د "د مزلو د اړتیاوو د مرتبو سلسله" د بڼو تر مېنځ توپير

دا غوښتنې په حیوان او انسان کې شریکې دي، نامحدودې نه دي او لـه پوره کېدو څه موده وروسته یو ځل بیا راولاړېږي. د ګېډې لـه مړېدلو وروسته بنیادم په امن پسې ګرځي او د سلامتۍ په لټه کې وي. په دریم پوړ کې اجتماعي تعلقات ځاى لري. انسان غواړي یوازې نه وي، په یوه اجتماعي ګروپ کې شامل وي. کلـه چې دا ټولې اړتیاوې لږې یا ډېرې پوره شي، بنیادم ته په ټولنه کې د امتیاز لرلو شوق ورولاړېږي. غواړي نور یې احترام وکړي او په درنه سترګه ورته وګورٍي. غواړي د ده کور، د ده جامې او د ده موټر تر نورو زیات وي. په برلاسۍ پسې ګرځي. خو انسان تر دې لوړه اړتیا هم لري. انسان د خپلو غوښتنو په تر ټولو لوړه مرحلـه کې یو ځل بیا په ځان کې ډوبېږي. د مین غوندې شي. د نورو ښو یا بدو تبصرو ته اهمیت نه ورکوي، یوازې پخپلو لوړو اجتماعي مقصدونو پسې ګرځي. غواړي حقیقت ته ورسیږي، غواړي تلپاتې اثارو ولیکي، غواړي دنیا بدلـه کړي او په ټولنه کې نوى روح وپوکي.

 

[[it:Bisogno#La piramide di Maslow]]