سانسور په انګلستان کې

سانسور په انګلستان کې په بېلابېلو وختونو کې د ډول ډول محدودیتونو او د سختو قوانینو په شتون سره اوږد تاریخ لري.  

د کامن لا پر بنسټ برتانوي اتباع د بیان د ازادۍ پلي کوونکي او نه پلي کوونکي حقوق لري. په ۱۹۹۸ کال کې، انګلستان د اروپا کنوانسیون ته په خپل کورني د بشري حقونو په قانون کې ځای ورکړ. اما د ګواښوونکې چلند یا ناوړه کلیمات چې موخه یی ځورونه، اندیښنه یا ډار وي یا د هغې لامل شي یا د سولې (چي د ځانګړو ډلو په وړاندې د تبعیضي وینا د منع کولو لپاره شتون ولري) د زیانمن کېدو لامل شي، بل چا ته د داسې موضوع لېږل چې غیر اخلاقي یا سپکاوی وي د ډار یا اضطراب لامل شي (چې د توکمپال یا دیني ضد وینا د منع کولو لپاره کارول کېږي)، تحریک، د توکمیز نفرت تحریک، د دیني نفرت تحریک، د ترهګرۍ تحریک، د تروریزم د هڅولو او د تروریستي خپرونو په ګډون، د تروریزم تمجید، د سند یا ریکارډ راټولولو یا ستایل چې په ترهګریزو کړنو کې ترې ګټه واخستل شي، خیانت لکه شاهي نظام د له منځه وړلو ملاتړ یا د پاچا د قتل تصور کول، فتنه، فحشا، بې حیايي لکه د عامه اخلاقو فساد او د عامه سلوک سپکاوی، بدنامي، مخکینۍ توقیف، د قربانیانو د نومونو او شواهدو په ګډون د محکمې د راپور ورکولو محدودیتونه او د محکمې په بهیر کې تعصب یا لاس وهنه، د را پور یا د قربانیانو د نومونو او د شواهدو افشا کولو محدودیت، له قاضیانو سره له محکمې وروسته د مصاحبو او د هغو د وخت، تګلارې، او ځای محدودیتونه، ځورونې، د امتیازي اړیکو،  سوداګریز رازونه، محرم مواد، د کاپی حق، د اختراع حق، پوځي چلند او د سوداګریزو ویناوو لکه د اعلانات محدودیتونه په څېر په پراخه کچه محدودیتونه شته.

د اطلاعاتو وزارت

د انګلستان د اطلاعاتو وزارت د لومړۍ نړیوالې جګړې پر مهال تاسیس شو او بیا د دویمې نړیوالې جګړې د تبلیغاتو په موخو اصلاح شو. په دویمه نړیواله جګړه کې یې د مشرانو د جرګې په ودانۍ کې د لندن پوهنتون په اړوندو کې موقعیت درلود. د دویمې نړیوالې جګړې په درشل کې د ۹۹۹ کارکوونکو د لرلو له امله یې ښه نوم نه درلود.

د جګړې په کلونو کې دې وزارت د ډېرو معلوماتو د پټولو دنده درلوده، ځکه داسې انګېرل کېدل چې ځینې معلومات به ملي احساساتو ته زیان ورسوي. دې وزارت ډېری هغه مطبوعاتي راپورونه هم سانسورول چې په کافي اندازه وطنپالونکي نه و، یا دا چې نظامي عملیات یې په داسې ډول توضیح کول چې دښمن ته ګټور تمامیدل.  

دې وزارت د پوست د عمومې ادارې د فلم د برخې مسئولیت هم پر غاړه واخست او د هغه نوم یې د کرون (تاج) فلم برخې ته بدل کړ. دې برخې مستند فلمونه د نن شپې هدف (۱۹۴۱)، غربي حرکت (۱۹۴۴) او لندن کولی شي دا ترلاسه کړي! (۱۹۴۰)، تولید کړل. دې وزارت همداراز سینمایي داستاني فلمونه هم تولید کړل لکه د ٤٩ مه درجه مدار (١٩٤١). له دې وروسته یاد وزارت یوازې مستند فلمونه تولید کړل، که څه هم دې وزارت د سوداګریزو فلمونو لپاره د تبلیغاتو لارښوونې هم ترتیب کړې.

د دویمې نړیوالې جګړې له پای ته رسېدو وروسته دا وزارت لغوه شو 

د فحشا او جنسي محتوا په اړه قوانین

فحشا په انګلستان او ویلز کې د فحشا قانون اوس مهال د فشحا د خپرولو مختلفو قوانینو او د جنایي عدالت او کډوالۍ د ۲۰۰۸ کال د قانون ۶۳ برخې له خوا کنترول کېږي، خو د فحشا قوانین د انګلیس په کامن لا کې ډېر ژور ځای لري.  

د اډموند کورل محکومیت په ۱۷۲۷ کال کې د عشق الاهه په خونه کې یا راهبه په خپلو کالو کې د خپرولو له امله د کامن لا له مخې د پاچا د سولې د ګډوډولو په جرم کې په لویه بریتانیا کې د فحشا له امله لومړی محکوم و او د نورو محکومیتونو لپاره یې قانوني  تګلاره وټاکله.  

له فحشا څخه د ادبي آثارو په توګه دفاع د ۱۹۵۹ کال د فحشا د خپرولو په قانون کې معرفي شوه. دا قانون په ۱۹۶۰ کال کې د مېرمن چټرلي د مینې (دي اچ لاورنس) په خپرولو کې  د پینګوین کتابونو په وړاندې د لوړې کچې فحشا په محاکمه کې و ازمویل شو. دا کتاب د هنري کار په توګه و پېژندل شو او د پینګوین کتابونه جرمي و نه موندل شول. دا یو داسې حکم و چې د ښکاره موادو د خپرولو لپاره ډیره آزادي ورکړه. دې محاکمې د آثارو د دفاع په توګه کوم غیر ارادي حق را منځته نه کړ؛ ډېری جنجالي کتابونه او خپرونې د ۱۹۶۰ او ۱۹۷۰ کلونو تر منځ د برتانوي محکمو د قضایاوو موضوع وه. د امریکایی لیکوال هوبرټ سیلبي د ۱۹۶۴ کال ناول، بروکلین ته وروستی خروج، په ۱۹۶۶ کال د دې  شخصي محاکمې موضوع وه. 

په دودیز ډول د قانوني ادبي عاشقانه آثارو او غیرقانوني فحشا تر منځ توپیر د انګلیس هېواد په محکمو کې د پیژندل شوو ادبي آثارو پر بنسټ رامنځته شوی. د ۱۹۷۶ کال د لیندا لاورینس څخه وروسته د پوره متني فحش هېڅ محاکمه څخه نده ترسره شوې، تر هغه چې د ۲۰۰۸ کال په اکتوبر کې  یو سړی د فحش خپرونو د قانون په اساس تورن و پېژندل شو ( وروسته مبرا شو) چې په انټرنیټ کې  لیکل شوی داستان پوسټ کړ چې په کې د پاپ ګروپ د نجونو د تښتونې ، جنسي تیري او قتل داستان بیانوي (د واکر په وړاندې د رګینا قضیه). ، حکومت د ۲۰۰۵ کال د اګست په وروستیو کې اعلان وکړ چې هوډ لري چې نه یوازې د خپرولوبلکه د ډیرو فحش موادو ملکیت هم جرم کړي او دا قانون د  ۲۰۰۸ کال د کډوالۍ او جنایي عدالت د قانون ۶۳ برخې په توګه نافذ شو. 

د هغه قانون په بنسټ چې د ۲۰۱۵ کال په مۍ کې معرفي شو، نه یوازې لیکل، بلکې د همدې ډول لارښوونو درلودل چې له ماشوم څخه د ناوړه ګټې اخیستنې لارښوونه کوي، ناقانونه وګڼل شو.  

د ۱۹۸۱ کال د نندارتونونو د مناسب قانون پر بنسټ په انګلستان کې نږدې ټول د جنسي توکو پلورنځي د توکو د آزادې نندارې څخه منع دي، یعنې د پلورنځیو مخونه زیاتره په پوسترونو کې پوښل شوي. د خبردارې نښه باید په واضح توګه د پلورنځي په دروازه کې معلومه شي، او هېڅ توکی باید د پلورنځۍ تر مخ و نه لیدل شي. هېڅ پیرودونکی نشي کولی د اتلس کلونو څخه کم عمر ولري. د ویډیو ثبتولو د ۱۹۸۴ کال قانون د ویډیوګانو لپاره د R18 درجه بندي ټاکي چې یوازې د جواز لرونکي جنسي پلورنځیو کې شته، خو پوره فحش مجلې په ځینو ځایونو کې د اخبار په پلورنځیو کې هم شته. د لنګیري او سیکس د دوکانونو د ان سمرز زنځیرې پلورنځي په دې وروستیو کې د کار په مرکزونو کې د کارمندانو لپاره د اعلاناتو حق ترلاسه کړ، چې په اصل کې د هغه محدودیتونو له مخې منع شوی چې د جنسي صنعت له خوا خپرېږي.