ازمېښتون

ټوليز مالومات
ځانګړې وېشنيزه	facility (en) ; research institute (en) ; study (en)
برخې	laboratory equipment (en) ; laboratory technician (en)

ازمېښتون يا ازمېښتځی (په انگرېزي: Laboratory) يو داسې ځای دی چې د ساينسي څېړنو، ازمېښتونو او موندنو لپاره د اسانتياوو او اړينو اوزارونو تر څنگ د ازمېښتونو او تجربو يو وړ او مهارونکی چاپېريال دی. ازمېښتون هغه ځای ته هم وييل کېږي چې د تجربې او ازمېښتونو مناسب اوزارونه او نور لوازم هغه لوازم چې په ساينسي پروسو کې کارېږي شتون ولري. دا د ځينو پېژندل شوو ازمېښتونونو نومونه دي:

د فلم ازمېښتون يا توره کوټه
د کمپيوټر ازمېښتون
طبي ازمېښتون
د عامې روغتيا ازمېښتون
د بې قانونه درملو او مخدره توکو ازمېښتون

په ښوونځيو او پوهنتونونو کې هم ازمېښتونونه وي چې په دې ډول ازمېښتونونو کې د ساينسي څېړنو تر څنگ د زده کړو اړونده ازمېښتونه هم ترسره کېږي. همدا شان په فابريکو کې په دولتي او پوځي ځايونو کې او آن په تشيالي او سمندري بېړيو کې هم ازمېښتون شتون لري. په يوه ازمېښتون کې له يوه څېړونکي نه آن تر دېرشو څېړونکو پورې د څېړنو آسانتياوې وي خو دا بيا د ازمېښتون د لويوالي او د اسانتياوو او د ازمېښتونو د چاپېريال پورې اړه لري چې يو ازمېښتون د کومې موخې لپاره کارېږي او څومره ازمېښتونه په يوه ازمېښتون کې شونی وي.