نايجل کمبرلنډ

نایجل کمبرلنډ (انګرېزي: Nigel Cumberland) انګرېز لیکوال، د مشرۍ روزونکی (leadership coach) او د 'دي سیلک روډ پارټنرشپ The Silk Road Partnership' په نامه شرکت بنسټوال دی. اته کتابونه یې لیکلي دي، چې ځینې یې د چینايي، رومانۍ، هالنډۍ، عربي، او برازیلۍ پرتګالي په ګډون نورو بهرنیو ژبو ته هم ژباړل شوي دي. د ځان-جوړونې (self-development) او مشرۍ مهارتونو (leadership skills) په اړه د نایجل کمبرلنډ ځینې کتابونه د ټلویزیونو او راډیوګانو له لارو هم خپاره شوي دي.

نایجل کمبرلنډ
نايجل کمبرلنډ
د شخص مالومات
پيدايښت	۷&#۱۶۰;() (age ) یورک, انګلستان
تابعیت	برېتانيا
اولاد	۲
عملي ژوند
زده کړې	کمبریج پوهنتون
کار/مسلک	لیکوال روزنوال
کاروونکې ژبه	انګرېزي ژبه
ويبپاڼه
ويبپاڼه	nigelcumberland.com

شخصي ژوند او زده‌کړې

نایجل په برتانیه کې لوی شوی دی، په خټه انګرېز خو مور یې د میانمار (پخواني برما) ده. نوموړي په ۱۹۸۹ کې د کمبریج پوهنتون له کوینز پوهنځي (Queens’ College) څخه په اقتصاد کې ماسټري وکړه. د برتانیې په یورک ښار کې یې د ارک‌بیشپ هولګېټز ګرامر سکول (Archbishop Holgate’s Grammar School) په نامه ښوونځی لوستی. وروسته یې اداري محاسبه (management accounting) ولوسته او له ۲۰۰۵ راهیسې له Chartered Institute of Management Accounting (CIMA) څخه د FCMA سند او غړیتوب لري.