد کې پانګونه او سرمایه

په ورته وخت کې مالي اقتصاد پوهان پانګونه (investment) عاید لرونکې شتمنۍ لکه (stocks and bonds) ته کاروي خو ماکرو اقتصاد پوهان (macroeconomists) پانګونه د ثابتې پانګونې (fixed investment) لپاره کاروي – ثابته پانګونه په یوه ځانګړې موده کې د تازه تولید شوو تولید کوونکو تجهیزاتو، تعمیر او یا نورو فزیکي شتمنیو پېرنې ته وایي.

د موجوده انبار پانګه (inventory investment) د وخت له تېرېدو سره د موجوده انبار ټولونې ته وایي.

په عامه ژبه او په مالي اقتصاد کې د پانګونې مانا یوه ده او دواړو کې عاید لرونکې شتمنۍ لکه (stocks and bonds) ته کاریږي.

مالي اقتصاد پوهان سرمایه (capital) هغې بسپنې یا مالي سرچینې ته وایي چې د یوې ځانګړې چارې لپاره ټاکل شوې وي او یوه سوداګري یې د توکو پېرلو لپاره کاروي تر څو خلکو ته خدمات او یا تولید شوي توکي ورکړي. ماکرو اقتصاد پوهان سرمایه تولید کوونکو تجهیزاتو ته کاروي لکه تعمیر او نورې ټولې فزیکي شتمنۍ.