ویلیام جیمس دورانت

ویلیام جیمز دورانت چي مشهوره په ویل ډورانت دی یوامریکايي لیکوال اوتاریخ پوه وو چي په ۱۸۸۵زیږدیزکال کي دنومبر پرپنځمه نېټه باندي دامریکامتحده ایالاتو په ماساچوست سیمه کي وزېږېدی اوپه ۱۹۸۱زیږدیزکال کي دنومبر پراوومه نېټه باندي د۹۶ کلونوپه عمرمړسو .

ژوند یې

ویل دورانت له ځوانۍ څخه خپل ژوند سوسیالیزم ته د یوې لارې په توګه وقف کړ ترڅو د ژوند په اوږدو کې د انسانانو مساوات او د دوی هوساینې لامل سي خودنوموړي مور دده برعکس غوښتل چي خپل زوی یې پادري سي چي داکار ویل دورانت ونکړ اودخپل ذوق مطابق دفلسفې ترڅنګ په تاریخي زدکړو کي هم ښکېل پاته سوڅوچي دځوانۍ په دوران کي یې دفلسفې یوشمېر کتابونه تالیف اوټولني ته وړاندي کړه . ویل ډورانټ د یو څه مودې لپاره د نیویارک شپې خبریال و او بیا یې د سیټل هال کالج کې په لاتین ، فرانسوي او انګلیسي ژبه باندي تدریس کاوه. په 1912 کې هغه اروپا ته سفر وکړ او په 1913 کې یې د کولمبیا په پوهنتون کې د بیولوژي او فلسفې زده کړه وکړه . ویل ډورانټ دخپل مشهوره کتاب (دتمدن تاریخ ) دلیکلو لپاره نړۍ هر ګوټ ته سفر وکړ ترڅو دکتاب هره برخه په دقیقه توګه ولیکي اوپه دې ترځ کي یې مصر، جاپان، سابیریا اودنړۍ بېلابیلي سیمي اوهیوادونه ولیدل اوبالاخره په ۱۹۷۵ کال کې یې د کتاب ټول دېرش ټوکونه او همدارنګه ټول سفرونه چي ۵۰ کاله یې په برکي ونیول سرته رسول . دتمدن تاریخ دویل دورانت هغه کتاب دی چي په نړۍ کي یې ډېر زیات شهرت موندلی دی اوهمدارنګه دنړۍ په مشهوره ژبوباندي هم ژباړل سوی دی .

اثار اولیکني یې

د دې مشهور لیکوال نور ارزښتناک اثار په 1904 کې "د انګلیسي ادبیاتو تاریخ" ، "د فلسفې تاریخ" په 1926 کې ،اود ژوند عکسونه" چي دده دمیرمني ایریل ډیورنټ په مرسته لیکل سوي دي دیادوني وړ دي، همدارنګه د تمدن د تاریخ له لیکلو ترمخه، ډیورنټ د حکمت اصول او معاصر ټولنیز مسایل هم لیکلي دي .

مړینه اوکورنۍ

په ۱۹۸۱زیږدیزکال کي کله چي ویل ډورانت دیوناروغۍ له کبله روغتون ته ولېږل سو دنوموړي مېرمن ایريل ډورانټ ورپسي ناروغه اوترلږ مودې وروسته مړه سوه . ویل ډورانټ چي دخپلي مېرمني په مرګ باندي خبرسو ده هم زړه ورپسي واچاوه اوترلنډي مودې دمرګ په خوب ويده سو .