د "ديا خان" د بڼو تر مېنځ توپير

د ديا تعلق د يو کلتوري کورني سره دې۔ د ديا پلار په ناروې کښ د بيلابيلو کلتوري فعاليتونو يو مهم وگړې دې۔ هغه د پاکستان کلاسيکي موزيک او نورو پاکستاني تخليقي روايات په ناروې کښ متعارفي کولو کښ يو ډير مهم کردار ترسره کړې دې۔ د خپل کلتور سره د مينې په نتيجه کښ هغه د ديا د تربيت په لړ کښ د اُردو ژبې او نور رواياتي پوهو او ذدکړو باندې خاص او ځانگړي توجه ورکړه۔ هم دغه شان هغه د ديا لپاره د موزيک د ذدکړه هم انتظام وکړو۔ د کومې دپاره چي هغه د پاکستان او هند لوړ رتبه سازندوو او هنرمندانو خدمات ترلاسه کړل۔ د ډير محنت لکبله ديا ډير زر د ناروې په موزيکي حلقو کښ ځائې پيدا کړو۔ ديا د اوه نيمو کالو په عمر کښ په نارويجن ټيليويژن راښکاره شوه۔

 

په کال 1990 کښ ديا د پاکستان لوړ رتبه هنرمند استاد مشر فتح علي خان او د ناروې هنرمند "جان گاربارک" په شريک البم کښ د يو ميلمنې سندرغاړې په طور کار وکړو۔ 12 کالو په عمر کښ هغېدا ناروې سندرغاړې "اندرس ويلر"په البم کښ په يوه سندره کښ ملگرستيا وکړه۔ د 15 کالو په عمر کښ د مشهور ريکارډنگ کمپني "چرچ کلتوري کارگاه" ديا ته کار ورکړو۔ او “I Alt Slags Lys” په نوم خپل البم جاري کړو۔ دا البم د ختيز او لويديز د موزيک يو ښائسته ملاپ وو۔ او د دې په تياري کښ د ناروې نامتو هنرمندانو نه علاوه د پاکستان لوړ رتبه طبله نواز استاد شوکت حسين او د هندوستان نامتو سارنگي نواز استاد سلطان خان برخه واخسته۔ د ديا دويم البم په ستمبر 1995 کښ "بي ايم جي ايريسټا" د ديا په زيگون په نوم ديپکا باندې خپور کړو۔ د دې البم په جوړولو کښ نارويجن پروډيوسر تهور ايک هيرمانس، ټامي ټي او انگريز پروډيوسر نک سيليټو برخه واخسته۔ ديا خان ورستي البم "آټا راکسس" په نوم سره په کال 2007 کښ مخې ته راغلو چه په کوم کښ دوه ځلې گريمي ايوارډ گټونکې نوميالې پيانو نواز "باب جيمز"، نامتو ډلې/ټولي "دي پوليس" کښ گريمي ايوارډ گټونکې گټار نواز "ايندي سمرز" اود ناروې ټرميټ نواز "نيل پهيترمولوير" برخه واخسته۔ د البم د پاکستاني کلاسيکي موزيک، پاکستان او افغانستان کي اولسي موزيک او بريخناۍ/ اليکټرونيکا يو ښائسته جوړخ وو۔ دا قسمه البم ازموئنه په موزيکي حلقو کښ ډيره وستائل شوه۔ کومو نورو هنرمندانو، سازندگانو او موزيک پروډيوسرانو چي د ديا د موزيک نه استفاده وکړه او د ديا د موزيک ځنې برخې ئ په خپلو موزيکونو کښ پکار راوستلې۔ په دوي کښ نيلس پهيتر مولوير، سيب ټيلر، نووال بون کرشر، جينټ جيکسن (ريمکس) ليقوډ سټرينجر، مساله ډوسا، مارک سمتۀ،فيټيليټي ارکسټرا، گائې، چيمبرز، پال اوکن فولډ او کايا پروجيکټ نومونه د ذکر وړ دي۔