ابو ایوب انصاري

ابو ایوب انصاري رضي الله عنه یو جلیل القدره صحابي و، چې په مدینه منوره کې اوسېدو. محمد صلی الله عليه وسلم چې کله مدینې منورې ته هجرت وکړ نو د هغه په مېلمه پالنه باندې د مدینې اوسېدونکو ترمنځ یو ډول سیالي پیل شوه، چې بیا نبي علیه السلام وویل: زما اوښه چې د هر کور په مخ کې کېناسته نو زه به هم د هغه په کور کې پاتې کېږم او هغه به زما مېلمه پال وي. کله چې د نبي علیه السلام اوښه پرېښودل شوه نو د ابو ایوب رضي الله عنه د کور په مخ کې کېناسته. په همدې توگه نبي علیه السلام د هغه د کور په دوهم چت کې پاتې شو.