اوكراين

اوکراين ، په اوکرايني ژبه (Україна) په ختيځه اروپا کې يو دولت دی . د ۲۰۰۱ ز کال د پايلو له مخې ددغه دولت د وگړیو شمېر ۴۸ اشاريه ۴ ميليونه وو . د اوکراين د دولتي احصاييوي خدماتو د ۲۰۱۳ ز کال د می د لومړۍ نېټې د مالوماتو له مخې ، په اوکراين کې ۴۵۴۹۵۳۰۰ وگړي ژوند کوي . د خاورې مساحت یې ۶۰۳۶۲۸ کيلومتره مربع دی . اوکراين تر روسیې وروسته د اروپا تر ټولو لوی هېواد گڼل کيږي . د وگړیو د شمېر له پلوه په نړۍ کې ۳۰ او د خاورې د پراختيا له پلوه ۴۴ ځای لري . ددغه هېواد پلازمېنه د کيېف ښار دی ، دولتي او رسمي ژبه یې اوکرايني ده .

سرچينې

1. http://ru.wikipedia.org/wiki/Украина