د "پېښور" د بڼو تر مېنځ توپير

'''پېښور''' (په [[انگرېزي]]: Peshawar، [[هندکو]]: پِشور، [[اوردو ژبه|اردو]]: پشاور)، د [[خیبر پښتونخوا|پښتونخوا]] ولايت [[پلازمېنه]] او د [[مرکزي قبایلي سیمې|قبايلي سيمو]] د فېډرالي نظام مرکز دی. د کوشانيانو پاچا [[کنېشکا]] په ۲ مه ميلادي پېړۍ کې د پوشکالاوتي Pushkalavati (اوسنۍ [[چارسده]]) نه پوروشاپوره (اوسيني پېښور) ته خپله [[پلازمېنه]] ولېږدوله. د پېښور اوسينی نوم هم کېدای شي د سانسيکرت د ژبې پوروشاپوره (مانا يې "د سړو ښار" دی) نه راوتلی وي.

دغه سيمه د پېخور او پېشاور په نومونو هم يادېږي. په اصل کې دا سيمه د [[گندهارا]] برخه وه او په دې سيمه کې د ختيځ ايرانی ټبر چې اصل او نصب يې سياتيان وو استوگن شوي وو. بيا وروسته دا سيمه د کوشان د امپراتورۍ په ولکه کې راغله. په برتانيه کې د پېشاوري نان په نامه يوه ټيکله مشهوره ده چې په خوړنځايونو کې په همدې نوم پېژندل کېږي. داسې اټکل کېږي چې دا ټيکله د همدې سيمې نه نوم خپل کړی. د دې سيمې د تاريخ نه دا څرگنده ده چې په دې سيمه د يونانيانو او عربانو يو لنډه څپه راغلې او دا سيمه يې د خپل ښکېلاک نه اغېزمنه کړې. چې په همدې پايله کې د [[اسلام]] دين هم دې خاورې ته له ختيځ لوري نه راغلی. بيا يو څه موده وروسته دا د افغاني امپراتورۍ يوه پلازمېنه هم وه. نن د اباسيند د رود لويديځې خوا کې پروت ښار، او په همدې توگه پېښور د [[پاکستان]] د هېواد په اهمو ښارونو کې شمېرل کېږي.