دوتنه:خوجه خان بابا کلی.jpg

خواجه خان بابا د مرکزي بغلان ولسوالۍ ښار جنوب لور ته په څلور کیلومترۍ کې پرته سیمه ده چې د وګړو شمېر یې پنځو زرو ته رسیږي او ډیر استوګن یې په کرنه او مالدارۍ بوخت دي. دې سیمه کې د احمدزیو، اندړو، میاخیلو، یوسفزیو او علي خېلو قومونه مېشت دي چې په ۱۳۹۶ کال کې د شوې سرویې له مخې یې اتیا سلنه وګړي له سواده برخمن دي او په دې وروستیو کې یې زیاتو وګړو لیک لوست ته مخه کړې. یو منځنی ښوونځي د خواجه خان بابا په سیمه کې د انجونو او هلکانو د زده کړو په موخه پکې فعاله دی چې اوس مهال تر زرو زیات زده کوونکي پکې په زده کړو بوخت دي. د خواجه خان بابا دسیمې دیرش سلنه وګړي رسمي او غیر رسمي دندې لري او یو زیات شمېر وګړي یې د مالدارۍ ترڅنګ دشولو، کُنځلو ، پختې ، لوبیا ، نخودو، غنمو ، خټکیو او هندواڼو په کرلو بوخت دي چې له دې لارې د هېواد د کرنیز محصولاتو برخه ځواکمنوي او خپلې ورځۍ چارې په تر لاسه شوې ګټې سمبالوي. ټوله کې ددې سیمې خلک فرهنګي پال، هېواد پال او ولس پاله دي چې تر ډیره زیاتو برخو کې لاس ته راوړنې هم لري. دې سیمې ته ځکه خواجه خان بابا وايي مخکې له دې چې دغلته دپښتوکورونه او مېنې جوړې شي دخواجه خان بابا په نوم همدلته یوه زیارت شتون درلود کله چې کلی جوړ سوی همدا نوم پرې پاتې او لاهم په همدې نامه یادیږي.