ويکيپېډيا

غټ ژوي

لوی حیوانات


د وچو سیمو ژویو په ژوپوهنه کې، غټ یا تنه‌ور ژوي (په انګلیسي: Megafauna؛ چې په یوناني کې: μέγας یا مېګاس د «غټ» او په نوي لاتین کې: Fauna یا فونا «د ژوي ژوند» معنی لري) د یوې سیمې، مېشت‌ځای یا ځمکپوهنې دورې، شته یا منقرض شویو ټولو لویو یا غټه تنه لرونکو ژویو ته ویل کېږي. د کارونې وړ تر ټولو عامې اندازې یې دا دي: له 46kg (یا 100lb) څخه زیات وزن (یعنې، له انسان سره د پرتلې وړ یا لا زیاته کتله) او له یو ټُن، 1,000kg (یا 2,205lb) څخه زیات وزن (یعنې له یوه غویي سره د پرتلې وړ یا لا زیاته کتله). د لومړنۍ اندازې اړوند نوعو وزن، په ټولیزه توګه، له حده زیات ګڼل کېږي او په یوې ټاکلې سیمه کې یواځې څو پاتې شوي غټ ژوي دي؛ لکه: سپین‌لکۍ غرڅه، د ټامسن هوسۍ او سور کانګرو. په عمل کې، په اکاډمیکو او عامو لیکنو کې داسې ویل کېږي چې، د وچې اوسېدونکي تي‌لرونکي لږ څه له انسان څخه غټ دي او (یوازې) اېلېدلي نه‌دي. دغه ګړنه له «پلیستوسېن غټ ژوي» سره په ځانګړې توګه اړوند ګڼل کېږي او دا د وچې هغه ژوي دي چې د وروستي کنګلیز پېر د لرغونو بېلګو په پرتله لا غټ وو؛ لکه: ماموتان، چې لویه برخه یې په شمالي اوراسیا، امریکا او اسټرالیا کې په تېرو څلوېښت زرو کلونو کې منقرض شوې ده. د ژوندیو ژیو په منځ کې، د «غټ ژوي» ګړنه تر ډېره د وچې تر ټولو لویو پاتې شویو تي‌لرونکو لپاره کارول کېږي، چې په هغه کې پیل، زرافه، ګوره‌خر، د اوبو آس، کرګدن او لوی غویان شاملېږي (خو په همدو ژویو سره نه‌محدودېږي). د واښه‌خوړونکو دغو پنځو ډلو له جملې څخه، اوس‌مهال یوازې د غویانو نوعه (bovines) له سویلي آسیا او افریقا څخه بهر د موندلو وړ ده، پاتې نور ژوي پخوا په هرځای کې موندل کېدل، خو ورځ په ورځ یې شمېر لا کمېږي او د اوسېدنې سیمې یې لا محدودېږي. د اوبو ځناور آس د «غټو ژویو» یوه بله بېلګه ده، خو اوسنۍ محدودې یې تر ډېر پخوانۍ نړۍ (آسیا، اروپا او افریقا)، په ځانګړې توګه آسیا او افریقا پورې تړل کېږي. د غټو ژویو نوعې کېدای شي د خوراکي رژیم له‌مخې ډلبندي کړل شي: غټ واښه خوړونکي (لکه: فیل)، غټ غوښه خوړونکي (لکه: زمری)، او په ندرت سره، هرڅه خوړونکي (لکه: ایږ). د دې ترڅنګ، غټ ژوي د اړوندو ژویو د ټولګیو (کلاسونو) پر بنسټ هم ډلبندي کېږي؛ دغه ټولګي عبارت دی له: تي‌لرونکي، الوتونکي، څښېدونکي، ذوحیاتین، کبان او بې‌شمزې ژوي.[۱][۲][۳][۴][۵][۶]

د دې ترڅنګ، د «غټ ژوي» ګړنه د اوبو اوسېدونکو نوعو، په تېره بیا نهنګانو، او همدا راز د وچې لویو ځناورو یا اېل شویو ژویو (لکه: ښکرورې هوسۍ، غرڅه، آس، غویی او همدا راز ډانګسران او نور منقرض شوي لوی څښېدونکي) لپاره کارول کېږي.

د «غټ ژوي» ګړنه په ندرت سره د بې‌شمزۍ ژویو لپاره کارول کېږي، که څه هم کله ناکله د ناریالي چنګاښ، جاپاني غڼې‌ډوله چنګاښ او همدا راز هغو منقض شویو بې‌شمزۍ ژویو لپاره کارول کېږي چې د اوسنیو ورته بې‌شمزۍ ژویو په پرتله خورا لوی وو (د بېلګې په توګه: د کاربني‌فېروس دورې 1 متري (3ft) څمڅلکي).

اېکولوجیکي ستراتېژي

سمول

تنه‌ور غټ ژوي، تر ټولو لویو تي‌لرونکو او الوتونکو په مفهوم، په ټولیز ډول د K ستراتېژي لرونکي دي، چې عمر یې خورا اوږد، د تکثر او ودې او همدا راز د مړینې کچه یې ټیټه او (لږ تر لږه د زښته غټو ژویو لپاره) د ښکاري ژویو له‌خوا د وژلو احتمال یې خورا ټیټ او یا صفر دی. دا چې د غټو ژویو د نسل ډېرښت کچه خورا ټیټه ده، د دغو ځانګړنو له‌امله (که څه هم یوازې دغو تنه‌ورو ژویو ته نه‌ځانګړې کېږي) نوموړي ژوي د انسان خورا زیاتې استفادې وړ ګرځي.[۷][۸][۹]

د لویې تنې د اندازې تکامل

سمول

د لویې تنې د اندازې تکامل په هکله د یوې ترسره شوې مشاهدې له‌مخې، د وخت لنډو واټنونو په اوږدو کې د تکامل لېدل شوې لوړې کچې د وخت په لا اوږدو واټنونو کې هغومره پایښت نه‌لري. د وخت په اوږدو کې د تي‌لرونکو د جسم کتلې په یوه ازمایښت کې وموندل شوه چې د وخت په یوه ټاکلي واټن کې د کتلې اعظمي ممکنه زیاتوالی، «د وخت نوموړي واټن په توان د 0.25 سره متناسب دی». داسې ګومان کېږي چې دا زیاتوالی، د تنې اعظمي اندازې ته د تکاملي بهیر په اوږدو کې، د یو لړ اناټومیکي، فزیولوجیکي، چاپېریالي، جنتیکي او نورو هغو محدودیتونو ښودونکی دی چې مخکې تر دې چې د اندازې د لا نور زیاتوالي امکان رامنځ‌ته شي، باید د تکاملي فعالیت پر وړاندې واقع شي. د جسم د کتلې کمېدلو لپاره د بدلون یوه خورا چټکه کچه هم موندل شوې ده چې کېدای شي «د لنډې ونې (dwarfism) ټاپویي اختلال» له ښکارندې سره تړاو ولري. د نسل طبیعي اوږدوالي ته له راګرځېدو وروسته، وموندل شوه چې، د یوه لس برابره بدلون لپاره، د تنې (جسم) د کتلې د کمېدو اعظمي کچه، د تنې د کتلې د زیاتېدو اعظمي کچې په پرتله 30 ځلي لویه ده.[۱۰]

د غټو ژویو ډله‌ییز انقراض

سمول

وخت‌بندي او احتمالي لاملونه

سمول

د هولوسېن پېر اړوند انقراض د کنګلیز پېر وروستي پړاو (چې د وورم کنګلیز پېر په نامه هم یادېږي) په پای کې پېښ شو او په پایله کې یې، د وړین (وړۍ لرونکو) ماموتانو په څېر، د امریکا لویې وچې او شمالي اوراسیا د کنګلیز پېر ډېري تنه‌ور تي‌لرونکي منقرض شول. په شمالي امریکا کې د انقراض د پېښې د یوې شننې او څېړنې له‌مخې، د لویو ژویو لپاره د ټاکنې له‌اړخه د سېنوزوییک پېر د انقراضونو په منځ کې، نوموړی انقراض یوه بې‌ساري او ځانګړې پېښه ده. بېلابېلو تیوري‌ګانو بیا د انقراض څپې د انسان په لاس ښکار، اقلیمي بدلونونو، ناروغیو، د ځمکې له کُرې بهر اغېزو یا نورو لاملونو سره اړوند ګڼلې دي. سره له‌دې، د پلیستوسین پېر پای ته نږدې دغه انقراض د غټو ژویو د انقراضونو یوازې یوه څپه وه چې 50,000 کاله پخوا د ځمکې په ډېریو برخو رامنځ‌ته شوه؛ په دغه ترڅ کې، په پرتله‌ییز ډول، په افریقا او سویلي اسیا کې (چېرې چې د سیمې غټو ژویو د عصري انسانانو ترڅنګ د تکامل فرصت درلود) غټ ژوي لا لږ اغېزمن شول. د تېرو څو میلیونو کلونو په اوږدو کې، په نوموړو سیمو کې غټ ژوي، په تېره بیا کرار خوځېدونکې نوعې (د غټو زیان‌منونکو یو کلاس چې د غټو کیشپونو په توګه انګېرل کېږي) په تدریجي ډول له‌منځه تللي دي.[۱۱][۱۲][۱۳]

د افرو-اوراسیا لویې وچې بهر، د غټو ژویو دغه انقراضونه د «قاره‌یي-قاره‌یي» یوې خورا ځانګړې بېلګې ته ورته وو چې د نړۍ پخوانیو شاړو سیمو ته د انسان له تګ سره ډېر نږدې ورته‌والی لري او له اقلیمي تاریخ سره هېڅ کومه ټولیزه اړیکه نه‌ښیي (چې کېدای شي د سمندري اکسېجن اېزوتوپونو یا د اټموسفیري کاربن دای‌اکساید سطحو په څېر، د وروستیو جیولوجیکي زماني دورو په اوږدو کې د اقلیمي ښودونکي په واسطه تصور شي). شاوخوا 46,000 کاله پخوا د انقراض څپه لومړی اسټرالیا او نږدې ټاپوګانو (لکه: فلورېس) او وروسته، کابو 41,000 کاله مخکې (وروسته له هغې چې کابو 43,000 کاله پخوا اسټرالیا ته د وچې یو «پُل» رامنځ‌ته شو) دغه څپه تاسمانیا ته ورسېده. په اسټرالیا او نوې ګیانا کې د غټو ژویو په انقراضي بهیر کې د انسانانو ونډه تر بحث لاندې نیول شوې ده او څوګونو مطالعاتو، په دغې لویه وچه کې د انسان تر استوګن کېدو پخوا د غټو ژویو د نوعو شمېر ردوي او ښیې چې نوموړې سیمه کې د انسان په لاس د هېڅ ډول ښکار یا وژنې شواهد موندل شوي نه‌دي؛ داسې ویل کېږي چې په نوموړې لویه وچه کې غټ ژوي د اقلیمي بدلون له‌امله منقرض شوي دي. وار په وار، د انقراض څپه جاپان ته شاوخوا 30,000 کاله پخوا، شمالي امریکا ته 13,000 کاله پخوا، سویلي امریکا ته بیا شاوخوا 500 کاله وروسته له هغو، قبرس ته 10,000 کاله پخوا، انتیلیز ته 6,000 کاله پخوا، نوې کالېدونیا او شاوخوا ټاپوګانو ته 3,000 کاله پخوا، مادګسکر ته 2,000 کاله پخوا، نوي زیلاند ته 700 کاله پخوا، مسکرین ټاپوګانو ته 400 کاله پخوا او کوماندورسکي ټاپوګانو ته 250 کاله پخوا ورسېده. د نړۍ کابو ټولې جلا ټاپوګانې د انقراض ورته بېلګې وښیي چې د انسان له رارسېدو لږ څه وروسته پېښې شوې دي، که څه هم په ډېري دغو ټاپوګانو کې (لکه: د هاوایي ټاپوګانې) د وچې اوسېدونکي غټو ژویو شتون نه‌درلود، نو ویل کېږي چې د نوموړو ټاپوګانو منقرض شوي ژوي لا کوچني وو.[۱۴][۱۵][۱۶][۱۷][۱۸][۱۹][۲۰][۲۱][۲۲][۲۳][۲۴][۲۵][۲۶][۲۷][۲۸][۲۹][۳۰][۳۱][۳۲][۳۳][۳۴]

سرچينې

سمول
  1. ↑ Stuart, A. J. (November 1991). "Mammalian extinctions in the Late Pleistocene of northern Eurasia and North America". Biological Reviews. 66 (4): 453–562. doi:10.1111/j.1469-185X.1991.tb01149.x. PMID 1801948. S2CID 41295526.
  2. ↑ Martin, P. S. (1984). "Prehistoric overkill: The global model". In Martin, P. S.; Klein, R. G. (eds.). Quaternary Extinctions: A Prehistoric Revolution. University of Arizona Press. pp. 354–403. ISBN 978-0-8165-1100-6. OCLC 258362030.
  3. ↑ Martin, P. S.; Steadman, D. W. (1999-06-30). "Prehistoric extinctions on islands and continents". In MacPhee, R. D. E (ed.). Extinctions in near time: causes, contexts and consequences. Advances in Vertebrate Paleobiology. Vol. 2. New York: Kluwer/Plenum. pp. 17–56. ISBN 978-0-306-46092-0. OCLC 41368299. نه اخيستل شوی 2011-08-23. see page 17
  4. ↑ Richard A. Farina, Sergio F. Vizcaino, Gerry De Iuliis (2013). "The Great American Biotic Interchange". Megafauna: Giant Beasts of Pleistocene South America. Indiana University Press, Bloomington, Indiana. p. 150. ISBN 978-0-253-00230-3.{{cite book}}: نگهداری یادکرد:استفاده از پارامتر نویسندگان (link)
  5. ↑ Bernhard A. Huber, Bradley J. Sinclair, Karl-Heinz Lampe (2005). "Historical Determinants of Mammal Species in Africa". African Biodiversity: Molecules, Organisms, Ecosystems. Springer. p. 294. ISBN 978-0387243153.{{cite book}}: نگهداری یادکرد:استفاده از پارامتر نویسندگان (link)
  6. ↑ Ice Age Animals. Illinois State Museum
  7. ↑ https://www.britannica.com/science/K-selected-species. Britannica. Retrieved 2017-4-2.
  8. ↑ Barnosky, A. D. (2004-10-01). "Assessing the Causes of Late Pleistocene Extinctions on the Continents". Science. 306 (5693): 70–75. Bibcode:2004Sci...306...70B. CiteSeerX 10.1.1.574.332. doi:10.1126/science.1101476. PMID 15459379. S2CID 36156087.
  9. ↑ Brook, B. W.; Johnson, C. N. (2006). "Selective hunting of juveniles as a cause of the imperceptible overkill of the Australian Pleistocene megafauna". Alcheringa: An Australasian Journal of Palaeontology. 30 (sup1): 39–48. doi:10.1080/03115510609506854. S2CID 84205755.
  10. ↑ Evans, A. R.; Jones, D.; Boyer, A. G.; Brown, J. H.; Costa, D. P.; Ernest, S. K. M.; Fitzgerald, E. M. G.; Fortelius, M.; Gittleman, J. L.; Hamilton, M. J.; Harding, L. E.; Lintulaakso, K.; Lyons, S. K.; Okie, J. G.; Saarinen, J. J.; Sibly, R. M.; Smith, F. A.; Stephens, P. R.; Theodor, J. M.; Uhen, M. D. (2012-01-30). "The maximum rate of mammal evolution". PNAS. 109 (11): 4187–4190. Bibcode:2012PNAS..109.4187E. doi:10.1073/pnas.1120774109. PMC 3306709. PMID 22308461.
  11. ↑ Alroy, J. (1999), "Putting North America's End-Pleistocene Megafaunal Extinction in Context: Large-Scale Analyses of Spatial Patterns, Extinction Rates, and Size Distributions", in MacPhee, R. D. E. (ed.), Extinctions in Near Time: Causes, Contexts, and Consequences, Advances in Vertebrate Paleobiology, vol. 2, New York: Plenum, pp. 105–143, doi:10.1007/978-1-4757-5202-1_6, ISBN 978-1-4757-5202-1, OCLC 41368299
  12. ↑ Corlett, R. T. (2006). "Megafaunal extinctions in tropical Asia" (PDF). Tropinet. 17 (3): 1–3. نه اخيستل شوی 2010-10-04.
  13. ↑ Edmeades, Baz. "Megafauna — First Victims of the Human-Caused Extinction". megafauna.com. (internet-published book with Foreword by Paul S. Martin). Archived from the original on 2014-12-25. نه اخيستل شوی 2020-02-13.
  14. ↑ Martin, P. S. (2005). "Chapter 6. Deadly Syncopation". Twilight of the Mammoths: Ice Age Extinctions and the Rewilding of America. University of California Press. pp. 118–128. ISBN 978-0-520-23141-2. OCLC 58055404. نه اخيستل شوی 2014-11-11.
  15. ↑ Burney, D. A.; Flannery, T. F. (July 2005). "Fifty millennia of catastrophic extinctions after human contact" (PDF). Trends in Ecology & Evolution. 20 (7): 395–401. doi:10.1016/j.tree.2005.04.022. PMID 16701402. Archived from the original (PDF) on 2010-06-10. نه اخيستل شوی 2014-11-11. {{cite journal}}: More than one of |archivedate= و |archive-date= specified (help); More than one of |archiveurl= و |archive-url= specified (help)
  16. ↑ Roberts, R. G.; Flannery, T. F.; Ayliffe, L. K.; Yoshida, H.; Olley, J. M.; Prideaux, G. J.; Laslett, G. M.; Baynes, A.; Smith, M. A.; Jones, R.; Smith, B. L. (2001-06-08). "New Ages for the Last Australian Megafauna: Continent-Wide Extinction About 46,000 Years Ago" (PDF). Science. 292 (5523): 1888–1892. Bibcode:2001Sci...292.1888R. doi:10.1126/science.1060264. PMID 11397939. S2CID 45643228. نه اخيستل شوی 2011-08-26.
  17. ↑ Callaway, E. (2016-09-21). "Human remains found in hobbit cave". Nature. doi:10.1038/nature.2016.20656. S2CID 89272546.
  18. ↑ Diamond, Jared (2008-08-13). "Palaeontology: The last giant kangaroo". Nature. 454 (7206): 835–836. Bibcode:2008Natur.454..835D. doi:10.1038/454835a. PMID 18704074. S2CID 36583693.
  19. ↑ Turney, C. S. M.; Flannery, T. F.; Roberts, R. G.; Reid, C.; Fifield, L. K.; Higham, T. F. G.; Jacobs, Z.; Kemp, N.; Colhoun, E. A.; Kalin, R. M.; Ogle, N. (2008-08-21). "Late-surviving megafauna in Tasmania, Australia, implicate human involvement in their extinction". PNAS. 105 (34): 12150–12153. Bibcode:2008PNAS..10512150T. doi:10.1073/pnas.0801360105. PMC 2527880. PMID 18719103.
  20. ↑ Roberts, R.; Jacobs, Z. (October 2008). "The Lost Giants of Tasmania" (PDF). Australasian Science. 29 (9): 14–17. Archived from the original (PDF) on 2011-09-27. نه اخيستل شوی 2011-08-26. {{cite journal}}: More than one of |archivedate= و |archive-date= specified (help); More than one of |archiveurl= و |archive-url= specified (help)
  21. ↑ Field, Judith; Wroe, Stephen; Trueman, Clive N.; Garvey, Jillian; Wyatt-Spratt, Simon (2013-02-08). "Looking for the archaeological signature in Australian Megafaunal extinctions". Quaternary International. Peopling the last new worlds: the first colonisation of Sahul and the Americas (په انګليسي). 285: 76–88. Bibcode:2013QuInt.285...76F. doi:10.1016/j.quaint.2011.04.013. ISSN 1040-6182.
  22. ↑ Dodson, John; Field, Judith H. (2018). "What does the occurrence of Sporormiella (Preussia) spores mean in Australian fossil sequences?". Journal of Quaternary Science (په انګليسي). 33 (4): 380–392. Bibcode:2018JQS....33..380D. doi:10.1002/jqs.3020. ISSN 1099-1417. S2CID 133737405.
  23. ↑ Wroe, Stephen; Field, Judith H.; Archer, Michael; Grayson, Donald K.; Price, Gilbert J.; Louys, Julien; Faith, J. Tyler; Webb, Gregory E.; Davidson, Iain; Mooney, Scott D. (2013-09-03). "Reply to Brook et al: No empirical evidence for human overkill of megafauna in Sahul". Proceedings of the National Academy of Sciences (په انګليسي). 110 (36): E3369. Bibcode:2013PNAS..110E3369W. doi:10.1073/pnas.1310440110. ISSN 0027-8424. PMC 3767508. PMID 24137797.
  24. ↑ Dortch, Joe; Cupper, Matt; Grün, Rainer; Harpley, Bernice; Lee, Kerrie; Field, Judith (2016-08-01). "The timing and cause of megafauna mass deaths at Lancefield Swamp, south-eastern Australia". Quaternary Science Reviews (په انګليسي). 145: 161–182. Bibcode:2016QSRv..145..161D. doi:10.1016/j.quascirev.2016.05.042. ISSN 0277-3791.
  25. ↑ Wroe, Stephen; Field, Judith H.; Archer, Michael; Grayson, Donald K.; Price, Gilbert J.; Louys, Julien; Faith, J. Tyler; Webb, Gregory E.; Davidson, Iain; Mooney, Scott D. (2013-05-28). "Climate change frames debate over the extinction of megafauna in Sahul (Pleistocene Australia-New Guinea)". Proceedings of the National Academy of Sciences (په انګليسي). 110 (22): 8777–8781. Bibcode:2013PNAS..110.8777W. doi:10.1073/pnas.1302698110. ISSN 0027-8424. PMC 3670326. PMID 23650401.
  26. ↑ Norton, C. J.; Kondo, Y.; Ono, A.; Zhang, Y.; Diab, M. C. (2009-05-23). "The nature of megafaunal extinctions during the MIS 3–2 transition in Japan". Quaternary International. 211 (1–2): 113–122. Bibcode:2010QuInt.211..113N. doi:10.1016/j.quaint.2009.05.002.
  27. ↑ Haynes, Gary (2009). "Introduction to the Volume". In Haynes, Gary (ed.). American Megafaunal Extinctions at the End of the Pleistocene. Vertebrate Paleobiology and Paleoanthropology. Springer. pp. 1–20. doi:10.1007/978-1-4020-8793-6_1. ISBN 978-1-4020-8792-9.[مړه لينکونه]
  28. ↑ Fiedel, Stuart (2009). "Sudden Deaths: The Chronology of Terminal Pleistocene Megafaunal Extinction". In Haynes, Gary (ed.). American Megafaunal Extinctions at the End of the Pleistocene. Vertebrate Paleobiology and Paleoanthropology. Springer. pp. 21–37. doi:10.1007/978-1-4020-8793-6_2. ISBN 978-1-4020-8792-9.
  29. ↑ Simmons, A. H. (1999). Faunal extinction in an island society: pygmy hippopotamus hunters of Cyprus. Interdisciplinary Contributions to Archaeology. Kluwer Academic/Plenum Publishers. p. 382. doi:10.1007/b109876. ISBN 978-0-306-46088-3. OCLC 41712246.
  30. ↑ Simmons, A. H.; Mandel, R. D. (December 2007). "Not Such a New Light: A Response to Ammerman and Noller". World Archaeology. 39 (4): 475–482. doi:10.1080/00438240701676169. JSTOR 40026143. S2CID 161791746.
  31. ↑ Steadman, D. W.; Martin, P. S.; MacPhee, R. D. E.; Jull, A. J. T.; McDonald, H. G.; Woods, C. A.; Iturralde-Vinent, M.; Hodgins, G. W. L. (2005-08-16). "Asynchronous extinction of late Quaternary sloths on continents and islands". Proc. Natl. Acad. Sci. USA. 102 (33): 11763–11768. Bibcode:2005PNAS..10211763S. doi:10.1073/pnas.0502777102. PMC 1187974. PMID 16085711.
  32. ↑ Cooke, S. B.; Dávalos, L. M.; Mychajliw, A. M.; Turvey, S. T.; Upham, N. S. (2017). "Anthropogenic Extinction Dominates Holocene Declines of West Indian Mammals". Annual Review of Ecology, Evolution, and Systematics. 48 (1): 301–327. doi:10.1146/annurev-ecolsys-110316-022754. S2CID 90558542.
  33. ↑ Anderson, A.; Sand, C.; Petchey, F.; Worthy, T. H. (2010). "Faunal extinction and human habitation in New Caledonia: Initial results and implications of new research at the Pindai Caves". Journal of Pacific Archaeology. 1 (1): 89–109. hdl:10289/5404.
  34. ↑ White, A. W.; Worthy, T. H.; Hawkins, S.; Bedford, S.; Spriggs, M. (2010-08-16). "Megafaunal meiolaniid horned turtles survived until early human settlement in Vanuatu, Southwest Pacific". Proc. Natl. Acad. Sci. USA. 107 (35): 15512–15516. Bibcode:2010PNAS..10715512W. doi:10.1073/pnas.1005780107. PMC 2932593. PMID 20713711.
"https://ps.wikipedia.org/w/index.php?title=غټ_ژوي&oldid=301935" نه اخيستل شوی