د تقوا لنډ تعریف، د تقوا ګټې د قران له نظره او د تقوا اسباب
- تقوی
ليکنه: محمد نعيم عزيزي
د تقوا لنډ تعریف
علما وايی! تقوا د الله تعلی سره محبت کول او د هغه داسی اطاعت کولو ته وایی چی بنده د الله تعلی په ټولو اوامرو عمل کوي او هېڅکله یی هم الله تعلی په هغه ځای او حالت کی ونه ګوري چی تری منع کړی یی دی.
د تقوا ګټې
۱- الله تعلی متقیانو ته هدایت کوي کوم چی تر ټولو لویه سرمایه ده (سورة بقره ۳)
(ذَٰلِكَ ٱلۡكِتَٰبُ لَا رَيۡبَۛ فِيهِۛ هُدٗى لِّلۡمُتَّقِينَ)
ژباړه: دا (عظيم) كتاب دى، په ده كې هېڅ شك نشته، د پرهېزګارانو لپاره هدايت دى.
۲- الله تعلی د متقیانو اعانت او مرسته کوي (سورة نحل ۱۲۸)
(إِنَّ ٱللَّهَ مَعَ ٱلَّذِينَ ٱتَّقَواْ وَّٱلَّذِينَ هُم مُّحۡسِنُونَ)
ژباړه: بېشكه الله تعلی د هغو كسانو سره دى چې پرهېزګاري كوي او د هغو كسانو سره چې هغوى نېكي كوونكي دي.
۳- په تقوا سره د الله تعلی دوستي حاصلیږي (سورة جاثیه ۱۹)
(وَٱللَّهُ وَلِيُّ ٱلۡمُتَّقِينَ)
ژباړه: او الله د پرهېزګارانو ملګرى دى
۴- په تقوا سره د الله تعلی محبت حاصلیږي (سورة توبه ۴)
(إِنَّ ٱللَّهَ يُحِبُّ ٱلۡمُتَّقِينَ)
ژباړه: الله تعلی له متقیانو سره محبت کوي
۵- الله تعلی متقیانو ته بښنه کوي او لویی بدلی ورکوي (سورة طلاق ۵)
(وَمَن يَتَّقِ ٱللَّهَ يُكَفِّرۡ عَنۡهُ سَيِّـَٔاتِهِ وَيُعْظِمْ لَهُ أَجْرًا)
ژباړه: او هغه څوك چې له الله نه ووېرېږي، هغه به له ده نه د ده ګناهونه لرې كړي او د ده لپاره به اجر ډېر لوى كړي
۶- الله تعالی د متقیانو چاری اسانوي (سورة طلاق ۴)
(وَمَن يَتَّقِ ٱللَّهَ يَجۡعَل لَّهُۥ مِنۡ أَمۡرِهِۦ يُسۡرٗا)
ژباړه: او هغه څوك چې له الله نه ووېرېږي، الله تعلی به د ده لپاره په كار كې ډېره اساني پیدا كړي
۷- متقیان الله تعالی له غمونو څخه خلاصوي او پراخه رزق ورکوي (سورة طلاق ۳،۲)
(وَمَن يَتَّقِ ٱللَّهَ يَجۡعَل لَّهُۥ مَخۡرَجٗا، وَيَرۡزُقۡهُ مِنۡ حَيۡثُ لَا يَحۡتَسِبُۚ)
ژباړه: او هغه څوك چې له الله نه ووېرېږي، (نو) هغه به د ده لپاره د وتلو څه ځاى پیدا كړي او ده ته به له هغه ځایه رزق وركړي چې دى به ګمان هم نه كوي.
۸- الله تعالی د متقیانو اعمال قبلوي (سورة مائده ۲۷)
(إِنَّمَا يَتَقَبَّلُ ٱللَّهُ مِنَ ٱلۡمُتَّقِينَ)
ژباړه: بېشكه همدا خبره ده چې الله یی له پرهېزګارانو څخه قبلوي
۹- الله تعالی متقیانو ته کامیابي ورکوي (سورة بقره ۱۸۹)
(وَٱتَّقُواْ ٱللَّهَ لَعَلَّكُمۡ تُفۡلِحُونَ)
ژباړه: او له الله نه وېرېږئ، د دې لپاره چې كامیاب شئ
۱۰- په متقیانو به هیڅ وېره او غم نه وي (سورة یونس ۶۲، ۶۳)
أَلَآ إِنَّ أَوۡلِيَآءَ ٱللَّهِ لَا خَوۡفٌ عَلَيۡهِمۡ وَلَا هُمۡ يَحۡزَنُونَ، ٱلَّذِينَ ءَامَنُواْ وَكَانُواْ يَتَّقُون
ژباړه: اګاه شئ! بېشكه د الله دوستان چې دي؛ پر هغوى باندې نه څه وېره شته او نه دوى غمجن كېږي، هغه كسان چې ایمان يې راوړى دى او ځان (له نافرمانیو) ساتي.
۱۱- الله تعالی متقیانو ته له دوزخ نه نجات ورکوي (سورة مریم ۷۲)
(ثُمَّ نُنَجِّي ٱلَّذِينَ ٱتَّقَواْ وَّنَذَرُ ٱلظَّـٰلِمِينَ فِيهَا جِثِيّٗا)
ژباړه: بیابه مونږ هغو كسانو ته نجات وركړو چې پرهېزګاري يې كړې ده
۱۲ـ الله تعالی د متقیانو لپاره د دنیا او اخرت زیري ورکوي (سورة یونس، ۶۳، ۶۴)
(ٱلَّذِينَ ءَامَنُواْ وَكَانُواْ يَتَّقُون، لَهُمُ ٱلۡبُشۡرَىٰ فِي ٱلۡحَيَوٰةِ ٱلدُّنۡيَا وَفِي ٱلۡأٓخِرَةِۚ)
ژباړه: هغه كسان چې ایمان يې راوړى دى او ځان (له نافرمانیو) ساتي، د همدوى لپاره په دنيايي ژوند كې زېرى دى او په اخرت كې (هم).
۱۳ـ الله تعلی د متقیانو لپاره جنتونه تیار کړي (سورة قلم ۳۴)
(إِنَّ لِلۡمُتَّقِينَ عِندَ رَبِّهِمۡ جَنَّـٰتِ ٱلنَّعِيمِ)
ژباړه: بېشكه د پرهېزګارو لپاره د خپل رب په نیز د نعمتونو جنتونه دي
په ځان کی د تقوا را وستلو اسباب
۱. د اخرت د عذاب نه وېره کول.
۲. د دنیا دعذاب نه وېره کول.
۳. د اخرت د ثواب امید چی الله تعلی به جنتونه راکوي.
۴. د الله تعلی څخه د دنیا د نعمتونو امید کول.
۵. د الله تعالی د محاسبی او پوښتنو نه وېره.
۶. د الله تعلی د نظر نه حیا او شرم کول، هغه دا چی الله تعلی مو په هر حالت کی ویني.
۷. د الله تعلی د نعمتو شکر کول لکه د (اسلام، صحت، عقل، کورنی ...) نعمتونو.
۸. په دین ځان پوهول.
۹. د الله عظمت په زړه کی ساتل دا چی الله تعلی ډېر لوی ذات دی او باید نافرماني یی ونه شي.
۱۰. د الله تعلی سره مینه کول
۱۱. د الله تعلی په پوهه باور لرل، هغه دا چی په تقوا کی مو د اخرت ترڅنګ د دنیا لویه ګټه ده.