جان کبېل برېکنرېج

جان کبېل برېکنرېج
(انګلیسي: John C. Breckinridge د (P1559) برخه د ويکيډاټا له لارې سمه کړئ
جان کبېل برېکنرېج
جان کبېل برېکنرېج

د شخص معلومات
پيدايښت ۱۶ جنوري ۱۸۲۱[۱][۲][۳][۴]
مړینه 17 مې 1875 (54 کاله)[۵][۱][۲][۳][۴]  د (P570) برخه د ويکيډاټا له لارې سمه کړئ
تابعیت د امریکا متحده ایالات  د (P27) برخه د ويکيډاټا له لارې سمه کړئ
ګوند ديموکراتيک ګوند  د (P102) برخه د ويکيډاټا له لارې سمه کړئ
د اولادو شمېر 5   د (P1971) برخه د ويکيډاټا له لارې سمه کړئ
عملي ژوند
دنده سياستوال
پوځي ځواک  د (P106) برخه د ويکيډاټا له لارې سمه کړئ
مورنۍ ژبه انگليسي  د (P103) برخه د ويکيډاټا له لارې سمه کړئ
کاروونکي ژبه(ي) انگليسي  د (P1412) برخه د ويکيډاټا له لارې سمه کړئ
پوځي خدمت
مقام جنرال  د (P410) برخه د ويکيډاټا له لارې سمه کړئ
جګړه/جګړې د امریکا کورنۍ جګړه
د مکسیکو او امریکا جګړه  د (P607) برخه د ويکيډاټا له لارې سمه کړئ
لاسلیک
جان کبېل برېکنرېج
جان کبېل برېکنرېج

  د (P935) برخه د ويکيډاټا له لارې سمه کړئ

جان کبېل برېکنرېج (د ۱۸۲۱ ز کال، د جنوري له ۱۶مې -  د ۱۸۷۵ ز کال د مې تر ۱۷مې) یو امریکایی حقوق پوه، سیاستوال او سرتیری و. هغه د کانګرس په دواړو مجلسونو کې د کېنتکي په استازیتوب خدمت وکړ او د متحده ایالاتو څوارلسم او ترټولو ځوان مرستیال ولسمشر دی، چې له ۱۸۵۷نه تر ۱۸۶۱ز پورې یې خدمت و کړ او په ۳۶ کلنۍ کې یې دا چوکۍ ترلاسه کړه. نوموړی د دیموکراتیک ګوند غړی و او د امریکا د کورنۍ جګړې د پیل په ترڅ کې یې د متحده ایالاتو په سنا کې دنده پر مخ وړله. نوموړی د همتړونه پوځ سره د یوځای کېدو وروسته له سنا وشړل شو او په ۱۸۶۵ ز کال کې د همټړونه ډلې د جګړې وزیر وټاکل شو.

برېکنرېج د کېنتکي لیکسینګټن سیمې ته نږدې په یوه نامتو کورنۍ کې نړۍ ته سترګې پرانیستې. نوموړي د مکسیکو – امریکا په جګړه کې له ملکي خدمت وروسته، د کېنتکي د استازو مجلس ته د ډیموکرات ګوند په استازیتوب په ۱۸۴۹ ز کال کې وټاکل شو، چې هغه په دې ځای کې نوموړي د غلامۍ په برخه کې د لاسوهنې پروړاندې د ایالتي حقوقو د ملاتړي دریځ غوره کړ. هغه چې په ۱۸۵۱ ز کال کې د متحده ایالاتو د استازو مجلس ته لاره وموندله او د کانزاس – نبراسکا د قانون په ملاتړ کې د سټیفن  ډاګلاس سره یوځای شو.  کله چې په ۱۸۵۴ ز کال کې د واک له وېش نه وروسته د هغه بیا ټاکل ناشونی شو، نوموړی بلې دورې ته له سیالۍ شا ته شو. هغه د ۱۸۵۶ ز کال دیموکرات په ملي کنوانسیون کې د مرستیال ولسمشر چوکۍ ته نوماند شو، چې د جېمز بوکانان په مشرۍ ټیکټ کې توازن را منځ ته کړي. دیموکراتانو ټاکنې وګټې، خو برېکنرېج له بوکانان سره لږ اغېز درلود او د سنا د ریاست په چوکۍ کې یې نه شو کولای ،خپل نظریات په بحثونو کې څرګند کړي. هغه د کنزاس لپاره د لیکومپتان د اساسي قانون په ملاتړ کې، چې په ډیموکراتیک ګوند کې د وېش لامل شو، د بوکانان سره یوځای شو. نوموړي په ۱۸۵۹ز کال کې د سناتور جان جې کریټینډن ځای ناستی وټاکل شو، چې  په ۱۸۶۱ ز کال کې د هغه چوکۍ ډکه کړي.  

وروسته له هغه چې د ۱۸۶۰ ز کال له  دیموکرات ملي کنوانسیون نه سویلي دیموکراتان ووتل، په بالتیمور کې د ګوند شمالي او سویلي ډلو سیال کنوانسیونونه په لاره واچول چې په ترتیب سره یې ډاګلاس او برېکنرېج ولسمشرۍ ته نوماند کړل. د اساسي قانون ملاتړي اتحادیې ګوند چې درېیم ګوند و، جان بیل نوماند کړ. نوموړو درېیو کسانو د سویل رایې په داسې حال کې ووېشلې، چې د غلامۍ ضد جمهوري غوښتونکي نوماند ابراهام لینکن په شمال کې د درېیو ټاکنیزو رایو پرته ټولې رایې وګټلې، چې پر مټ یې هغه ټاکنې خپلې کړې. برېکنرېج سویلي ایالتونه ډېری وګټل او په سنا کې د خپلې چوکۍ په لاسته راوړو سره هغه د اتحادیې د ساتلو لپاره د جوړجاړي غوښتنه وکړه. اتحادیې د مقننه قوې کنټرول په لاس کې درلود او هغه وخت یې ډېر ملاتړ ترلاسه کړ، چې همتړونه ځواکونه کېنتکي ته ننوتل.

د برېکنرېج د همتړونه ځواکونو د لیکو شاته وتښتید او برید جنرال وټاکل شو. ورپسې د سنا له مجلس نه وشړل شو. نوموړي د ۱۸۶۲ ز کال د شیلو له جګړې وروسته د تورن جنرال رتبې ته ترفیع وکړه. د همدې کال د اکتوبر په میاشت کې، هغه د بریکسټن برېګ تر مشرۍ لاندې د مسیسیپي په پوځ کې په دنده وګومارل شو. کله چې برګ تور ولګاوه چې په سټونز سیند او مشنري ریج کې ماتې د برېکنرېج د نشې له امله وه او کله چې برېکنرېج د برګ پر وړاندې نیوکو کې د نورو لوړ پوړو افسرانو سره یوځای شو، هغه د الګیني سیند د غاړو ډیپارټمنت ته تبدیل شو چې په هغه ځای کې نوموړي د نیو مارکېټ په جګړه کې خپل ترټولو ارزښتناکه بریالیتوب ترلاسه کړ. کله چې برېکنرېج د شینادوا درې په خوځښتونو کې د جوبل اېرلې سره یوځای شو، هغه په ټینیسي او ویرجینیا کې د اکمالاتو په ساتنه وګومارل شوی.  د همتړونه ډلې ولسمشرجیفرسن ډاوېس په د ۱۸۶۵ ز کال په فبروري کې ،هغه د جګړې وزیر وټاکه. کله چې نوموړي د جګړې پایله نا هیلې کوونکې وښوده، له ډاوېس نه یې وغوښتل چې د ملي تسلیمۍ پرېکړه وکړي. برېکنرېج د ریچمنډ له سقوط وروسته، د همتړونو د اسنادو له ساتنې ډاډ ورکړ. له هغه وروسته له هېواده وتښتېد او تر دری کلونو ډېر په بهر کې پاتې شو. کله چې په ۱۸۶۸ ز کال کې ولسمشر انډریو جانسن ټولو پخوانیو همتړونو ته عمومي بښنه پراخه کړه، برېکنرېج بېرته کېنتکي ته راستون شو او د خپل سیاسي ژوند د بیا پیل پر وړاندې يې له ټولو هڅو سره مقاومت وکړ. د جګړې ټپونو، د هغه روغتیايې حالت اغېزمن کړی و او په ۱۸۷۵ ز کال کې یې له نړۍ سترګې پټې کړې. که څه هم په کېنتکي کې یې پلویان ډېر وو، خو  په ​​​​شمال کې د ډېری وګړو له خوا د خاین په توګه غندل شوی دی.

د ژوند لومړي کلونه سمول

جان کبېل برېکنرېج د ۱۸۲۱ ز کال د جنورۍ په ۱۶ مه نېټه د کېنتکي ایالت لیکسینګټن ته نژدې د خپلې کورنۍ په جایداد، تورن هیل کې نړۍ ته سترګې پرانیستې. نوموړی د جوزف "کبېل" برېکنرېج او ماري کلی (سمېت) برېکنرېج د شپږو ماشومانو له ډلې نه څلورم او یوازینی زوی و. مور یې د سمویل سټین هوپ سمېت، چې په ۱۷۷۵ ز کال کې یې د هامپډن – سیدني کالج بنسټ کېښود، لور وه او د جان ویدرسپون، چې د خپلواکۍ د اعلامیې لاسلیک کونکی و، لمسۍ وه. د برېکنرېج پلار چې مخکې یې د کېنتکي د استازو د مجلس د رئیس په توګه دنده ترسره کوله، د خپل زوی له زیږون نه لږ وړاندې د کېنتکي ایالیت د بهرنیو اړیکو د منشي په توګه  وټاکل شو. د برېکنرېج له زیږون نه یوه میاشت وروسته، د فبروري په میاشت کې د هغه کورنۍ یې د والي جان اډېر سره فرانکفورت ته د والي دفتر ته لاړه، تر څو یې پلار وکړای شي، د بهرنیو چارو د منشي په توګه خپلې دندې په ښه توګه ترسره کړي.[۶][۷][۸][۹]

د ۱۸۲۳ ز کال په اګست کې، د "پراخېدونکې تبې" تر نامه لاندې یوه ناروغي، چې فرانکفورت تر برېد لاندې راوست، کبېل برېکنرېج خپل ماشومان په لیکسینګټن کې خپلې مور ته یووړل. د بېرته راستنیدو سره سم هغه ښځه او هم یې  دواړه ناروغ شول. کبېل برېکنرېج مړ شو، خو ښځه یې ژوندۍ پاتې شوه. د کبېل شتمني د هغه د پورونو د ورکړې لپاره بس نه وه او کونډه یې لیکسینګټن ته خپلو ماشومانو ته راستنه شوه چې د هغې د خواښې له خوا یې سرپرستې کېده. کله چې برېکنرېج په لیکسینګټن کې و، د ووډفورډ ناحیې د پیسګاه اکاډمۍ ته لاړ. نوموړي ته خپلې انا د خپل مېړه جان برېکنرېج سیاسي فلسفې ښوولې، چې د متحده ایالاتو په سنا او د ولسمشر توماس جیفرسن تر مشرۍ لاندې یې د لوی څارنوال په توګه دنده ترسره کړې وه. برېکنرېج د یوه ایالتي قانون جوړونکي په توګه په ۱۸۹۸ ز کال کې د کېنتکي پریکړه لیکونه وړاندې کړل، چې د د بهرنیانو او بلواګرو د تابعیت د قوانینو پر وړاندې یې په ایالتي حقوقو ټینګار وکړ او د ایالت له خوا یې د قوانینو د لغوې نظریه تايید کړه.[۱۰][۱۱][۱۲][۱۳][۱۴]

د برېکنرېج د مور او انا تر منځ په ۱۸۳۲ ز کال کې له شخړې وروسته، نوموړي د خپلې مور، خور لایتتیا سره کېنتکي ته لاړ، ترڅو د خپلې خور فرانسیس او د هغې له میړه سره، چې د سنټر کالج رئیس و، ژوند وکړي. د برېکنرېج تره ویلیم برېکنرېج هم په دې ځای کې د پوهنځي غړی و، چې هغه یې د ۱۸۳۴ ز کال په نومبر کې نوم لیکنې ته وهڅاوه. بیریا میګوفین، ویلیم برني، تیودور اوهارا، توماس ایل کریټینډین او جیرمیا بویل د نوموړي له ټولګيوالو نه وو. کله چې هغه د ۱۸۳۸ ز کال په سپتمبر کې د ټولنیزو علومو لېسانس ترلاسه کړ، راتلونکی ژمی یې د نیو جرسي په کالج کې (چې اوس د پرنسټن پوهنتون دی) د "مېشت فارغ" په توګه تېر کړ. د ۱۸۳۹ ز کال په نیمایي کې کېنتکي ته راستون شو او د قاضي ویلیم اوسلي سره یې قانون ولوست. نوموړي د ۱۸۴۰ ز کال په نومبر کې د لیکسینګټن په ټرانسلوانیا پوهنتون کې د حقوقي د زدکړو په دویم کال کې شامل شو، چې په دې ځای کې د هغه د ښوونکو تر منځ د کېنتکي د استیناف محکمې دوه غړي - جورج رابرټسن او توماس مارشال هم وو.  نوموړي په ۱۸۴۱ ز کال د فبرورۍ په ۲۵ مه نېټه یې د حقوقو په برخه کې د لېسانس سند ترلاسه کړ او په راتلونکي کې یې، په دې برخه کې د کار جواز ترلاسه کړ.  [۱۵][۱۶][۱۷][۱۸][۱۹][۲۰][۲۱]

سرچینې سمول

  1. ۱٫۰ ۱٫۱ SNAC ARK ID: https://snaccooperative.org/ark:/99166/w6k93fs1 — subject named as: John C. Breckinridge — د نشر نېټه: ۹ اکتوبر ۲۰۱۷
  2. ۲٫۰ ۲٫۱ Find a Grave memorial ID: https://www.findagrave.com/memorial/132 — subject named as: John Cabell Breckinridge — د نشر نېټه: ۹ اکتوبر ۲۰۱۷
  3. ۳٫۰ ۳٫۱ The Peerage person ID: https://wikidata-externalid-url.toolforge.org/?p=4638&url_prefix=https://www.thepeerage.com/&id=p15287.htm#i152867 — subject named as: General John Cabell Breckinridge — د نشر نېټه: ۹ اکتوبر ۲۰۱۷ — دوتنه: Darryl Roger Lundy — پیدا کوونکی: Darryl Roger Lundy
  4. ۴٫۰ ۴٫۱ GeneaStar person ID: https://www.geneastar.org/genealogie/?refcelebrite=breckinridgej — subject named as: John C. Breckinridge
  5. Encyclopædia Britannica Online ID: https://www.britannica.com/biography/John-C-Breckinridge — subject named as: John C. Breckinridge — د نشر نېټه: ۹ اکتوبر ۲۰۱۷ — سرليک: Encyclopædia Britannica
  6. Klotter 1992، ص. 117.
  7. Davis 2010، ص. 10.
  8. Heck 1976، ص. 3.
  9. Harrison 1973، ص. 125.
  10. "Breckinridge, John Cabell". Biographical Directory of the United States Congress. United States Congress. مؤرشف من الأصل في September 3, 2019. د لاسرسي‌نېټه November 8, 2012. الوسيط |CitationClass= تم تجاهله (مساعدة)
  11. Heck 1976، ص. 1.
  12. Heck 1976، ص. 5.
  13. Klotter 1986، ص. 97.
  14. Heck 1976، ص. 4.
  15. Heck 1976، صص. 10–11.
  16. Heck 1976، ص. 11.
  17. Heck 1976، ص. 9.
  18. Davis 2010، ص. 14.
  19. Heck 1976، ص. 10.
  20. Davis 2010، ص. 15.
  21. Heck 1976، ص. 6.